माळरान अन् ते दोघे!! -- २

माळरान अन् ते दोघे!! -- १ त्या हिरव्या झाडाचे एक कोवळे फुल त्या खोडसाळ वार्‍याने खुडले चटका देणारी उन्हे होतीच वार्‍याच्या जोडीला . बिचारे येऊन पडले वठलेल्या झाडाच्या आसर्‍याला फुलाचे हाल त्याला बघवत नव्हते . आपले सुकलेले पान आपसूकच गाळले अखेर त्या फुलासाठी बहुदा शेवटचे . वठलेल्या झाडाची मुळे आता खरेतर घुसमटली आहेत त्यांना आता मातीचा कारावास अन् तिची घट्ट मिठी असह्य झालीये . श्वास कोंडणार्‍या मगरमिठीत शांत पहुडून राहायचे म्हणजे . असं म्हणतात चिवटपणा हा मुळांचा गुणधर्म पण फक्त मुळांनाच ठाऊक असते कि हे तर त्यांचे विदारक प्राक्तन (क्रमश:) |- मिसळलेला काव्यप्रेमी -| (०४/१०/२०११)