पाऊस माझा

नगरीनिरंजन जे न देखे रवी...
प्रत्येकाचं पावसाशी स्वतःचं असं एक नातं असतंच शिवाय ते वेगवेगळ्यावेळी वेगवेगळंही असतं. माझं पावसाशी असलेलं नातं सांगण्याचा हा प्रयत्न. आजीचा जणू देवघरात मंत्रपाठसे मंद सुरात ईशस्तवने मंगल गात कधी जागवी सुप्रभात पाऊस माझा पाऊस माझा ||१|| रानावनात घुमवी पावा हवेत धुंद गंध शिडकावा लपाछपीचा डाव नवा भटकंतीला साथी हवा पाऊस माझा पाऊस माझा ||२|| तृषार्त तप्त रसा दुपारी जल वर्षता होय गोजिरी इंद्रधनूचा वेल अंबरी फुलवी खुलवी प्रीत अंतरी पाऊस माझा पाऊस माझा ||३|| कधी तरी अन् कातरवेळी डोह मनाचा निर्मम घुसळी गतकाळाच्या आठवणींनी भरतो डोळा माझ्या पाणी पाऊस माझा पाऊस माझा ||४|| प्रभू चरणी एक मागणी सरणावरती देता अग्नी धूर निरंजन मेघ व्हावा आणि भूवर या बरसावा पाऊस माझा पाऊस माझा ||५||
वर्गीकरण
लेखनविषय:
13 टिप्पण्या 2,551 दृश्ये

Comments

निनाव नवीन

अतिसुंदर रचना. तृषार्त तप्त रसा दुपारी जल वर्षता होय गोजिरी इंद्रधनूचा वेल अंबरी फुलवी खुलवी प्रीत अंतरी पाऊस माझा पाऊस माझा ||३|| कधी तरी अन् कातरवेळी डोह मनाचा निर्मम घुसळी गतकाळाच्या आठवणींनी भरतो डोळा माझ्या पाणी पाऊस माझा पाऊस माझा ||४|| हे खूपच आवडले. अभिनंदन.
प्रकाश१११ नवीन

नगरीनिरंजन - रानावनात घुमवी पावा हवेत धुंद गंध शिडकावा लपाछपीचा डाव नवा भटकंतीला साथी हवा पाऊस माझा पाऊस माझा ||२||- खूपच छान कविता .मस्त .आवडली !!
मिसळलेला काव्यप्रेमी नवीन

रानावनात घुमवी पावा हवेत धुंद गंध शिडकावा लपाछपीचा डाव नवा भटकंतीला साथी हवा पाऊस माझा पाऊस माझा ||२|| तृषार्त तप्त रसा दुपारी जल वर्षता होय गोजिरी इंद्रधनूचा वेल अंबरी फुलवी खुलवी प्रीत अंतरी पाऊस माझा पाऊस माझा ||३|| हे खासचं!! आवडले!!
लवंगी नवीन

पावसांची वेगवेगळी रुपे दाखवणारी ओलीचिंब रचना
यशोधरा नवीन

कधी तरी अन् कातरवेळी डोह मनाचा निर्मम घुसळी गतकाळाच्या आठवणींनी भरतो डोळा माझ्या पाणी पाऊस माझा पाऊस माझा ||४|| प्रभू चरणी एक मागणी सरणावरती देता अग्नी धूर निरंजन मेघ व्हावा आणि भूवर या बरसावा पाऊस माझा पाऊस माझा ||५||
सुरेख.
स्पंदना नवीन

परत एकदा व्वाह ! निरंजन सुन्दर अगदी पहिल्या ओळी पासुन काही तरी दिसायला लागत , ओळीतला गंध मनात पोहोचतो .