शिवराजाभिषेकाला विरोध, एक थोतांड

गडबडीत एक शुन्य कमी टंकले गेले ! कृपया वरील दोन्ही ठिकाणी "+१००,०००" असे वाचावे

महाराष्ट्रावर जेव्हा सुलतानी संकट यायला लागले अंदाजे १३०० पासून म्हणतो (चुभुदेघे) अल्लाद्दिन खिलजी, मलिक काफूर, महमद तुघलक वगैरेंच्या स्वार्‍यामुळे देवगिरीच्या यादवांचे साम्राज्य संपूष्टात आले. हिंदू राज्य नष्ट होऊन मुसलमानी राजवट इथे नांदायला सुरुवात झाली तेव्हाच इथे भयंकर दुष्काळही सारखे पडत होते. सुल्तानी आणि नैसर्गिक संकटांनी सामान्य माणूस होरपळून गेला होता. तसाही देवगिरीच्या काळात धर्मग्रंथ, साहित्य संपदा यांना प्रोत्साहान मिळत असेलही परंतु सामान्य माणसांचे प्रचंड हाल होते. देवगिरीच्या राज्यात एक गरीब आणि एक श्रीमंत असे दोनच वर्ग होते. राजा कोणताही असूदे उच्च-निच्च अशा भेदभावामुळे सामान्य जनता वैतागून गेली होती, ही अवस्था अडीचशे तीनशे वर्ष होती. किरकोळ मवाळपणा मुस्लीम राजांमुळे आलाही असेल परंतु महाराष्ट्राच्या माणसाला वाचवायला राजे शिवाजीपर्यंत एकही थोर पुरुष जन्माला आला नाही, असे जे म्हटले जाते ते सत्यच आहे. इस्लामिक अत्याचार सर्वत्रच होते परंतु अत्याचारामुळे पळाले असे म्हणतो त्याचे कारण असे की हिंदु राजांच्या दप्तरी विद्वान ब्राह्मणांना स्थान होते परंतु मुस्लीम राजांच्या राजदरबारी विद्वान ब्राह्मणांना कोणतेही स्थान नव्हते त्याचे कारण असे की त्यांचा राजदरबार हा फारशी आणि उर्दू भाषेत चालणारा होता, तिथे संस्कृतचे काहीच काम नव्हते, म्हणून त्यांना काशी, प्रयाग, विजयनगर गाठावे लागले. एकतर मुसलमान राजवटीचा प्रचंड त्रास आणि पोटाचे कोणतेच साधन उपलब्द्ध नव्हते तेव्हा महाराष्ट्र सोडून जाण्याशिवाय कोणताही पर्याय उरला नव्हता. अर्थात हा त्रास काही फक्त ब्राह्मणांनाच नव्हता तो मुस्लीमेतर असा सर्वांनाच होता. बरेचशे शूद्र जे होते ते धर्मांतर करुन मोकळे झालेले होते. क्षत्रीयांनी नांगर धरायला सुरुवात केली. व्यापारी लुटले जात होते त्यांनी आपला धंदा सोडून दिला. एकूणच प्रचंड वाताहात झाली सर्वांनीच आपली अस्मिता गमावली होती. अर्थात अस्मिता टीकवण्याचे प्रयत्न झालेच नाहीत असे काही नाही, विविध संप्रदायांनी हिंदूधर्म टीकवण्यासाठी प्रयत्न केले. तो वेगळा विषय. आपण दिलेल्या चित्रावरुन मला असे वाटते की समर्थ रामदासांच्या काळापर्यंत हिंदू समाज भ्रष्ट झालेला होता. आपला स्वाभिमान सर्वांनीच गमावला होता. आपले ब्राह्मण विद्वान मुस्लीम राजवटीत कोणा राजाच्या दरबारी किरकोळ कारकोळ काही तरी कारकुनी करु लागले होते आणि त्याचमुळे भाषा, कपडे, रितीरिवाज यांचे आदानप्रदान झाले त्यामुळे तो आलेला मजकूर असावा असे वाटते. (चुभुदेघे) -दिलीप बिरुटे

नाव काय ठेवायचं म्हणे मग ?