कसं सुचतं हे सगळं ? अहो, ब्रह्ममुहूर्तावर जाग येण्यातून.

च
चित्रगुप्त यांनी
 ·  लेख
लेख
माझ्या ' मारा डंख मारा डंख मारा बिछुवा' या धाग्याच्या एका प्रतिसादात 'ढालगज भवानी' यांनी " कसं सुचतं हे सगळं ? असा प्रश्न केला होता, त्याचं उत्तर " अहो, ब्रह्म मुहूर्तावर जाग येण्यातून" असं आहे. कसं, ते सांगतो. 'ब्रम्ह मुहूर्त' ज्याला म्हणतात, त्याची नेमकी अशी काही वेळ (पंचांगातील सूर्योदयाच्या नियत वेळेसारखी) असेल, असे वाटत नाही (असल्यास सांगावे). साधारणत: पहाटे तीनच्या सुमाराची वेळ म्हणजे 'ब्रम्ह मुहूर्त' असे म्हटले जाते. पण मुळात त्या वेळेला 'ब्रम्हमुहूर्त' असे का म्हणायचे ? ब्रम्हदेव हा सृष्टीचा निर्माता. सृजनाचा देव. तेंव्हा 'ब्रम्हमुहूर्त' म्हणजे सृजनशीलतेची वेळ. चित्र, लेखन, किंवा अन्य कश्याहीसाठी नवीन कल्पना केंव्हाही, कुठेही सुचून जात असल्या तरी त्यांचं प्रमाण या ब्रह्म मुहूर्तावर मात्र सर्वात जास्त असतं, असा माझा दीर्घ अनुभव आहे. पण म्हणून आपण गजर वगैरे लावून पहाटे तीनला जांभया देत, आळसवटलेले उठलो, तरी काही सृजनशील कल्पना सुचतीलच, ही शक्यता फारच कमी आहे. पहाटे तीनच्या सुमारास उठून 'ब्रम्हमुहूर्ता' चा लाभ घ्यायचा, तर खालील अटी पूर्ण झालेल्या असल्या पाहिजेत: १. झोप पूर्ण झालेली असली पाहिजे, आणि तात्काळ उठून अंथरुणाच्या बाहेर येण्याचा उत्साह वाटत असला पाहिजे. गजराशिवाय आपोआप झोप उघडलेली असली पाहिजे. २. पोटातले अन्न पूर्ण पचलेले असले पाहिजे, आणि उठल्यावर लगेच शौच्याची भावना/निकड झाली पाहिजे. या दोन गोष्टी साधायच्या, तर खालील दोन गोष्टींची सवय लावून घेतली पाहिजे: १. आदल्या रात्री नऊ -साडेनऊच्या सुमारास झोपणे, आणि २. आदल्या दिवशीचे संध्याकाळचे जेवण (तेही हलके, सुपाच्य) सूर्यास्ताच्या सुमारास झालेले असणे. असे थोडे दिवस केले, की झोप आपोआपच लवकर उघडू लागेल. ज्यांना शक्य असेल त्यांनी दिवसा केंव्हाही, विशेषत: दुपारच्या जेवणानंतर थोडावेळ अवश्य झोप घ्यावी. मग काय मंडळी, घेणार ना 'ब्रह्ममुहूर्ता' चा लाभ?
वर्गीकरण
लेखनविषय (Tags)
संस्कृती
कला
वाङ्मय
जीवनमान
राहणी
लेखनप्रकार (Writing Type)
प्रकटन
अनुभव
शिफारस
सल्ला
20747 वाचन
💬 प्रतिसाद (66)

प्रतिक्रिया

चित्रगुप्त
Fri, 05/17/2013 - 14:57 नवीन
Early to bed and early to rise, makes a man healthy and wise, but his girlfriend dates other guys... ... व्वा. किती सात्विक असतील त्या बाला. पहाटे ब्रह्ममुहुर्तावर उठून सडासंमार्जनादि करून 'गायी'ना 'डेट्स' म्हणजे सात्विक खजूर खाउ घालणे, वाहवा. अश्या बाला ज्या पुण्यभूमित आहेत, त्या भारत भूस अभिवादन. गर्वाने म्हणा...
↩ प्रतिसाद: मूकवाचक

अभ्या..
Fri, 05/17/2013 - 15:07 नवीन
=)) =)) =)) =)) =)) =)) गर्वाने म्हणा... असल्या गायीच्या बैलाला..........................
↩ प्रतिसाद: चित्रगुप्त

बॅटमॅन
Fri, 05/17/2013 - 15:42 नवीन
=)) =)) =))
↩ प्रतिसाद: चित्रगुप्त

चित्रगुप्त
Sun, 05/19/2013 - 04:47 नवीन
आत्ता, पहाटे चार वाजता, आम्हाला अचानक स्मरण झाले की आमच्या 'नेपोलियन'..इ. च्या लेखात उल्लेखिलेल्या श्रीमंत तुकोजीराव होळकर यांचे संग्रहातील पोथ्यांमधे खालील कवने पण होती: प्रातःकाळी उठावे दिशेकडे दुरी जावे रात्रौ लवकरचि झोपावे म्हणिजे बरे ... अश्या सवयी ज्या नरा लाभे आरोग्य दिसे बरा बुद्धि-वैभव आणि हुन्नरा पाविजेल की... परि तयाचि मित्र-ललना देई डेट अन्य जना बापुडा झोपे, सखि निर्वसना रमे-गमे मित्रांसवे... ----- आणि शार्दुलविक्रिडितातील हे कवनः झोपे आणि उठे झणीं पुरुष जो - पावेल आयुर्मती गाठी नित्य सखी तयाचि सुभगा - अन्यांस देण्या रती "Early to bed and early to rise, makes a man healthy and wise, but his girlfriend dates other guys" ...याचे मूळ या प्राचीन कवनांमधे आहे, हे तो उघडचि आहे.
↩ प्रतिसाद: मूकवाचक

प्रभाकर पेठकर
Sun, 05/19/2013 - 10:23 नवीन
हा: हा: अगदी वरिजिनल पुरावा.
↩ प्रतिसाद: चित्रगुप्त

बॅटमॅन
Sun, 05/19/2013 - 12:42 नवीन
जब्री पुरावा. शार्दूलविक्रीडितातले कवन लैच आवडले.
↩ प्रतिसाद: चित्रगुप्त

अभ्या..
Sun, 05/19/2013 - 14:09 नवीन
हीहीहीही. भारीच उत्खनन हाय. लै आवडले. :) पण चित्रगुप्तजी तुम्ही, आमचा बॅट्या, असले हे वृत्तात वगैरे कसे काय लिव्हता बुवा. आम्हाला त्यांची नावे लक्षात ठेवायची मारामार, लक्षणे अन मात्रा तर दूरच. :(.
↩ प्रतिसाद: बॅटमॅन

चित्रगुप्त
Sun, 05/19/2013 - 15:17 नवीन
...असले हे वृत्तात वगैरे कसे काय लिव्हता बुवा... घ्या...यालाच म्हणतात रामाची सीता कोण. अहो, हाच तर आहे ब्रह्ममुहुर्ताचा महिमा.
↩ प्रतिसाद: अभ्या..

संजय क्षीरसागर
Sun, 05/19/2013 - 23:59 नवीन
परि तयाचि मित्र-ललना देई डेट अन्य जना बापुडा झोपे, सखि निर्वसना रमे-गमे मित्रांसवे...
ब्राह्ममुहुर्ती उठूनी जागा, वेळ मला ती येई न कामा म्हणे कामिनी केवळ घरकामा, बरा असे हा दत्तूमामा अनंगरंग जो उधळून रात्री, दमूनी पहुडला ब्राह्ममुहुर्ती तयावरी ही उधळून प्रिती, कामा लावीन दत्तूमामा
↩ प्रतिसाद: चित्रगुप्त

चित्रगुप्त
गुरुवार, 05/16/2013 - 16:21 नवीन
सृजनशीलतेचा मक्ता फक्त कलावंतांनाच नसतो. जगातील प्रत्येक व्यक्ती कमी-अधिक प्रमाणात सृजनशील असतेच. कल्पकता ही कोणत्याही बाबतीत उपयोगी पडू शकते. जसे गजबललेल्या काँक्रीटच्या जंगलापेक्षा नैसर्गिक वातावरण असलेले जंगल, उद्यान, उपवन इ. जास्त रमणीय, स्फूर्तीदायक, आरोग्यदायक, तशीच संपूर्ण दिवसभरात पहाटेपासून सूर्योदयापर्यंतची वेळ ही उत्तम. हिचा लाभ ज्याने त्याने आपापल्या गरजेप्रमाणे, आवडीप्रमाणे घ्यावा.

विनायक प्रभू
गुरुवार, 05/16/2013 - 17:25 नवीन
ब्रम्ह मुहुर्तावर उठण्याचे खुप फायदे असतात.

मिसळलेला काव्यप्रेमी
Fri, 05/17/2013 - 17:19 नवीन
आमचे एक accountancy चे मास्तर होते, त्यांना म्हणे accountancy मध्ये विशिष्ट प्रश्न सोडवायला एक नविन formula सापडला, त्याला त्यांनी formula no. 12 असे नाव दिले. कां तर जेव्हा त्यांना हा फॉरमुला सुचला तेव्हा ते एका चाळीत रहायचे आणि ते असेच ब्राम्हमुहुर्तावर १२ नंबरच्या शौचकुपात....... तर असं आहे या ब्राह्ममुहुर्ताचे :D :D

मंदार कात्रे
Wed, 01/22/2014 - 11:46 नवीन
'जीवशास्त्रीय घड्याळ' हीच संकल्पना यासंदर्भात लागू पडते . त्याचप्रमाणॅ पहाटे ३ च्या वेळी झोप आर ई एम अवस्थेतली झोप म्हणजेच साखरझोप असते... यावेळेला अनेक क्रिएटीव्ह / सुखद भावना जाग्रुत करणारे हार्मोन स्रवतात ,असे मागे वाचलेले होते.