✍ मराठी साहित्य, संस्कृती आणि लेखनाचे व्यासपीठ

सत्यमेव जयते

सोत्रि यांनी
 ·  लेख
लेख
भल्या भल्यांना टीव्हीच्या छोट्या पडद्याने मोहात पाडले आहे. अमिताभ, सलमान, शाहरूख ह्यांच्या मांदियाळीत आता मि. परेफेक्ट, आमिर खान, हाही सामिल होतो आहे. तो सत्यमेव जयते ह्या एका कार्यक्रमाद्वारे छोट्या पदद्यावर येतो आहे. आजपासून दर रविवारी सकाळी ११ वाजता हा कार्यक्रम १६ भागांत दाखवला जाणार आहे. ह्या कार्यक्रमाचा कॉन्सेप्ट 'थीम्ड टॉक शो' असा आहे. स्त्री भ्रूण हत्या, बाल कामगार असे वेगवेगळे सामाजिक विषय/मुद्दे घेऊन, समाजातल्या विवीध स्तरातील लोकांचे अनुभव आणि प्रतिक्रिया ह्यावर चर्चा असे ह्या कार्यक्रमाचे स्वरूप असणार आहे. ह्या कार्यक्रमासाठी आमीरने तो 'मि. परेफेक्ट' आहे हे पुन्हा एकदा सिद्ध केले. कार्यक्रमाची वेळ, कार्यक्रमाची प्रमोशल गाणी आणी कॅम्पेन हे त्याने त्याच्या परफेक्ट स्टाइलने एकदम व्यावसायिकरित्या केले आहे. आजचा विषय होता "स्त्री भ्रूण हत्या". आमिर नेहमीप्रमाणेच त्याच्या परफेक्ट मुडमध्ये कार्यक्रम सादर करत आहे. वेगवेगळ्या स्तरातील स्त्रिया त्यांचे भयानक, अतिशय अंगावर येणारे, अनुभव सर्व दर्शकांसमोर व्यक्त करत आहेत. आता बर्‍याच जणांना 'ह्यात काय' नविन?' असा प्रश्न पडेल आणि तो सार्थ आहेच. अश्या फॉर्मॅटमधले आणि अश्या विषयांना वाहिलेले ढीगभर कार्यक्रम आत्तापर्यंत येऊन गेलेत. पण आज पहिलाच भाग झाला आहे, जरा वेळ देवूयात आमिरला टीव्हीच्या छोट्या पडद्यावर स्थिर स्थावर व्हायला. काळच ठरवेल हा कार्यक्रम कसा आहे ते, तो यशस्वी होईल का ते आणि आमिर छोट्या पदड्यावर सेटल होईल का ते. मला तरी असे वाटते आहे, तुम्हाला काय वाटते?
46674 वाचन
💬 प्रतिसाद (172)

प्रतिक्रिया

मोदक
Wed, 05/09/2012 - 09:02 नवीन
सुशिक्षित, साक्षर आणि सुसंकृत हे तीन वेगवेगळे शब्द आहेत.
↩ प्रतिसाद: सुकामेवा

स्वातीविशु
Mon, 05/07/2012 - 12:39 नवीन
"सत्यमेव जयते" कार्यक्रम खरोखरच एक उत्तम निर्मिती आहे, त्यात आमीर खान असल्याने नक्कीच तो त्याचे चीज करेल. :) कार्यक्रम पाहताना अनेकदा डोळे भरुन येत होते. :( त्या तीनही स्त्रीयांना ज्यांनी स्वतःचा विचार न करता, आपल्या मुलींसाठी जे काही सोसले व खंबीरपणे मुलींचे पालनपोषन करत आहेत त्यांना मनापासून सलाम. "सत्यमेव जयते" निमित्ताने भारतात सर्वत्र कन्या भ्रुणहत्तेविरुद्ध जनजाग्रुती व्हावी आणि भ्रुणह्त्या करणारे डॉक्टर, करुन घेणारे पालक यांना त्वरीत शिक्षा व्हावी अशी खुप तळमळीने इच्छा झाली. चला तर सुरुवात आपल्यापासून करुया. :) ओ री चिरैया, नन्ही सी चिडीया घर आजा रे.......

पहाटवारा
Mon, 05/07/2012 - 16:41 नवीन
मागे वाचले होते कि एका पुण्यातील कंपनी ने कोल्हापूर जिल्ह्याच्या पायलट प्रोजेक्ट साठि एक यंत्र बनवले होते. हे यंत्र अल्ट्रासाऊंड मशीनला जोडले जाते आणी जर कुणी लिंग तपासणी करण्याचा प्रयत्न केला तर त्याची नोंद होते. हे कितपत यशस्वी पणे राबवले जातेय याचि कल्पना नाहि. याच प्रकारे जर अल्ट्रासाऊंड मशीन मूळे जर सोय झाली असेल लिंग तपासणी ची तर सरकारने त्यातील लिंग तपासणी ची सुविधा बंद करण्याचे निर्देश या कंपन्यांना दिले तर ह्यावर मोठ्या प्रमाणावर आळा बसू शकेल. जिथे जिथे हि तपासणी वैदयकिय गरज म्हणून आहे , तिथे मोजक्या ठिकाणी ऊपलब्ध करून त्यावर कंट्रोल ठेवता येऊ शकेल.

मानस्
Mon, 05/07/2012 - 17:21 नवीन
२ वर्षापूर्वी झी मराठीवर 'याला जीवन ऐसे नाव' नावाचा रेणुका शहाणे यांचा Talk शो होता.तो पण असाच ह्रीदयस्पर्शी शो होता.पण यात सामाजिक सामाजिक विषय/मुद्दे नव्हे तर प्रतिकूल परिस्थितीवर मात करून यशश्वी झालेल्या आणि त्यांना मदत केलेल्या लोकांना शो मध्ये बोलावलं जायचं.सत्यमेव जयते साधारण तसाच वाटला...

तिमा
Mon, 05/07/2012 - 20:05 नवीन
आमीरचा कार्यक्रम आवडला. त्यांत सत्यावर झगझगीत प्रकाश तर टाकला आहेच पण हा प्रश्न का निर्माण झाला तेही दाखवले. तसेच केवळ निराशावादी सूर न लावता पंजाबातील गावात या रानटी प्रथेविरुद्ध जे सकारात्मक प्रयत्न झाले ते पण दाखवले. पहिला भाग तर मन जिंकून गेला.

अप्पा जोगळेकर
Mon, 05/07/2012 - 22:05 नवीन
कार्यक्रम आवडला. कार्यक्रमाच्या आड व्यावसायिक गणित दडलेली असतील तर कोणाच्या पोटात दुखण्याचे काय कारण आहे? मला वाटते हे एक उघड गुपित आहे.

सोत्रि
Mon, 05/07/2012 - 22:29 नवीन
कार्यक्रमाच्या आड व्यावसायिक गणित दडलेली असतील तर कोणाच्या पोटात दुखण्याचे काय कारण आहे
करेक्ट! एकतर 'शिवाजी जन्मावा तो दुसर्‍याच्या घरात आणि जन्माला आला रे आला की त्याने लगेच लष्कराच्या भाकरी भाजाव्यात' ही अपेक्षा कशी काय रास्त असू शकेल ? - (व्यावसायिक + सामाजिक) सोकाजी
↩ प्रतिसाद: अप्पा जोगळेकर

प्रा.डॉ.दिलीप बिरुटे
Tue, 05/08/2012 - 10:34 नवीन
कार्यक्रमाच्या आड व्यावसायिक गणित दडलेली असतील तर कोणाच्या पोटात दुखण्याचे काय कारण आहे ? सहमत आहे. उगाच आपण कशाला कोणाला किती पैसे मिळतात वगैरे चर्चा करायच्या ? . याच्यामागे काही व्यावसायिक गणितं आहेत काय ? कोणी छोटा पडदा कॅश करण्याचा प्रयत्न करत आहे का ? स्टारवाल्यांना किती मिळतील, लगान टीमला किती मिळतील ? आपल्याला एका सामाजिक प्रश्नाची डोळ्यात अंजन घालणारी ओळख करुन दिली जात असतांना एक स्टार कलाकार सामाजिक विषयाला हात घालत असतांना लोकांना उगीच का पोटदूखी होते काही कळत नाही. :) -दिलीप बिरुटे
↩ प्रतिसाद: अप्पा जोगळेकर

निनाद मुक्काम पोस्ट जर्मनी
Mon, 05/07/2012 - 22:56 नवीन
मेडिकल टुरिझम मुळे परदेशी लोक भारतात येत असतांना अनेक भारतीय परदेशात म्हणजे इंडोनेशिया व बेन्कोक मध्ये जात्तात. कारण येथे ह्या चाचण्या करता येतात आणि बिन भोपट शस्त्रक्रिया एकाच पेकेज मध्ये व परत भटकंती महाराष्ट्रातील प्रगत भागात ह्या हत्या वाढल्या. आणि मुलींचा टक्का घसरला पण महाराष्ट्रातील जेष्ठ व दृष्ट्या नेत्याने हरयाणा व राजस्थान मधील भीषण परिस्थिती पाहून आपल्या भागात हि वेळ येऊ नये म्हणून भ्रूण हत्येबाबत जागृत्ती सुरु केली आहे. देर आये ,लेकीन दुरुस्त आये असेच म्हणावे लागेल.

पांथस्थ
Tue, 05/08/2012 - 14:43 नवीन
पण महाराष्ट्रातील जेष्ठ व दृष्ट्या नेत्याने हरयाणा व राजस्थान मधील भीषण परिस्थिती पाहून आपल्या भागात हि वेळ येऊ नये म्हणून भ्रूण हत्येबाबत जागृत्ती सुरु केली आहे.
कोण हो?
↩ प्रतिसाद: निनाद मुक्काम पोस्ट जर्मनी

विकास
Mon, 05/07/2012 - 23:48 नवीन
लोकशिक्षण हे विविध प्रकाराने सारखे करावे लागते. एखादी गोष्ट पब्लीकने ऐकावी म्हणून सातवेळेस सांगावी लागते असे काहीसे समाजशास्त्रीय सांख्यिकी आकडा येथे ऐकला होता. खरे-खोटे माहीत नाही. तो मुद्दा नाही तर बर्‍याचदा सांगावे लागते इतकाच मुद्दा आहे. आमिर खानने जर स्वत:चे नाव वगैरे वापरून जर समाजातील दोषांवरचे पांघरूण दूर केले लोकांना समजेल अशा भाषेत सांगितले तर चांगलेच आहे. त्याची इतरांनी कॉपी करायचे ठरवले तरी उत्तमच आहे... पब्लीकला केवळ जाहीरातीतून खरेदीदार करण्याऐवजी जरा जबाबदारी शिकवणारे हे कार्यक्रम आहेत. दूरदर्शनच्या आधी जेंव्हा आकाशवाणी केंद्र चालू झाले तेंव्हा त्याचे ध्येयवाक्य हे "बहुजन हिताय बहुजन सुखाय " असे ठेवले गेले होते. ते वास्तवीक केवळ आकाशवाणीचे नव्हते तर भारतातील "पब्लीक ब्रॉडकास्टींग"साठीचे ध्येयवाक्य होते. मला वाटते असले कार्यक्रम हे ध्येयवाक्यास योग्य ठरतात... ८०च्या दशकात जेंव्हा दूरदर्शनवर मालिका चालू झाल्या, जाहीराती आल्या तेंव्हा मनोरंजन+लोकशिक्षण अशा दुहेरी कार्यंक्रमांसाठी बराच वापर झाला... त्यात या क्षणाला आठवणारे लोकप्रिय कार्यक्रम महणजे: प्रिया तेंडूलकरची "रजनी", हुंडाबळीवरील "आव्हान" ही मालीका, किरण बेदीच्या जिद्दीवरून तयार केलेली "उडान", शहारूख खानने पहीले काम केलेली "फौजी", "बोल बाबी बोल" या नाटकावरून (नाव आठवत नाही पण) १०-१२च्या प्रवेशावरून होणार्‍या मुलांच्या छळणुकीवरची मालीका, कॉलेजमधील ड्र्ग्जच्या व्यसनावरील तसेच इतर समस्यांवरील "चुनौती" असे अनेक काही आठवते... त्यातील काही फिल्मी होते पण काहीतरी विचार करायला लावणारे देखील होते. नंतर हळू हळू अनेक चॅनल्स आले आणि वास्तवातल्या भृणहत्यांकडे दुर्लक्ष होऊन सास-बहुंनी टिव्हीचा कब्जा करून खर्‍या अर्थाने "इडीयट बॉक्स" केला... जर सत्यमेव जयतेच्या निमित्ताने त्यात बदल होत असेल तर ते स्वागतार्हच आहे.

JAGOMOHANPYARE
Tue, 05/08/2012 - 19:32 नवीन
आमचा ई मेल गेला. --------------------------------- माननीय मुख्यमंत्री, महाराष्ट्र शासन. विषय : स्त्रीभ्रुणहत्येविरोधात गांभिर्याने दखल घेणेबाबत संदर्भ : देशभर प्रसारीत झालेला कार्यक्रम सत्यमेव जयते- भाग १ Daughters are precious महोदय, काही दिवसांपूर्वी दूरदर्शनवरुन सत्यमेव जयते या मालिकेचा पहिला भाग प्रसारीत झाला. त्यात आपल्या देशात आणि आपल्या राज्यात होत असलेल्या स्त्रीभ्रूणहत्येच्या प्रश्नाबाबत चर्चा करण्यात आली. या अनुषंगाने मी आपणास खालील विनंती करत आहे.. १. सामाजिक संस्थानी स्टिंग ऑपरेशन द्वारे शोधलेल्या दाव्यांचीसुनावणी जलद गतीने व्हावी. २. गुन्हे शाबीत झालेल्या लोकाना शिक्षा सुनावल्या असतील तर त्यांची अंमलबजावणी त्वरीत करणेत यावी. ३. स्त्रीभ्रूणहत्येविरोधात व्यापक प्रमाणात प्रसिद्धी द्यावी. यात स्त्री भ्रूणहत्येचे समाजावरील दुष्परिणाम आणि हा गुन्हा केल्याबद्दल दिली जाणारी शिक्षा यांचा प्रामुख्याने उल्लेख असावा. धन्यवाद. आपला विश्वासू, ------------------------------------------------------------------------------------ http://www.sarkaritel.com/states/chief_ministers.php इथे ई मेल आय डी मिळाला. आमीर खान , सत्यमेव जयते, स्टार यांचे ई मेल मिळू शकतील का, त्याना सी सी पाठवायची आहे.

यकु
Tue, 05/08/2012 - 19:36 नवीन
+1
↩ प्रतिसाद: JAGOMOHANPYARE

अविनाशकुलकर्णी
गुरुवार, 05/10/2012 - 17:16 नवीन
Manjusha Thatte Joglekar यांची मूळ पोस्ट आहे मी इथे फक्त शेअर केली ६ मे ला रविवारी आमीर खानचा ‘सत्यमेव जयते’ हा कार्यक्रम काय संपला आणि फेसबुक, ट्विटर पासून दूरदर्शनवरील विविध वाहिन्या सगळीकडे या आमीर खानचा नुसता उदो उदो. जसं काही श्री. विष्णूंनी या आमीरच्या रुपानी अवतारच घेतलाय आणि नुसता त्याला पाठिंब्यावर पाठिंबा. का ? कशासाठी हा उदोउदो ? काय महान कार्य केलंय या आमीर खानने ? या कार्यक्रमाची एव...ढ्या मोठ्या प्रमाणावर जाहिरात केली होती आणि त्याचे सादरीकरण खुद्द मि. परफेक्शनिस्ट करणार आणि त्यात रविवार त्यामुळे या कार्यक्रमाची सुरुवात मोठ्या दणक्यात होणार हे स्वाभाविकच होतं. मी स्वतः आमीर खानची चाहती आहे. पण जर नीट विचार केला तर या कार्यक्रमासाठी आमीरला एवढं डोक्यावर घेण्याची खरंच गरज आहे ? एक तर आमीर खान हा या फिल्मी जगतातला एकमेव नाही की जो समाजासाठी काही कार्यक्रम करत आहे. वारंवार समाजकार्य करणाऱ्या वेगवेगळ्या कलाकारांची नावं ही पुढे येतंच असतात. पण हा आमीर खान समाजकार्य करत आहे हे कसं म्हणता येईल ? कारण हा कार्यक्रम योग्य तो मोबदला घेऊनच तो करत आहे. समाजकार्य कारायचं म्हणून तो विनामूल्य किंवा अत्यल्प मोबदला घेऊन नक्कीच करत नाही. त्यामुळे जशा त्याच्या फिल्म्स, जाहिराती तसाच हा कार्यक्रम. त्यामुळे तो समाजासाठी काही फार मोठं करत आहे हे असं आजिबात नाही. या कार्यक्रमाच्या पहिल्या भागात स्त्रीभ्रूणहत्या सारखा एक मोठा ज्वलंत आणि चिंतेचा सामाजिक प्रश्न मांडला गेला. आता या पहिल्या भागाचा परिणाम समाजावर किती झाला आहे म्हणजेच या पहिल्या भागाला यश किती मिळालं आहे हे तेव्हाच कळेल जेव्हा या कार्यक्रमामुळे या स्त्रीभ्रूणत्येचं प्रमाण कमी होईल. आता सर्वात महत्त्वाचा मुद्दा आणि तो म्हणजे आमीर खान. या कार्यक्रमाचे १३ भाग प्रसारित केले जाणार आहेत आणि त्यात वेगवेगळे सामाजिक विषय हाताळले जाणार आहेत. हे सर्व भाग आमीर खान सादर करणार आहे. सामाजिक विषयांवरील कार्यक्रमाचे सूत्रसंचालन आमीर खान सारखा एक अभिनेता करणार, हो अभिनेताच कारण जसा तो चित्रपटांमध्ये अभिनय करतो तसाच तो या कार्यक्रमात अभिनय करणार. कारण एक माणूस म्हणून हा आमीर खान अशा कार्यक्रमाच्या सूत्रसंचालनासाठी आजिबात योग्य नाही. आपल्या घरच्यांचा, आईवडिलांचा विरोध पत्करून एक महिला या आमीर खान बरोबर लग्न करते. त्यांना दोन मुलेही होतात. हा असा संसार चालू असताना हा आमीर खान या महिलेला टाकून म्हणजे चांगल्या शब्दात सांगायचं तर घटस्फोट घेऊन सरळ दुसरा संसार थाटतो, असा माणूस काय सामाजिक प्रश्न कार्यक्रमात सादर करणार ? हा शब्द वापरू नये पण त्याची काय लायकी आहे हा कार्यक्रम सादर करण्याची ? उद्या या कार्यक्रमात घटस्फोटीत महिलांचा प्रश्न हाताळला गेला तर हा प्रश्न या आमिरने सादर करावा ? काही नाही हा फक्त इतर कार्यक्रमांसारखा फक्त व्यावसायिक दृष्टिकोन आणि टी.आर.पी. हे डोळ्यांसमोर ठेवून तयार केलेला कार्यक्रम आहे. त्याला या प्रसिद्धीमाध्यमांनी नको तेवढं डोक्यावर घेतलंय बस्स.

मुक्त विहारि
Mon, 05/14/2012 - 00:46 नवीन
हे सगळे खान एकाच माळेचे मणी आहेत.. सलमानने काय केले हे तर आपणा सर्वांना माहितच आहे. आणी ईतर सगळे खान आधी हिंदू मुलींशी लग्न करून आणि मग तिला घट्स्फोट देवून इतर मूलींशी लग्न करायला मोकळे झाले. ह्यातल्या एकालाही लग्न टिकवता आले नाही आणि लोकांना अक्कल शिकवायला निघाले. दुनिया झुकती है.झुकाव... स्साला आपून तो टी.व्ही, और ये खान लोगोंका पिक्चर देखताच नही है.गांधी बाबांचे असहकार तत्व. आपण काही ह्या पापात सहभागी होणार नाही.
↩ प्रतिसाद: अविनाशकुलकर्णी

निनाद मुक्काम पोस्ट जर्मनी
Mon, 05/14/2012 - 02:28 नवीन
मग ह्या खान मंडळींनी काय राज कपूर चा आदर्श बाळगायला हवा होता का म्हणजे नर्गिस वर अमाप प्रेम करून स्वतःच्या बायकोला सोडचिठ्ठी न देता तिची रवानगी जशी त्यांच्या कॉटेज मध्ये हलविण्याचा त्याचा बेत होता तर तिला हक्काचे आणि मानाचे स्थान हवे होते. का हिंदू सुपर स्टार अमिताभ सारखा सिलसिला करायचा होता. अमीर ची दुसरी बायको सुद्धा हिंदूच आहे. तर शाहरुख बायकोसोबत प्रामाणिक आहे. व त्यांचा करण अर्जुन ह्या हिंदू जिवलग मित्रांशीसुद्धा सलमान तर हिंदू व मुसलमान सगळ्याच मैत्रिणींवर त्याच्या (आजी माजी )अजूनही सारखाच प्रेम करतो. तेव्हा ह्याबाबतीत उगाच धर्म आणू नका
↩ प्रतिसाद: मुक्त विहारि

llपुण्याचे पेशवेll
Mon, 06/11/2012 - 11:03 नवीन
तेव्हा ह्याबाबतीत उगाच धर्म आणू नका प्रिय अमीर खान याने एका हिंदू मुलीशी लग्नं करणार्‍या मुसलमान मुलाला त्या मुलीच्या घरच्यांनी ठार मारलेले दाखवले. त्याच्या आईला शोमधे बोलावून तिच्या कडून रडून घेऊन भावनिक आवाहन वगैरे केले. हे सारे बघताना आम्हाला अत्यंत आनंद झाला. चला म्हणलं कुठेतरी हिंदू जागृत आहेत. अमीर महाशयांनी याच्या उलट्या केस मधे म्हणजे जिथे मुलगा हिंदू होता आणि मुलगी मुसलमान होती तिथे मात्र मुलगा जिवंत असल्याची केसच दाखवली होती. मुलालाही मारले गेले आहे अशा केसेस कोकणात देखील पुष्कळ मिळाल्या असत्या. (तो आमीर पक्का भारतभरात गेला पण कोकणात नाही आला! ;) ) सदर अमीर महाशयांचे लक्ष लव्ह जिहाद या संकल्पनेकडे गेले नाही काय? गेले असेल तर ते तितके सिरीयस वाटले नाही काय? जर खरोखर त्यांचे विचार समतोल असतील तर याविरुद्ध आवाज उठवासा वाटला नाही का? का हिंमत नाही तेव्हढी?
↩ प्रतिसाद: निनाद मुक्काम पोस्ट जर्मनी

अविनाशकुलकर्णी
गुरुवार, 05/10/2012 - 17:17 नवीन
आधी दुसर्यांच्या पोरींना पळवून, त्यांच्या अपरिपक्व वयाचा आणि अर्धवट कायद्याचा फा...यदा घेवून त्यांच्याशी लफडी करून त्यांच्या आईबापाला फसवून लग्न करायचे. नंतर तिला सोडून द्यायचे. आणि वर स्त्री भरून हत्या थांबवा यावर कार्यक्रम करून लोकांच्यात प्रसिध्धी मिळवायची. अरे हराम खोरा ज्या पोरीला पळवून लग्न केलेस तिच्या आई बापाला काय वाटले असेल ? त्यांना विचारले कि तुम्हाला मुल होईल..तुमचा choice ..तर ते मुलगी होऊ देतील..? भिक्कार्ड्यांनो , आधी ज्यांच्या ज्यांच्या मुली अशी लफडी करून लग्न करून पळाल्या त्यांच्या आई बापांना विचारा काय वाटते ते..त्यांच्यावर एक programme घ्या आधी..See More By: मंदार संत

रेवती
गुरुवार, 05/10/2012 - 20:28 नवीन
आमीर खान हा सुप्रसिद्ध नट आहे म्हणून त्याचा कार्यक्रम इतक्या मोठ्या प्रमाणार चर्चिला जाणे साहजिकच आहे. त्याच्या आयुष्यात घेतलेल्या घटस्फोटाचा उल्लेख मला तरी पटला नाही. छापून येणार्‍या बातम्यांवर किती विश्वास ठेवायचा? कशावरून त्याची पहिली बायको त्याला त्रास देत नसेल? "पूर्व पत्नी और बच्चोंके दर्दनाक अनुभव" असा उल्लेख करण्यासाठी आपल्याकडे काही ठोस पुरावा आहे काय? चांगली घरघशीत भरपाई घेतल्याशिवाय ती बरी घटस्फोट देईल (आणि का द्यावा?). आमीर खान शिवाय इतर कोणत्याही व्यक्तीचा घटस्फोट झालाच नाहिये का जगात? हजारो लोकांचा घटस्फोट होतो. काहींची चूक असते तर काहींना दुर्दैवाने नुसतेच दु:ख पदरी येते. ते लोकही आयुष्यात उभे राहतात, पुढे कर्तबगार बनतात. मग बाकीच्या लोकांनी सतत भूतकाळच आठवत का रहायचा?
↩ प्रतिसाद: अविनाशकुलकर्णी

सोत्रि
गुरुवार, 05/10/2012 - 20:52 नवीन
प्रसिद्ध व्यक्ति जेव्हा असे काही मोठ्याप्रमाणावर कार्यक्रम हाती घेतात तेव्हा त्यांच्यावर राळ उडणे सहाजिकच आहे. जसे त्याच्या बाजूने बोलणारे आहेत तसेच त्याच्या विरोधात बोलणारेही असणारच. त्याच्या प्रसिद्ध असण्यामुळे वैकक्तिक पातळीवर असणारी टीका, ही जरी बोचरी असली तरी, ती होणारच हे गृहीत धरलेच पाहिजे. त्यानेही ते गृहीत धरले असणारच. शेवटी 'व्यक्ती तितक्या प्रवृत्ती'. पण आमिरला 'हाथी चले बजार, कुत्ते भौके हजार' ही म्हण माहिती असावीच :) - (हाथी) सोकाजी अवांतरः दुसर्‍यांची मते अशी इथे डकवणे हे पटले नाहीच.
↩ प्रतिसाद: रेवती

शिल्पा ब
Mon, 05/14/2012 - 04:40 नवीन
+१ त्याच्या पर्सनल लाईफचा इथे काय संबंध? आपल्याला काय माहीती की नक्की कशामुळे घटस्फोट झाला ते? लोकांना एक काड्या सारायची फार हौस असते..
↩ प्रतिसाद: रेवती

llपुण्याचे पेशवेll
गुरुवार, 07/12/2012 - 20:57 नवीन
सहमत आहे. जे उपदेशपांडे बनून फिरत असतात त्यांचे स्वतःचे चारित्र्यही तितकेच परीक्षणीय का नसावे . :)
↩ प्रतिसाद: अविनाशकुलकर्णी

विकास
गुरुवार, 05/10/2012 - 19:13 नवीन
श्री. अविनाशकुलकर्णी यांनी जे काही वर कदाचीत मिपासदस्य नसलेल्या व्यक्तींचे बाहेरचे प्रतिसाद चिकटवले आहेत, ते चिकटवणेच पटले नाही, अमान्य आहे. कारण मग असे कोणिही, कुठल्याही विषयावर बाहेरून कुणाच्याही इमेल्स, फेसबुक पोस्टींग, वृत्तपत्रातील प्रतिसाद, ट्वीट्स, ब्लॉग पोस्टींग मधले तोडलेले तारे येथे चिकटवत बसू शकतात. अविनाशकुलकर्णी यांनी स्वतःचे विचार येथे मांडले तर ते योग्य ठरेल.

अविनाशकुलकर्णी
गुरुवार, 05/10/2012 - 21:41 नवीन
ज्यांचे प्रतिसाद येथे दिलेत ते मिपाचे सदस्य आहेत काय? ...................................... नाहि.... फेबु व इतर समुहावर पण चर्चा चालु आहे या विषयाची.. त्या प्रतिक्रिया दिल्या आहेत.. नसेल नियमात बसत तर जे मोदरेतर्स ना वाटते ते करावे....... केजरीवाल नपण महत्वाचा विषय हाताळत आहे..त्याच्या वर पण वैयक्तिकटिका होतेच.. आणी त्याच्या घटफोटाचे काय ..३ वेळा तलाक म्हटले संपले. पुन्हा ४ लग्ने करायला कायद्याने व धर्माने मोकळीक आहेच.. वर स्त्रीयांचा कळवळा घेऊन प्रष्ण मांडायला तयार.

अर्धवटराव
गुरुवार, 05/10/2012 - 22:38 नवीन
>>आणी त्याच्या घटफोटाचे काय ..३ वेळा तलाक म्हटले संपले. -- दुसर्‍या कोणि ते कोर्टात जाउन २ महिन्यात केले असते हाच काय तो फरक. पण ज्याला धटस्फोट घ्यायचा तो या ना त्या मार्गाने घेईलच. >>पुन्हा ४ लग्ने करायला कायद्याने व धर्माने मोकळीक आहेच.. -- इतर लोक लग्न न करताच एकत्र राहुन मोकळीक साधतात... त्यात काय विशेष? नक्की आक्षेप कश्यावर आहे? >>वर स्त्रीयांचा कळवळा घेऊन प्रष्ण मांडायला तयार. -- घटस्फोटीतांना इतर स्त्रीयांचा कळवळा येऊ नये हा काय नियम ? अर्धवटराव
↩ प्रतिसाद: अविनाशकुलकर्णी

विकास
गुरुवार, 05/10/2012 - 23:27 नवीन
अर्धवटरावांशी पूर्ण सहमत. :-) सर्वप्रथम आमिरखान ने का लग्न केले, नंतर का घटस्फोट घेतला आणि परत लग्न केले ह्या बाबतीत मी त्याचा वैयक्तिक मामला आहे असे वाटते. तेच मला इतर कुणाबद्दलही वाटते. अर्थात तरी देखील म्हणेन की जर तो "घट्स्फोट घेऊ नका" म्हणत इतरांना उपदेश करू लागला तर ढोंगी ठरेल. त्याने घटस्फोट घेतला असला तरी आधीच्या बायकोस काही मारहाण करून, हुंडा देण्यावरून काही तुटल्याचे ऐकीवात तरी नाही... पुन्हा ४ लग्ने करायला कायद्याने व धर्माने मोकळीक आहेच.. त्याचा येथे काय संबंध ? समान नागरी कायदा असावा असे मला देखील वाटते, पण तो वेगळा मुद्दा आहे. तरी देखील लाकूडतोड्यावरून तयार केलेली एक मजेशीर गोष्ट अवांतर म्हणून सांगतो. प्रामाणिकपणा बद्दल सोने-चांदी आणि स्वतःची लोखंडाची कुर्‍हाड देवाने बक्षिस दिल्यावर खुष झालेला लाकूडतोड्या दुसर्‍या दिवशी देव कुठं भेटला हे दाखवायला बायकोला घेऊन जातो. बायको विहीराच्या काठावरून नवरा कसा लाकड तोडतोय हे बघत असताना तोल जाऊन विहीरत पडते. देवभक्त लाकूडतोड्या लगेच देवचा धावा करतो... देव आल्यावर सगळे सांगून बायकोस वाचव म्हणून प्रार्थना करतो. देव लगेच विहीरीत उडी मारतो आणि येताना स्वर्गीय सुंदरी असलेल्या अप्सरेस घेऊन येतो आणि विचारतो, "हीच का तुझी बायको?" लाकूडतोड्या म्हणतो, "हो हीच माझी बायको!" देव चिडतो आणि म्हणतो, "खोटे बोलतोस, तुला हाव झाली आहे!" , गरीब बिचारा लाकूडतोड्या म्हणतो की, "तसे नाही रे देवा, उगाच परत तू तीन तीन बायका वर काढून माझा प्रामाणिकपणा बघणार आणि त्या सगळ्याजणींना मला बक्षिस म्हणून देणार... इतक्यांना सांभाळणे कसे मला परवडणार?" ;)
↩ प्रतिसाद: अर्धवटराव

प्रा.डॉ.दिलीप बिरुटे
Fri, 05/11/2012 - 08:45 नवीन
काका, दुव्याबद्दल आभार. आमिरखानच्या व्यक्तिगत जीवनाची चर्चा सामाजिक समस्यांवरील या मालिकेच्या निमित्ताने होणारच आहे. माणूस म्हणून आदर्श जीवन जगत असलेल्या माणसानेच अशा कार्यक्रमाचं अँकरींग केले पाहिजे अशी अपेक्षा ठेवू शकतो, पण तसे शक्य नाही. शक्य झाले तरी असे कार्यक्रम कोणी पाहणार नाही, पाहिले तरी फारसा प्रेक्षकवर्ग लाभेलच याची काही शाश्वती नाही. कार्यक्रमावर वेगवेगळ्या अंगाने टीका पुढे होणारच आहेत. कार्यक्रम अधिकाधिक लोकांपर्यंत जावा, लोकांना सामाजिक प्रश्नासंबंधी जागरुकता यावी आणि मालिकेच्या निमित्तान काही व्यावसायिक गणितं या कार्यक्रमामागे असतील तर तीही यशस्वी व्हावी, हा भाग यात आहेच. पहिल्याच भागानंतर आमिरखानने राजस्थानच्या मूख्यमंत्र्यांची भेट घेऊन स्टींग ऑपरेशन मधे सापडलेल्या डॉक्टरांवर कार्यवाहीसाठी काय केले पाहिजे अशी चर्चा केलीच आहे. जलदगती न्यायालयापुढे सदरील प्रकरणे घेऊन जाता येतील काय याबद्दल एक समाधानकारक चर्चा झाल्याचे विविध वाहिन्यांवरील बातम्यांमधून दिसले आहे. कार्यवाही होईल अथवा न होईल. अन्य कोणी सामाजिक चळवळींनी असे आंदोलन करुन मुख्यमंत्र्याचे या प्रश्नाकडे लक्ष वेधण्याचा प्रयत्न केला असता तर त्यांना मुख्यमंत्र्यांनी शासकीय पातळीवरील उत्तरे देऊन तोंडाला पाने पुसली असती, स्टार कलाकार आणि कार्यक्रमाला मिळालेल्या प्रसिद्धी, लोकभावना यामुळे मुख्यमंत्र्यांना सदरील प्रकरण जलदगती न्यायालयापुढे घेऊन जावे वाटले, हेच मला पहिल्या भागाचे यश वाटते. मागे प्रतिसादात म्हटल्या प्रमाणे कार्यक्रमाचा एकच भाग आत्ता संपतोय. अजून बरेच भाग येणार आहेत तेव्हा पडद्यासमोरील आणि पडद्यामागच्या अनेक गोष्टी समोर येणार आहेत. तो पर्यंत कार्यक्रमाच्या निमित्तानं आपली मतं एकमेकांना पटोत अथवा न पटो प्रतिसादांच्या निमित्तानं सोत्रींच्या धाग्याला आपण मात्र हलते ठेवू.....! जाता जाता : राखी सावंत म्हणाल्याच आहेत ही तर माझ्याच कार्यक्रमाची कॉपी आहे. :) -दिलीप बिरुटे
↩ प्रतिसाद: अविनाशकुलकर्णी

प्रा.डॉ.दिलीप बिरुटे
Sun, 05/13/2012 - 12:37 नवीन
लहान मुलांचे लैंगिक शोषणावरील दुसरा भागही चांगला झाला. लहान मुलांच्या शरिराशी खेळणार्‍या विकृतांपासून घ्यावयाची काळजी, असा संदेश देणारा हा भाग. दोनच दिवसापूर्वी कायद्याच्या बाबतीत राज्यसभेने विधेयक मंजूर केले. [बातमी मटा ]विधेयक मंजूर व्हावे यासाठी लोकांना आवाहन करण्यात आले. अर्थात कार्यक्रमाचे रेकॉर्डींग अगोदर झालेले असले तरी अद्यावत माहिती कार्यक्रम निर्मात्याने ठेवले पाहिजे असे वाटले. पहिला भाग आणि आजच्या भागाची तुलना केली तर पहिला भाग आजच्या भागापेक्षा उजवावाटला. अर्थात आजचा भाग कोणाला उजवा वाटू शकतो. काय म्हणता ? -दिलीप बिरुटे

दादा कोंडके
Sun, 05/13/2012 - 15:22 नवीन
असहमत! हा भाग सुद्धा तितकाच सुंदर होता. हे विषय ऐकून असं वाटलं होतं की काहितरी माहित असलेलंच सांगून मशी विडिओज, मुलाखती सांगून लोकांना रडवतील. पण काही माहिती आणि निष्कर्श धक्कादायक होते आणि काहितरी उपाय सुचवला जातोय. जसं की मगच्या भागात स्त्री भृणहत्येची सुरवात कशी झाली किंवा मेडीकल कौंसीलनी अजून एकाही डॉक्टरचं सर्टीफिकेट रद्द केलं नाहिये. वर्षानुवर्षे रोजचं वर्तमान पत्र वाचून निगरगट्ट झालेल्या माणसाला देखिल याचं आश्चर्य वाटेल. :) तसंच या केसेस मध्ये ५३% टक्के मुलं असतात किंवा आपल्या कडे अजून पर्यंत कोणताही या संदर्भात कायदा नाहिये असं कळल्यावर वाईट वाटलं. शेवटचं वर्कशॉप पण छान होतं. मध्ये "रिस्पेक्ट एल्डर्स" वगैरे संस्कारावर केलेली टिपणी सुद्धा मस्तच! हॅट्स ऑफ टू यू अमिर खान!
↩ प्रतिसाद: प्रा.डॉ.दिलीप बिरुटे

चिगो
Sun, 05/13/2012 - 19:59 नवीन
माफ करा, पण तुम्ही आणि इतरांनी जोडलेला बादरायण संबंध पटला नाही.. आमीरने पहील्या पत्नीला, जिच्याशी त्याचा प्रेमविवाह झाला होता, तिला घटस्फोट दिला ही गोष्ट मान्य.. पण त्याचा त्याच्या कार्यक्रमाशी काय संबंध? वर विकास बोललेयत त्याप्रमाणे, "अर्थात तरी देखील म्हणेन की जर तो "घट्स्फोट घेऊ नका" म्हणत इतरांना उपदेश करू लागला तर ढोंगी ठरेल. त्याने घटस्फोट घेतला असला तरी आधीच्या बायकोस काही मारहाण करून, हुंडा देण्यावरून काही तुटल्याचे ऐकीवात तरी नाही..." त्याच्या बायकोला किती पोटगी मिळालीय, ती पुरेशी आहे का त्या, प्रथमपत्नी आणि मुलांची जबाबदारी तो निभावतोय की नाही, हे माहीत नसतांना त्यावर उगाच टिप्पणी का करावी? आणि नुसत्या चित्रपटसृष्टीत पहील्या पत्नीला घटस्फोट देऊन दुसरे लग्न करणार्‍यांची यादी लै लांबलचक आहे.. की बोनी कपुरशी लग्न केलं म्हणून आज श्रीदेवीने कार्यक्रमात येणंही आक्षेपार्ह आहे? आमीरने वैयक्तिक आयुष्यात काय केलंय, ह्यापेक्षा तो कुठले सामाजिक प्रश्न उजेडात आणतो हे माझ्यासाठी महत्वाचे आहे. "तारें जमीं पर" नंतर जास्त जागरुक झालेले पालक माहितीत आहेत. त्यामागची व्यावसायीक गणितांशी आपल्याला घेणं-देणं नाही.. आजचा कार्यक्रमही अगदी अंगावर येणारा होता.. "बाल-लैंगिक उत्पीडन" ह्या बाबतीत आपण आणि आपला समाज किती अज्ञानी आणि उदासीन आहे, हेपण ह्या कार्यक्रमातून कळले. मागच्या भागातले स्त्री-भृण-हत्येचा प्रकार जर जीवन नाकारणारा होता, तर आजच्या कार्यक्रमातला विषय हा जीवनातला आनंद नासवणारा होता.. जरा त्या पिडीत स्त्री-पुरुषांच्या नजरेतून विचार करा, म्हणजे आपल्या जवळच्या व्यक्तिकडून असा त्रास / बलात्कार, तोही वर्षोनुवर्षे,भोगणे ह्यातील दुखः समजू शकेल कदाचित. मी पुढे चालून माझ्या मुला/मुलीला ह्या बाबतीत नक्की शिकवणार.. असो.. "सत्यमेव जयते" नंतर इनोची मागणी एवढी भरमसाठ वाढेल, असं वाटलं नव्हतं.. :D का इथेही आमीरने "व्यावसायिक गणिते" ध्यानात घेतली असतील ;-) ??

निनाद मुक्काम पोस्ट जर्मनी
Sun, 05/13/2012 - 20:55 नवीन
लंडन मध्ये माझा मित्र राज जो तेथील स्टार दस्त चा युके मधील आवृत्तीचा संपादक होता. महाराष्ट्रीयन व दादरचा रहिवासी अत्यंत उमदा व आपल्या कामात तरबेज. त्याने सर्वप्रथम आमीर चे युकेमधील प्रकरण शोधले व आपल्या व्यवसायाशी इमान राखत हे प्रकरण आपल्या मासिकात सचित्र छापले. पुढे ह्या मुळे आमीर चा भारतात घटस्फोट झाला. सदर महिला काही बार्बी एवढी सुंदर किंवा आकर्षक नव्हती. पण आमीर आणि तिचे सुत जमले. माझ्या मित्र राज ला मी तेव्हा सुद्धा सांगितले की मी शन्ना नवरे ह्यांचा कळत नकळत सिनेमा पहिला आहे. किंबहुना म्हणून मी समजू शकतो कि विवाहित माणसांचा खाजगी आयुष्यात काही गोष्टी घडतात. जेव्हा आपण महापुरुषाचे पाय मातीचे असतात ह्या विधानांवर विश्वास ठेवतो. तेव्हा आमीर एक चांगला नट व संवेदनशील माणूस आहे. त्याच्या खाजगी आयुष्यात घडलेल्या गोष्ट जी माझ्या किंवा इतर कोणाच्याही आयुष्यात होऊ शकते. त्यामुळे त्यांचे सिनेमा कार्य किंवा भूमिका किंवा समाजातील कार्य दुर्लक्षित ठेवू शकत नाही. त्याने सौरभ व नगमा प्रकरण सुद्धा बाहेर काढायचा प्रयत्न केला पण इतके यश मिळाले नाही. पण ही गोष्ट कालांतराने काही मासिकांमध्ये आली पण म्हणून काय दादावर प्रेम करणारे त्यांच्या पंख्यांवर काहीही परिणाम झाला नाही. येथे मी माझ्या मित्राला दोष देत नाही. तो त्यांचे काम निष्ठेने करत होता. नाण्याचा दोन बाजू असतात. प्रत्येक माणसाचा स्वतःचा एक दृष्टीकोन किंवा एक भूमिका असतात.

शिल्पा ब
Mon, 05/14/2012 - 04:59 नवीन
आताच दुसरा भाग पाहीला: त्याआधी सोत्रिंना धन्यवाद की हा धागा सुरु केला. लहान मुलांच्या लैंगिक शोषणाबद्दल एकच म्हणेन की " पालकांनी मुलांचा त्यांच्यवर जो विश्वास आहे तो कायम ठेवला तरच मुलांच्या बाबतीत काय चुकीचं चाल्लंय ते कळु शकतं". मुलांवर अविश्वास दाखवत राहीलं तर मुलं सांगण्यापेक्षा त्रास भोगत राहतील.

प्रा.डॉ.दिलीप बिरुटे
Sun, 05/20/2012 - 20:58 नवीन
सत्यमेव जयतेच्या तिसर्‍या भागानंतर उत्सूकता आता रुटीन मालिकांसारखी व्हायला लागली आहे. आजच्या भागात 'लग्नात दिला जाणारा हुंडा' या विषयावर विविध स्त्रियांचे अनुभव बघायला मिळाले. अर्थात हा विषय फारसा नवा नव्हता. 'पकडा ब्याह' हा लग्नाचा प्रकार पाहून मात्र हहपुवा झाली. मारुन मुटकून घोड्यावर बसविणे म्हणतात त्याची आठवण झाली. सत्यमेव जयतेला आता यानंतरच्या भागात वेश्याव्यवसाय आणि समाज किंवा असाच काहीतरी ''भडक ''विषय घ्यावा लागतो किंवा तसेच काही घेतलेले असेल, तसे झाले नाही तर सत्यमेव जयतेच्या कार्यक्रमाची आठवणही पब्लिकलाही राहणार नाही, असे वाटते. अवांतर : आमिरखानच्या हावभावाबद्दल काही लिहू नये. उफ्फ, ओह, आणि प्रयत्न करुनही टीपूसभरही डोळ्यात न येणारं पाणी. -दिलीप बिरुटे

शिल्पा ब
Mon, 05/21/2012 - 08:59 नवीन
एका तासात प्रत्यक्ष लोकांना बोलावुन त्यांचे अनुभव - चांगले अन वाईट दोन्ही दाखवत आहेत...प्रश्न अन संभाव्य उत्तर (जे दुसर्‍या कोणी करुन पाहीले आहे) ते दाखवत आहेत ते चांगलंच आहे..भडक सादरीकरण नाही हे आवडलं. आता विषय नवा नाही कारण इतक्या वर्षांनंतरही त्याच समस्या कायम आहेत...चुक आपली - समाजाचीच आहे...लोकांचे विचार बदलत आहे ही चांगली गोष्ट आहे. रोजच्या जीवनातील सबला स्त्रिया दाखवुन इतरांना प्रेरणा मिळत आहे... समस्यांचे विषय भडक आहेत म्हणणं सोपं आहे...पण नाईलाज आहे.
↩ प्रतिसाद: प्रा.डॉ.दिलीप बिरुटे

सोत्रि
Mon, 05/21/2012 - 12:22 नवीन
सहमत! - (भडक) सोकाजी
↩ प्रतिसाद: शिल्पा ब

क्लिंटन
Mon, 05/21/2012 - 21:15 नवीन
सत्यमेव जयतेच्या तिसर्‍या भागानंतर उत्सूकता आता रुटीन मालिकांसारखी व्हायला लागली आहे.
माझा आणि टिव्हीचा संबंध केवळ न्यूज बघण्यापुरता आणि मालिकांपासून मी शेकडो कोस दूर असतो. त्यामुळे ही मालिका रूटिन व्हायला लागली आहे की याची कल्पना नाही.सत्यमेव जयतेच्या पहिल्या भागाविषयी बरेच ऐकले आणि शेवटी तिसरा भाग पहिल्यांदाच बघितला.या मालिकेतून थोडे तरी परिवर्तन होऊन काही स्त्री-भ्रूणहत्या किंवा हुंडाबळी जरी टाळले गेले तरी ते मालिकेचे चांगले फलितच असेल. कोणत्याही कारणाने एखादी चांगली गोष्ट होत असेल तर त्यात आक्षेप घेण्यासारखे काय आहे?
↩ प्रतिसाद: प्रा.डॉ.दिलीप बिरुटे

विकास
Mon, 05/21/2012 - 21:32 नवीन
कोणत्याही कारणाने एखादी चांगली गोष्ट होत असेल तर त्यात आक्षेप घेण्यासारखे काय आहे? हेच म्हणणे आहे....
↩ प्रतिसाद: क्लिंटन

प्रा.डॉ.दिलीप बिरुटे
गुरुवार, 05/24/2012 - 10:02 नवीन
माझा टीव्हीचा संबंध फक्त न्यूज चायनल्स एनजीसी डिसकव्हरी इतकाच मर्यादीत आहे. सुट्ट्या असल्यामुळे बालगोपाळांचा डान्स इंडिया डान्स चे ऑडिशन्सही अलिकडे पाहात होतो. या डान्स इंडिया डान्सच्या एक परिक्षक 'गीता मा' उर्फ गीता कपूर आहेत. (लैच मस्त आहेत दिसायला आणि बोलायलाही) कार्यक्रमात कधी कधी खूप गरीब मूलंही ऑडिशनला असतात तेव्हा ही मूलं कधी बूट पॉलीश करणारी असतात, कधी गवंडीच्या हाताखाली काम करणारी असतातं, कधी एखाद्या पित्याला मुलांनी असा डान्स वगैरे करणं आवडत नसतं त्या पेक्षा मुलाने कुठल्या रोजंदारीवर कामाला जाऊन पैसे मिळवावेत अशी अपेक्षा असते तेव्हा ही मुलं जेव्हा परिक्षकांशी बोलत असतात तेव्हा परीक्षक विशेषतः गीता मा अशा कुंटुंब कर्त्यांना आणि प्रेक्षकांना आवाहन करतात हे आवाहन प्रामाणिक, भावनिक आणि अगदी मनमोकळं असतं. लहान मुलांना कामावर पाठवू नका, उनका बचपना मत छीनो, वगैरे. तेव्हा या आणि अजून काही मालिका अधून-मधून सामाजिक प्रश्नांवर संदेश देतच असतात. प्रश्नांच स्वरुप अशा माध्यमातून कमी-जास्त प्रमाणात उमटतच असते म्हणून माझ्या दृष्टीने रुटीन मालिका. आपला प्रश्न आहे की आक्षेप का ? मला इतकंच म्हणायचं आहे की सत्यमेव जयतेच्या कार्यक्रमाबद्दल संजय पवारच्या लेखातून बाजारमूल्याचा विचार अतिशय उत्तम मांडल्या गेला आहे. छोट्या पडद्याच्या माध्यमातून सामाजिक प्रश्नावर चर्चा घडवून आणून परिवर्तन होत असतात का ? टीव्ही मालिका पाहून किंवा सामाजिक प्रश्वावरील चर्चेने सामाजिक प्रश्न सुटतात किंवा सुटले आहेत याचा काही विदा आहे का ? अन्य देशात असा एखाद्या कार्यक्रमाने असे काही क्रांतीकारक काही बदल घडवून आणले आहे काय ? एखादी पाऊलवाट तरी पडली आहे काय ? आणि सामाजिक प्रश्नावरचा हा काही पहिलाच कार्यक्रम आहे काय ? अशाने प्रश्न सूटत नसतात फार तर हळहळ च्च च्च करण्यापलिकडे काहीही होत नसते. असाह्य व्यक्ती आणि कोणाचेही दु:ख पाहिल्यानंतर माणूस आतून कळवळतो. कोणाच्याही दु:खाशी सहानूभूती निर्माण होत असते. अशा दु:खाचं सामाजिक प्रश्नाचं एक हायपो निर्माण करुन जे भांडवल केल्या जातंय यावर माझा मूख्य आक्षेप आहे. जाता जाता : अरे हो, नांदा सौख्य भरो असा एका मराठी वाहिनीवर कार्यक्रम (कोणत्या वाहिनीवर ते विसरलो) आहे. एकदोन एपिसोड पाहिले आहेत. नवरा-बायको आणि नव-याची आई अशांना बोलावले जाते त्यांच्यातल्या मतभेदांवर चर्चा केली जाते कोण कुठे चुकले त्याची चर्चा होते आणि कार्यक्रमाच्या शेवटी प्रेक्षंकाच्या समोर त्यांचे मनोमिलन होते, गैरसमज दूर होतात. मला कधी कधी प्रश्न पडतो असे सार्वजनिकरित्या कौटुंबिक प्रश्वावर चर्चा करुन प्रश्न सूटत असतील की वाढत असतील. -दिलीप बिरुटे
↩ प्रतिसाद: क्लिंटन

चित्रगुप्त
Mon, 05/21/2012 - 04:50 नवीन
पॅरिस मधे अनेक भारतीय तरूण हे पाण्याच्या बाटल्या, भाजलेली कणसे, फळे वा आयफेल टॉवरच्या लहान प्रतिकृती वगैरे विकत रस्त्यावर उभे असतात. या लोकांशी बोलल्यावर कळते, की यातील बहुतांश पंजाब मधून आलेले असतात, आणि त्यांना इथवर पोहोचवण्यासाठी पंजाब मधील एजंटला दहा-पंधरा लाख रुपये द्यावे लागतात. हे पैसे तुम्ही कुठून आणले, असे विचारता सर्वांचे उत्तर "पापाने दिये" असे होते. आमिरचा आजचा एपिसोड बघितल्यावर कळले, की "पापा" कुणाचे. या तरुणांना किमान सहा वर्षे भारतात जाता येत नाही, कारण इथे आल्या आल्या त्यांनी स्वतःच पासपोर्ट नष्ट केलेला असतो, महिनाभर जेल मध्ये काढून, बाहेर आल्यावर फ्रान्स चे सरकार त्यांना एक फोटो कार्ड बनवून देते, त्या आधारे ते अशी छोटी छोटी कामे करत जगत असतात. सहा वर्षांनन्तर हजारो युरो खर्चून ते "पेपर्स" बनवण्यासाठी अर्ज करतात. मी त्यांचेशी बोलत उभा राहिलो, तर ते अस्वस्थ चोरटेपणाने इकडे तिकडे बघत, नंतर लक्षात आले, की त्यांच्यावर लक्ष ठेवणारा माणूस दूर उभा असतो. यातील अगदी तरूण असणारे उत्साही, आनंदी वाटले, तर चाळीशीत आलेले उदास-हताश. पॅरिस मध्ये ते एका खोलीत सात-आठ-दहा जण रहात असतात. त्यांना उघड्यावर जेवणाचे वेळी अल्प किमतीत राजमा-चावल वा छोले -कुलचे पोहोचवणे, हाही धंदा काहीजण करत असतात. यातील काही दरमहा साठ-सत्तर हजार रुपये भारतात पाठवतात, आणि त्यांचे वडील त्यांच्या खेडेगावात अलिशान घरे बांधतात. तिकडे म्हणे गावा-गावात अश्या भव्य हवेल्या झाल्या आहेत. त्या बघून इतर सर्व तरुणांना वाटते, की आपणही परदेशी जावे. (हवेल्या बघून अश्या घरात मुली द्यायला वधुपितेही उत्सुक असणार) आमिरच्या हुंड्यावरील आजच्या एपिसोड मधे सरदारजीने सांगितलेल्या तीस हजार विवाहित तरुणींचे नवरे, ते असलेच तरुण असणार, असे वाटले. (त्या तरुणींचे नवरे पुन्हा घरी परतणार नाहीत, हे उघडच आहे) आमिरचा हा कार्यक्रम, तो हाताळत असलेल्या समस्यांची ज्यांना प्रत्यक्ष झळ लागलेली नाही, अश्या प्रेक्षकांना जरी धंदेवाइक, वा नावे ठेवण्यासारखा वाटत असला, तरी झळ लागलेल्यांसाठी अत्यंत महत्वाचा ठरत असणार ... सत्यमेव जयते....

रेवती
Mon, 05/21/2012 - 19:40 नवीन
हा कार्यक्रम मी यावेळी बघितला आणि फारसा धक्का बसला नाही. वाईट सगळ्यांना जेवढे वाटले तेवढेच वाटले असावे.;) वडील त्यांच्या खेडेगावात अलिशान घरे बांधतात अगदी अगदी. माझे नातेवाईक पंजाबात गेली दहा पंध्रा वर्षे रहात असल्याने अगदी हीच आणि आणखी भयानक माहिती काहीवर्षांपूर्वी कळली होती. ज्यांना झळ लागली त्यांच्यासाठी कार्यक्रम महत्वाचा वाटणारच. सहमत.
↩ प्रतिसाद: चित्रगुप्त

नगरीनिरंजन
Mon, 05/21/2012 - 14:05 नवीन
काल लोकसत्ताच्या लोकरंग मध्ये संजय पवार यांचा हा एक अत्यंत समर्पक लेख आला आहे आणि त्याच्याशी मी सहमत आहे. बाकी चालू द्या.

प्रा.डॉ.दिलीप बिरुटे
Mon, 05/21/2012 - 15:00 नवीन
व्वा लेख आवडला. सालं आम्ही इतकं बोंब मारुन म्हणत होतो की सामाजिक विषयामागे आर्थिक गणितंच दडलेली असतात तर पब्लिक आम्हालाच वेड्यात काढायला निघालं होतं. च्यायला, लेख वाचून खूप खूप आनंद झाला. नगरीनिरंजन शेठ, लेखाचा दुवा दिल्याबद्दल आभार.... !!! -दिलीप बिरुटे (लेख वाचून आनंद कुठे ठेऊ नी कुठे नै असा झालेला)
↩ प्रतिसाद: नगरीनिरंजन