मुंबईमध्ये बॉम्बस्फोट?

>>काही तथाकथित कणखर देशांनी वेळोवेळी कठोर कारवाया केल्या होत्या पण दहशतवाद संपुष्टात आल्याचे ऐकिवात नाही. खरे आहे थत्ते काका, आपण त्यांनाही आपली गांधीगिरी शिकवुयात. आपण आजवर गांधीगिरीने दहशतवादाला जे सडेतोड उत्तर दिलेय त्याला तोड नाही, बघा ना या वेळेच चक्क त्यांनी आरडीएक्स वापरले नाही, अशीच हळुहळु सुधारणा होईल, मला दहशतवाद्यांचा त्यांच्या या मवाळ धोरणाबद्दल आदर वाटतो. मुंबई हा एक गाल झाला आता आपण मुजाहिदीनला दिल्लीत स्फोट करायला सांगु म्हणजे दुसर्‍या गालावर तोंडात मारुन घेतल्यासारखे होईल.

बलात्कार, चोरी, दरोडे ह्याविरुद्ध कायदे आहेत. वेळोवेळी अशी कृत्ये करणार्‍यांना शिक्षाही झालेल्या आहेतच. म्हणून हे गुन्हेही संपल्याचे ऐकिवात नाही. म्हणून ह्या गुन्ह्यांविरुद्ध कायदे बनवणे, ते कठोर करणे, आधुनिक पद्धतीने पुरावे गोळा करुन आरोपींना जास्तीत जास्त शिक्षा व्हावी असा प्रयत्न करणे बंद करावे की काय? कणखर देश उदा. इस्रायल हे दहशतवादाशी लढत आहेत. त्याने दहशतवाद कमी झाला आहे. आणि दहशतवाद संपण्याचे सोडा, जर हे लोक असे लढले नाहीत तर ते स्वतःच संपतील अशी जिवाची भीती असल्यावर ते कारवाया करणारच. आजचे सरकार दहशतवादाविरुद्ध जे काही करायचे आहे ते करतच आहे असे म्हणणे मूर्खपणाचे आहे. ज्या पद्धतीचे वक्तव्ये काँग्रेसी नेते करत आहेत त्यावरुन त्यांचा राजकीय स्वार्थीपणा दिसतो आहे. हिंदूंचा दहशतवाद त्यांना बोचतो. त्याला ते स्वच्छ हिंदुत्ववादी दहशतवाद म्हणतात. मात्र मुस्लिम अतिरेक्यांनी कारवाया केल्या की दहशतवादाला धर्म नसतो असा त्यांना साक्षात्कार होतो. निव्वळ आकडेवारी बघितली तरी कळेल की मुस्लिमांनी केलेला दहशतवाद कितीतरी जास्त आहे. असे असताना गृहमंत्री म्हणतात की भारताला सगळ्यात जास्त धोका भगव्या दहशतवादाचा. भाजपासारख्या बुळचट, निष्क्रिय, हतबल, हतवीर्य पक्षाचा हवाला देऊन त्यांनीही तसे केले म्हणून कॉंग्रेस तसेच करते हे म्हणणेही चूक आहे. भाजप नालायक होता म्हणून तो हरला. आता जे जिंकले आहेत त्यांनी काही तरी करून दाखवावे.