Skip to main content

जय श्रीराम...!!!

लेखक प्यारे१ यांनी मंगळवार, 12/04/2011 09:49 या दिवशी प्रकाशित केले.
प्रभू रामचंद्र की जय! रामनवमीच्या दिवशी मर्यादा पुरुषोत्तम राम जन्मले. सर्वार्थाने आदर्श एक माणूस आणि त्याचे चरित्र म्हणूनही जर रामचरित्राचा वापर केला तरी आपली नैय्या पार व्हावी एवढी शक्ती त्यामध्ये आहे. रघुकुलवीर श्रीराम आपल्या कृपेने समस्त लोकांचे सर्वार्थाने कल्याण करोत हीच प्रार्थना. श्रीराम जयराम जयजय राम। श्रीराम जयराम जयजय राम। श्रीराम जयराम जयजय राम। श्रीराम जयराम जयजय राम। श्रीराम जयराम जयजय राम।
लेखनविषय:
लेखनप्रकार
वाचने 14908
प्रतिक्रिया 89

प्रतिक्रिया

शिल्पा ब मंगळवार, 12/04/2011 10:17
स्वतःच्या बायकोच्या चारित्र्यावर संशय घेणाऱ्या कोण्या धोब्याच्या मताचा आदर म्हणून तिला परत वनवासात पाठवणाऱ्या रामाचा मला अजिबात आदर नाही. आजकाल असे राम याही पुढे जाऊन बायकोचा खून करायला मागे पुढे पहात नाहीत. आपले महत्त्व ओळखून असलेल्या रामाने आपल्या स्त्रीवर विश्वास दाखवावा असा आदर्श निर्माण करण्याऐवजी उगाचच एखाद्या अनोळखी माणसाने संशय घेतल्या कारणाने तिला (पोटुशी असतानाही आणि १४ वर्ष काहीही चूक नसताना वनवासात काढले तरी) सोडून देण्याचा आदर्श ठेवला यातच काय ते आले. तरीही ज्यांना तो अनुकरणीय वाटतो त्यांना शुभेच्छा. (शेवटी इतिहास पुरुषांनी लिहिलेला आहे.)

नरेशकुमार मंगळवार, 12/04/2011 10:47
शिल्पा ताई, (निदान आजच्या दिवशी तरी) थोडं दमानी घ्या. रामाच्या नावानी आज घरात माझी ही गोड्धोड करुन राहीली आहे. बादवे रामानी सितेला सोडली नव्हती, सिताच निघुन गेली होति. : इती : लव-कुश बाय रामानंद सागर. पन जे काय झालतं ते लयी वाईट झालं (होत). पन आपन त्यातुन चांगल घेउया. हो ना ? श्री राम जय राम....जय जय राम !

प्रचेतस मंगळवार, 12/04/2011 11:00
स्वतःच्या बायकोला पळवून १ वर्ष कैदेत ठेवणार्‍या रावणाविरुद्ध समुद्रापार जाउन युद्ध करून तिला परत आणणारा तो मर्यादापुरुषोत्तम श्रीरामच.

ज्ञानोबाचे पैजार मंगळवार, 12/04/2011 11:34
रामनवमी आहे म्हणुन मोठ्या उत्साहाने धागा उघडला होता. पण त्याचे अधीच मातेरे झालेले पाहुन अतिशय वाईट वाटले. कदाचीत झालीही असेल चुक रामाची, पण त्या मुळे त्याने केलेल्या इतर कार्याचे महत्व कमी होते असे मला वाटत नाही. पुरुष स्त्री हा वादाचा उल्लेखही अप्रस्तुत वाटला. आजच्या कलीयुगात रामाची जशी गरज आहे तशी शुर्पणखेचे नाक कापणार्‍या लक्ष्मणाची पण आहे याची प्रकर्षाने जाणिव झाली. राम सर्वांचे कल्याण करो.

प्यारे१ मंगळवार, 12/04/2011 11:48
माऊलि, धोबी (वृत्ती) फक्त रामकालातच होते/ ती असे कोणी सांगितले तुम्हाला....???? चालायचंच. मोराच्या फुललेल्या पिसार्‍याकडे लक्ष न देता त्याच्या मागे उभे राहून नको त्या गोष्टी बघणे आवडत असेल तर काय करणार????

शिल्पा ब मंगळवार, 12/04/2011 19:25
आजच्या कलीयुगात रामाची जशी गरज आहे तशी शुर्पणखेचे नाक कापणार्‍या लक्ष्मणाची पण आहे याची प्रकर्षाने जाणिव झाली. अशा लोकांची कमी नाहीच...स्वतःचे मत असणारे फारच थोडे लोक असतात. बाकी रामाने काय मोठे काम केले आहे? रावणाशी युद्ध त्याची स्त्री परत मिळवण्यासाठीच केले लोकसेवा म्हणुन नाही.

मराठमोळा मंगळवार, 12/04/2011 11:44
जय श्रीराम!!! जय सीताराम!! शिल्पा ताई, रामाचा तो निर्णय एका पतीचा नव्हता. तो निर्णय पतीपेक्षा मोठ्या जबाबदारीच्या पदावर असलेल्या राजाला घ्यावा लागला होता. स्पायडर मॅन सिनेमामधला एक ड्वायलॉक आठवला.. Great Power comes with Great Responsibility. रामाला स्वतःच्या पत्नीच्या चारित्र्यावर कणभरही शंका नव्हती, पण त्यावेळच्या परिस्थितीमधे एका राजाने जे करणे योग्य होते तेच रामाने केले, रामाला किती यातना झाल्या असतील ते प्रभू श्रीरामच जाणे. आपण जसे रामाच्या निर्णयावर पटकन शंका घेतलीत आणि अनादर करुन मोकळ्या झाल्यात तशीच एका त्या अनोळखी व्यक्तीने विचार न करता सीतामाईच्या चारित्र्यावर पटकन शंका घेतली होती.

यशोधरा मंगळवार, 12/04/2011 11:49
ममो, मस्त आणि नेमके. सीतेला वनवासात सोडायचा आदेश दिल्यापासून श्रीरामानेही वैयक्तिकरीत्या राजवाड्यात राहून "वनवासातले" जिणे पत्करले होते असे वाचलेले आठवते.

शिल्पा ब मंगळवार, 12/04/2011 19:30
आपण जसे रामाच्या निर्णयावर पटकन शंका घेतलीत अगदी अगदी...कालपरवाच घडलेली घटना आहे त्यामुळे शंका जरा पटकनच घेतली म्हणायची. आता जरा स्पायडरमॅन पाहुन ज्ञान वाढवते. Great Power comes with Great Responsibility. याच्याशी सहमत. बाकी नेमका काय विचार करून बायकोला सोडायचा निर्णय घेतला म्हणता? आणि तो जर योग्य असेल तर धन्यच म्हणायचे.

पक्का इडियट मंगळवार, 12/04/2011 13:09
स्वतःच्या बायकोच्या चारित्र्यावर संशय घेणाऱ्या कोण्या धोब्याच्या मताचा आदर म्हणून तिला परत वनवासात पाठवणाऱ्या रामाचा मला अजिबात आदर नाही. अगदी सहमत आहे. रेल्वे अपघातात स्वतःचा काही संबंध नसतांना नैतिकतेच्या कारणावरून राजीनामा देणारे लालबहादूरशास्त्रींबद्दल सुद्धा मला आदर नाही. * पण काय करणार ? मी रहातो त्या परिसरातील बिनडोक लोकांना दोघांबद्दल आदर आहे. :) वर तुम्ही उद्धृत केलेला धोब्याचे मत, त्याचा परिणाम, सीतेचा त्याग इत्यादी वाल्मिकी रामायणातील कोणत्या कांडात, कोणत्या सर्गात आहे, ते श्लोक, तो सर्ग, ते कांड तज्ञ लोक मूळ रामायणातले मानतात का? भवभुतीच्या नाटकाचा रामायण कथेवर काय परिणाम झाला असले प्रश्न मी विचारणार नाही. कारण तुम्हाला त्याची उत्तरे माहित नसणार याची पूर्ण खात्री आहे. जय श्रीराम !! * शास्त्रींबद्दलचे वाक्य उपरोधाने होते हे सुज्ञांना कळले असेलच, बाकीच्यांना आता कळावे.

प्रा.डॉ.दिलीप बिरुटे मंगळवार, 12/04/2011 13:18
वर तुम्ही उद्धृत केलेला धोब्याचे मत, त्याचा परिणाम, सीतेचा त्याग इत्यादी वाल्मिकी रामायणातील कोणत्या कांडात, कोणत्या सर्गात आहे, ते श्लोक, तो सर्ग, ते कांड तज्ञ लोक मूळ रामायणातले मानतात का? आपणच आमचे आणि मिपाकरांचे रावनवमीनिमित्त प्रबोधन करावे ही नम्र विनंती. बाय द वे, जालावर वरीजनल रामायण कुठे वाचायला मिळेल. सुबोध अर्थासहित. -दिलीप बिरुटे

पक्का इडियट मंगळवार, 12/04/2011 13:26
तज्ज्ञांच्या मते दशरथाकडे विश्वामित्रांनी केलेली रामाची मागणी इथपासून सुरु झालेले रामायण (राम + अयन ) {अयन म्हणजे प्रवास} रामाने लंकेत रावणाचा वध केल्यावर अयोध्येला परत आल्यावर झालेला राज्याभिषेक हाच मूळ रामायणाचा गाभा आहे. बालकांडातील रामलीला, उत्तर कांडातील सीतेचे डोहाळे, त्याग, जंबुकाचा वध, लक्ष्मणाचा त्याग, रामाचे सरयु नदीत आत्मसमर्पण हे सर्व तसेच मधल्या कथेतील अनेक भाग हे प्रक्षिप्त असल्याचे मानले जाते. मात्र सर्वसामान्य माणुस (माझ्यासह) हे सर्व असेच घडले होते असे मानतो. रामाला देव मानतो. त्याला रामकथा काल्पनिक आहे की खरी याचा काहीही फरक पडत नाही. >>बाय द वे, जालावर वरीजनल रामायण कुठे वाचायला मिळेल. सुबोध अर्थासहित. संस्कृत शिकाच. ;) जय श्रीराम

मराठमोळा मंगळवार, 12/04/2011 13:36
>>तज्ज्ञांच्या मते दशरथाकडे विश्वामित्रांनी केलेली रामाची मागणी इथपासून सुरु झालेले रामायण (राम + अयन ) {अयन म्हणजे प्रवास} रामाने लंकेत रावणाचा वध केल्यावर अयोध्येला परत आल्यावर झालेला राज्याभिषेक हाच मूळ रामायणाचा गाभा आहे. बालकांडातील रामलीला, उत्तर कांडातील सीतेचे डोहाळे, त्याग, जंबुकाचा वध, लक्ष्मणाचा त्याग, रामाचे सरयु नदीत आत्मसमर्पण हे सर्व तसेच मधल्या कथेतील अनेक भाग हे प्रक्षिप्त असल्याचे मानले जाते. मात्र सर्वसामान्य माणुस (माझ्यासह) हे सर्व असेच घडले होते असे मानतो. रामाला देव मानतो. त्याला रामकथा काल्पनिक आहे की खरी याचा काहीही फरक पडत नाही. ही शैली ओळखीची आहे असे राहुन राहुन का वाटते ब्वॉ?

पक्का इडियट मंगळवार, 12/04/2011 13:39
>>>>ही शैली ओळखीची आहे असे राहुन राहुन का वाटते ब्वॉ? रामकथा कुणीही गायली तरी लवकुशांच्या मुखातुनच ऐकत आहोत असे श्रोत्यांना वाटते असे म्हणतात. जय श्रीराम

प्रा.डॉ.दिलीप बिरुटे मंगळवार, 12/04/2011 13:38
>>>>संस्कृत शिकाच. हाहाहा. लै भारी .....! बालकांडातील रामलीला, उत्तर कांडातील सीतेचे डोहाळे, त्याग, जंबुकाचा वध, लक्ष्मणाचा त्याग, रामाचे सरयु नदीत आत्मसमर्पण हे सर्व तसेच मधल्या कथेतील अनेक भाग हे प्रक्षिप्त असल्याचे मानले जाते. रामायणाचे खरे अभ्यासक-तज्ञ कोण आहेत ? च्यायला, आम्ही वर्षानुवर्ष जे रामायण ऐकत आलो ते खोट म्हणायचं का ? वरीजनल रामायण कोणतं ? रामायणातला प्रक्षिप्त भाग कोणता यावर एकदा जोरदार काथ्याकूट झाला पाहिजे, असो. आज नको. -दिलीप बिरुटे

पक्का इडियट मंगळवार, 12/04/2011 13:42
>>>>रामायणाचे खरे अभ्यासक-तज्ञ कोण आहेत ? च्यायला, आम्ही वर्षानुवर्ष जे रामायण ऐकत आलो ते खोट म्हणायचं का ? ते कशाला खोटे मानायचे? बौद्धांच्या जातक कथेत रामायणाची वेगळी आवृत्ती आहे. जैनांच्या आगमात वेगळे उल्लेख आहेत. राम सर्वांचा आहे. आपल्या आदर्शांचा प्रसार करण्यासाठी रामकथा प्रत्येकाने गायली आहे. इतिहास तज्ज्ञांना त्यांचे काम करु द्या. ते सांगतील कशी कशी राम कथा बदलत गेली. आपण मान डोलावुन होकार भरायचा आणि जय श्रीराम आवाज द्यायचा. >>>वरीजनल रामायण कोणतं ? रामायणातला प्रक्षिप्त भाग कोणता यावर एकदा जोरदार काथ्याकूट झाला पाहिजे, असो. आज नको. काथ्याकुट करुन फायदा नाही. कोंबडे अंडयाप्रमाणे प्रलंबित प्रश्न आहे तो. कशाला वेळ घालवायचा?

प्रा.डॉ.दिलीप बिरुटे मंगळवार, 12/04/2011 13:49
>>> रामायणाचे खरे अभ्यासक-तज्ञ कोण आहेत ? या विषयी जर काही माहिती मिळाली असती तर बरे झाले असते. आम्ही डॉ.प.वि.वर्तकांचे वास्तव रामायण आणले होते. काही विवेचन वाचल्यावर वेड लागायचे बाकी राहीले होते. [माझं मत आहे] बाकी, खर्रच काही तज्ञांची नावे आणि काही पुस्तके सांगितली असती तर वाचन होईल तेव्हा होईल पण अशी पुस्तके संग्रही ठेवली असती असे म्हणायचे होते...! -दिलीप बिरुटे

मुलूखावेगळी मंगळवार, 12/04/2011 14:07
आम्ही डॉ.प.वि.वर्तकांचे वास्तव रामायण आणले होते. काही विवेचन वाचल्यावर वेड लागायचे बाकी राहीले होते. [माझं मत आहे] बाकी,
+११ हो मी पण वाचले थोडेसे, माझ्या घरी हे पुस्तक आणले होते . ५-७ पाने वाचुनच मी बंद केले असले वाचने.

पक्का इडियट मंगळवार, 12/04/2011 14:12
पून्हा सांगतो. कोणत्याही तज्ज्ञाचे मत वाचू नका. वाल्मिकी रामायण संस्कृत आणि त्याचा मराठी अनुवाद उपलब्द्ध आहे. ७ कांडांची १० पुस्तके आहेत. साधारणतः ७००-८०० रु खर्च येईल. (सहावा आयोग नो टेन्शन) वाचा. त्यातुन तुमच्या बुद्धीनेच ठरवा काय घ्यायचे; काय सोडायचे.

विकास मंगळवार, 12/04/2011 19:14
आम्ही डॉ.प.वि.वर्तकांचे वास्तव रामायण आणले होते. ते "वर्तकी रामायण" ;) जे "वाल्मिकी रामायणा" नंतरचे आहे :-) त्यात त्यांनी रामाने सीतेचा त्याग केला या संदर्भातील मुद्दा मांडताना, सीतेने कसे वनवाश्यांबरोबर निषेध मोर्चा काढला नाही वगैरे शब्दप्रयोग करत करमणूक केली होती. बाकी, सीतात्यागा संदर्भात अनेक वर्षांपुर्वी दुर्गा भागवतांनी मला वाटते लोकसत्ता का (माधव गडकरी असतानाच्या) मुंबई सकाळच्या रविवार आवृतीमधे एक खुप छान लेख लिहीला होता, त्याची आठवण झाली. असो. रामनवमीच्या शुभेच्छा!

चिंतामणी बुधवार, 13/04/2011 00:01
तज्ज्ञांच्या मते दशरथाकडे विश्वामित्रांनी केलेली रामाची मागणी इथपासून सुरु झालेले रामायण (राम + अयन ) {अयन म्हणजे प्रवास} रामाने लंकेत रावणाचा वध केल्यावर अयोध्येला परत आल्यावर झालेला राज्याभिषेक हाच मूळ रामायणाचा गाभा आहे. बालकांडातील रामलीला, उत्तर कांडातील सीतेचे डोहाळे, त्याग, जंबुकाचा वध, लक्ष्मणाचा त्याग, रामाचे सरयु नदीत आत्मसमर्पण हे सर्व तसेच मधल्या कथेतील अनेक भाग हे प्रक्षिप्त असल्याचे मानले जाते. १०० % बरोबर आणि सहमत.

शिल्पा ब मंगळवार, 12/04/2011 19:44
काही हरकत नाही...आपणच ज्ञानप्रबोधन करावे ही विनंती (आपल्याला ही सगळी माहीती असेलच असे गृहीत धरते, त्यानिमीत्ताने खरे रामायण कोणते याचा तरी उलगडा होईल.)

टारझन मंगळवार, 12/04/2011 13:54
हा हा हा :) शिल्पा काकुंचे कॉमेडी प्रतिसाद मला नेहमीच भुरळ घालत असतात ... अगदी पोट दुखेस्तो हसवलेत . अजुन एक अशीच कॉमेडी करण्याचा छोटासा प्रयत्न सिता ही मुर्ख स्त्री होती. तिचा आघाऊपणा लक्षात घेऊनच रामाने लक्ष्मणाला कुटी मधे प्रोटेक्शन साठी ठेवले होते. नंतर जेंव्हा मारिच ने रामाची मिमिक्री करुन "लक्ष्मणा धाव .. " अशी आरोळी टाकली तेंव्हा ही मंद सिता मैय्या लक्ष्मणाला तिकडे भाग पाडते . श्रीराम कोण आहेत हे सितेलाच ठाऊक नव्हते काय ? श्रिरामाच्या पराक्रमावर खुद्द सितेचा विश्वास नव्हता हे यातुन दिसते . दोन पावले पुढे जात सिता लक्ष्मणाच्या नितिमत्तेवर पण टिपण्णी करण्यास विसरत नाही. तो डायलॉग बोलताना सितेची चिड न येता स्त्रीबुद्धीची किव वाटते. बिचारा लक्ष्मण , मुर्खापुढे काय डोकं लावणार म्हणुन जातो , पण जाताना लाईन मारण्याचे कर्तव्य विसरत नाही. ह्या नंतर ची हाईट म्हणजे भिक्षुकाला भिक्षा देण्यासाठी लाईन क्रॉस करुन जाणे . एवढा सगळा मंदपणा करण्यात बिचार्‍या श्रीरामाचा काही हात नव्हता . पण हे झाले स्त्रीहट्टामुळे .. नंतरचे रामायण आपणास ठाऊक आहे. ह्या एका स्त्री साठी पुर्ण रामायण घडले . एका स्त्रीमुळेच महाभारतही घडले . ह्या महायुद्धांत जिव केला तो करोडो अरबो पुरुषांचाच . ह्याचा शिल्पा काकुंनी विचार केला आहे का ? उत्तर रामायणात सितेचा मुर्खपणा पुढे जाऊन अहंकारात परिवर्तीत होतो . रामाने जे कृत्य केले ते समाजाचे डोळे उघडण्यासाठी केले होते असे जाणकार सांगतात . परंतु आपल्याच नवर्‍याला समजुन न घेता आपलंच घोडं दामटंत स्वतःच्या पोरांना घेऊन पुन्हा वनवास भोगण्यास गेलेल्या सिते ला रामाने रोखण्याचा खुप प्रयत्न केला होता असे ही जाणकार सांगण्यास विसरत नाहीत . थोडक्यात काय ? रामाची ( सो कॉलड् ) एक चुक सितेच्या १०० मुर्खपणांवर भारी पडते असे आज की नारी i.e. शिल्पा काकुंचे म्हणने आहे . खुप एंटरटेनमेंट झाली एवढं असुनही राम आणि सिता दोघे ही आमच्या साठी आयडीयल स्त्री - पुरुष आहेत . एवढे बोलुन मी माझे दोन शब्द संपवतो , जय हिंद जय महाराष्ट्र - (आधुनिक जां'ब'वंत ) टारझन

शिल्पा ब मंगळवार, 12/04/2011 19:37
आपण आंतरजालीय लालुप्रसाद आहात हे कायम सिद्ध करता, पण तो मान आपलाच आहे. बाकी शूर्पणखा नावाच्या स्त्रीने रामाला माझा हो अशी मागणी घातल्यावर तिला स्पष्ट "नाही " असे न सांगता तिच्या भावनांशी खेळ करून माझ्या भावाकडे जा मग त्याने परत राम तुला नक्की स्वीकारेल असे काहीसे सांगितले अन त्यामुळे तीचा तोल गेला, मग तिचे नाक-कान कापण्यात आले अन मग पुढचे काय ते घडले असे काहीसे ऐकून आहे.

टारझन मंगळवार, 12/04/2011 20:35
आपण आंतरजालीय लालुप्रसाद आहात हे कायम सिद्ध करता, पण तो मान आपलाच आहे.
तर तर !! आपणही एक टॉप च्या ललिता पवार आहात ना :)
बाकी शूर्पणखा नावाच्या स्त्रीने रामाला माझा हो अशी मागणी घातल्यावर
फालतु> राम ही तिला मिरिंडा हो म्हणाला होता , ऐकलं का तिनं ? / फालतु>
तिला स्पष्ट "नाही " असे न सांगता तिच्या भावनांशी खेळ करून माझ्या भावाकडे जा मग त्याने परत राम तुला नक्की स्वीकारेल असे काहीसे सांगितले अन त्यामुळे तीचा तोल गेला, मग तिचे नाक-कान कापण्यात आले अन मग पुढचे काय ते घडले असे काहीसे ऐकून आहे.
तिचा तोल गेला म्हणजे काय ? जाणकारांच्या मते शुर्पणखेचा बोळा तुंबलेला होता. त्यात पाकिटांची सोय नसल्याने पुरुषांनी जबाबदारीने वागणे जरुरी असते. आणि राम-लक्ष्मण हे मर्यादा पुरुषोत्तम होते . त्यांच्या हातुन असं पाप घडणं अशक्यंच ! ह्या उलट त्यांच्यापैकी कोणी जर शुर्पणखेवर अतिप्रसंग केला असता तर तुमच्या सारख्या आज की नारी .. आयोध्येत "लाटणं मोर्चा" घेउन आल्या असत्या ! बाकी शुर्पणखा तुमची आयडोल आहे काय ? =)) - चाकु

विकास मंगळवार, 12/04/2011 21:03
अवांतर, कुणाशीही वाद म्हणून नाही! :-) अजून थोडे मागे गेले तर... कैकयीने हट्ट केला (कारण की मंथरेने सुचवले) म्हणून राम वनात गेला. ;) जाताना सीता म्हणाली "जेथे राघव तेथे सीता" म्हणून तिला पण नेले. तो थोडेच म्हणत होता चल माझ्याबरोबर म्हणून? जर नंतर ती, "जसे राघव तशीच सीता" असे म्हणाली असती तर कदाचीत वेगळे झाले असते. पण तिला तसे वाटले नसावे. :-) त्याहूनही मागे गेले तर दशरथाने एक्स्पायरी डेट नसलेले दोन वर कैकयीला दिले म्हणून रामायण घडले असे देखील म्हणता येईल. ;) बाकी एकदा आमच्या एका तामिळ मित्राकडून समजले: काही तामिळवासीय, रावण हा सीतेचे पिता होता असे समजतात. आणि त्यांच्यात रावण आपल्या मुलीला केवळ माहेरपणासाठी घेऊन गेला होता असे समजले जाते, असे कळले! खरे खोटे माहीत नाही, पण अनेक कथात ही देखील असल्यास नवल नाही. फक्त ऐकल्यावर ह.ह.पु.वा. झाली. एखादे वडील आपल्या मुलीला माहेरपणास कसे नेऊ शकतात हे कळले! ;)

टारझन मंगळवार, 12/04/2011 21:25
असेच म्हणतो .. ह्या मंथरा , कैकै , द्रौपदी , सिता , इत्यादी स्त्रीया नेहमी महाविनाशाला कारणीभुत ठरल्या आहेत असे जाणकार सांगतात. तसेच आजकाल घरामधे दुही पडायला की "कोण ब" रं कारणीभुत असतं ? चाळा पाने ? बाकी करडा मजकुर वाचुन लोळलो =)) शिल्पा ब ह्यांना त्यांच्या मागणीप्रमाणे हिडिंबा म्हणण्यात येत आहे :) शिवाय रामाने स्त्रीयांशी रुड पणे न वागता म्हणजेच "नाही"म्हणुन तोडुन न फेकता त्या मंद स्त्रीला समजदारीची भाषा वापरली म्हणुन रामाची चिड आली. - ( यदाकदाचित ) बलभिमं

शिल्पा ब मंगळवार, 12/04/2011 21:52
समजदारीच्या भाषेत काय सांगीतलं हे सांगाल का? तुम्हाला भलतीच माहीती आहे म्हणुन विचारलं. बाकी मागणी न करता पुरवठा करणारे आपण अगदीच दानशुर म्हणायचे!!

शिल्पा ब मंगळवार, 12/04/2011 21:51
त्याहूनही मागे गेले तर दशरथाने एक्स्पायरी डेट नसलेले दोन वर कैकयीला दिले म्हणून रामायण घडले असे देखील म्हणता येईल. यात कैकयीची काय चुक? वर देणार्‍यानी नको विचार करायला?

विकास मंगळवार, 12/04/2011 22:06
यात कैकयीची काय चुक? वर देणार्‍यानी नको विचार करायला? काहीच नाही! म्हणूनच तर तेथे म्हणले होते ना की या (म्हणजे त्या) प्रतिसादात कुणाशिही वाद नाही म्हणून! :-)

शिल्पा ब मंगळवार, 12/04/2011 21:06
बाकी शुर्पणखा तुमची आयडोल आहे काय ? =)) शुर्पणखा ही ललिता पवारची आयडोल कशी असेल? हीडींबा म्हंटलं तर ठीक कदाचीत ;) बाकी बोळे तुंबुन राहु नाहीतर अजुन काही होवो पण स्पष्ट "नाही" म्हणायला पाकीटांची गरज का पडावी हा एकच प्रश्न पडला आहे.

Nile बुधवार, 13/04/2011 04:32
चर्चा वाचुन रामाला वाढदिवसाच्या शुभेच्छा म्हणजेच मराठीत हॅप्पी बड्डे करतो.
सिता ही मुर्ख स्त्री होती. तिचा आघाऊपणा लक्षात घेऊनच रामाने लक्ष्मणाला कुटी मधे प्रोटेक्शन साठी ठेवले होते. नंतर जेंव्हा मारिच ने रामाची मिमिक्री करुन "लक्ष्मणा धाव .. " अशी आरोळी टाकली तेंव्हा ही मंद सिता मैय्या लक्ष्मणाला तिकडे भाग पाडते .
अरे रे रे, कीती तो अरसिकपणा! मागे मी याच ओळी कीती काव्यत्मक लिहल्या होत्या (अन त्या कीती चटकन हवेत विरल्या) याची आठवण झाली. असो. त्या ओळी मागू मात्र नका, सभ्यतेच्या उल्लंघनाचं अजून एक तिकिट मिळायचं आम्हाला.

तर्री मंगळवार, 12/04/2011 11:45
श्री राम हा आदर्श राजा होता. ह्या कालातील " स्त्री - वादी , मानवता वादी " द्रुष्टीने तो आदर्श पती नसेलही. पण आदर्श पती पेक्षा आदर्श राजा असणे माझ्या द्रुष्टीने खूप मोठे आहे. सामान्य नागरिकाच्या भावनेबाबत संवेदनशील पण तरिही कर्तव्य कठोर प्रभूरामचन्द्राना प्रणाम.

प्रा.डॉ.दिलीप बिरुटे मंगळवार, 12/04/2011 12:35
छान. चर्चा चालू ठेवा.........! :) -दिलीप बिरुटे

सुप्रिया मंगळवार, 12/04/2011 14:01
श्रीराम जयराम जय जय राम. श्रीराम जयराम जय जय राम. श्रीराम जयराम जय जय राम.

पुष्करिणी मंगळवार, 12/04/2011 14:41
रामो राजमणिः सदा विजयते रामं रमेशं भजे । रामेणाभिहता निशाचरचमू रामाय तस्मै नमः ॥ रामान्नास्ति परायणं परतरं रामस्य दासोऽस्म्यहम् । रामे चित्तलयः सदा भवतु मे भो राम मामुद्धर ॥ श्रीराम नवमीच्या हार्दिक शुभेच्छा!

असुर मंगळवार, 12/04/2011 15:09
श्रीरामचंद्रचरणौ मनसा स्मरामि| श्रीरामचंद्रचरणौ वचसा गृणामि| श्रीरामचंद्रचरणौ शिरसा नमामि| श्रीरामचंद्रचरणौ शरणं प्रपद्ये|| -श्रीरामरक्षास्तोत्रातून ज्याला जे हवे ते मिळो, प्रत्येकाला सद्सद्विवेकबुद्धी लाभो हीच त्या श्रीरामाला विनंती! श्रीरामाला शरण जायचे नसेल, हरकत नाही. त्याच्यातल्या मर्यादापुरुषोत्तमाला शरण जा. अर्थात, शेवटी ज्याची त्याची समज आणि ज्याची त्याची इच्छा!!! --असुर

असुर मंगळवार, 12/04/2011 19:00
'काळा राम' मंदिर फार आवडतं आपल्याला. आणि मंदिरातील उत्सव! आहाहाहाहा!!! पद्मजा फेणाणी काल येऊन मैफिल करुन गेल्याचं कळलं! --असुर

पक्का इडियट मंगळवार, 12/04/2011 19:23
नाशिकमधील काळ्यारामाचा महिमा अपार आहे. अनेकांना देवपूजेला लावतो... http://maharashtratimes.indiatimes.com/articleshow/7932241.cms

योगप्रभू मंगळवार, 12/04/2011 21:41
हनुमान कुणाचा यावरुन एक हिंदू, एक मुसलमान व एक सरदार यांच्यात वाद सुरु असतो. हिंदू म्हणतो, की हनुमानाच्या गळ्यात जानवे आहे आणि कपाळाला टिळा आहे, म्हणजे तो हिंदूच आहे. त्यावर मुसलमान म्हणाला, ' पण त्याचे नाव बघा. ही अशी नावे म्हणजे रहमान, सुलेमान आमच्यातच असतात. पुन्हा आम्ही मुसलमान म्हणून ओळखले जातो. म्हणून हनुमान पण मुसलमान असणार. शेवटी सरदारजी म्हणाला, 'अरे यारो! झगडा मत करो. किसी दुसरेकी बीबी, भगाई किसी तिसरेने और इसने खामखा अपनी पूंछ जला डाली. यकीनन हनुमान तो सरदारही होगा.' (विनोद आहे हलके घ्या) तर ही चर्चा वाचताना मनात आले, की बायको रामाची, तिला वनात सोडल्यावर ते दोघे आणि त्यांचे नातलग बघून घेतील की. आपला संबंध नाही तिथे कशाला पिसे फुलवून थयथयाट करायचा? एकतर राम काही शाळा कॉलेजात गेला नव्हता. तेव्हाच्या प्रचलित रुढींच्या चौकटीत त्याने जे केले त्याची चिकित्सा पाच हजार वर्षानंतरच्या सुधारित निकषांवर करणे अजबच आहे. तसं बघायला गेलं तर मलाही कृष्णाचा फार फार म्हणजे फारच राग येतो. आमच्या नशिबात एकच, पण याला मात्र खुशाल १६१०८ बायका. सरासर नाईन्साफी :)

योगप्रभू मंगळवार, 12/04/2011 22:00
श्रीकृष्णाच्या बायका कशा आज्ञाधारक होत्या. सेवा करायला नाही म्हणायच्या नाहीत. फार नखरेपण नसायचे. :) जाऊदे असतं एकेकाचं नशीब.

प्रा.डॉ.दिलीप बिरुटे मंगळवार, 12/04/2011 22:06
श्रीकृष्ण जन्माष्टमीला श्रीकृष्णाच्या मागे लागूया ! :) -दिलीप बिरुटे

प्राजु मंगळवार, 12/04/2011 23:21
काय सॉल्लिड चालू आहे सिनेमा!! चालूद्या! माझ्यासाठी ,श्रीराम हा एक आदर्श राजपुत्र आणि मग नंतर आदर्श राजा होता. बस्स!

धमाल मुलगा मंगळवार, 12/04/2011 23:28
प्रभु रामचंद्रांनी हे सगळं वाचलं तर म्हणतील, 'बा हनुमंता, उचल ती गदा आणि हाण माझ्याच डोक्यात!' अरे, काय चाललंय काय? कशाचा कशाला काही धरबंध? हे म्हंजे, 'रानात लावली कपाशी अन पोरं घरी उपाशी' अशी गत झाली की! असो! हे दयाघना, हे नीलकांती पुरुषोत्तमा, ह्या अजाण लेकरांना माफ कर. आजच्या मुहुर्तावर माझा तुला प्रणाम! हे रघुनंदना, तुझ्या अंगच्या गुणांपैकी एक सहंस्त्रांश तरी मज अंगी बाणवले जावे असा आशिर्वाद दे भगवंता!!!!

चतुरंग मंगळवार, 12/04/2011 23:34
नगरच्या लेले ह्यांच्या देवळातला रामनवमीचा उत्सव आठवला! सकाळपासून गडबड असायची. आम्ही लवकर आंघोळी करुन देवळात जायचो. फुलांची सजावट, मखर करणे सगळे मन लावून बघायचे. त्यादिवशी देवाला नवीन वस्त्रे असत. पाळणा बांधून फुलांची सजावट असे. मग हळूहळू गर्दी होई. देवळात पाय ठेवायला जागा उरत नसे. कीर्तन असे. बाराला रामजन्म झाला की मोठ्या आवाजात रामनामाचा गजर होई. घंटा, थाळे, झांजा ह्यांचा मोठा आवाज फार भारी वाटायचा! गीतरामायण लावलेले असे. सुंठवडा वाटला जाई. लेले आजी खडिसाखर द्यायच्या. चटचटणार्‍या उन्हातून चपला न घालता पळत पळत घरी यायचं. मग जेवणं करुन खेळायला पळायचं. कैर्‍यांचे दिवस असल्याने आईने स्वयंपाकातच कैर्‍या उकडलेल्या असत त्याचं पन्हं व्हायचं. वेलदोडा, गूळ घालून केलेलं तांबूस पिवळसर कैरीचे पन्हे हाणून पोटोबा थंड करायचा की पुन्हा खेळायला पळायचे. संध्याकाळी कैरीची डाळ खायची आणि मगच दिवस संपायचा! सगळं सगळं अगदी आत्ता घडल्यासारखं आठवतंय! :) -चैत्ररंग

चिंतामणी मंगळवार, 12/04/2011 23:43
हे मिपावर, हे नीलकांत घुमारेकुलोत्पन्ना, ह्या अजाण लेकरांना माफ कर, आजच्या मुहुर्तावर फक्त पोस्ट डिलीट कर!

निनाद मुक्काम … बुधवार, 13/04/2011 03:02
लहानपणी डोंबिवली वेस्ट येथे घैसास ह्यांच्या पाळणाघरात आमच्या मावश्या दुपारी आम्हाला( कमीत कमी ४० पोर ) दामटवून झोपवत व मग वहीत '' श्रीराम जयराम जयजय राम '' असे लिहित '' त्या माझ्या मते १५ वर्षाहून अधिक काळ भर दुपारी हे लिखाण करत असे मग जरा मोठे झाल्यावर कळले .( त्यांनी लहानपणी रामरक्षा, बालोपासना) शिकवली ) आज रामरक्षा आठवत नाही ह्याबद्दल स्वतःची लाज वाटते .) आमचे अकोल्याचे मामा कारसेवक. .मंदीर झाले नाही पण ह्यांच्या केसेस झाल्या . मुंबईत केस ची तारीख असली की कुर्ल्यात आमच्याकडे मुक्काम असायचा .( जुन्या आठवणीना उजाळा मिळाला .) आज रामनवमी होती हेच मुळी मला माहीत नव्हते .( वृत्तपत्रात पहिल्या पानावर पांडे पुराण पण रामनवमीचा उल्लेख नाही ) लेख मालकाचे विशेष आभार . ''जय श्रीराम ''

प्यारे१ शुक्रवार, 19/04/2013 18:05
श्रीराम जयराम जयजय राम! (हसू येतंय आज वरचं सगळं वाचून. डॉ. बाबासाहेब काय नि राम काय! दोघांनाही तोफांच्या तोंडी देणं चाललंय.)

उपास शुक्रवार, 19/04/2013 18:38
श्रीरामचंद्रचरणौ मनसा स्मरामि| श्रीरामचंद्रचरणौ वचसा गृणामि| श्रीरामचंद्रचरणौ शिरसा नमामि| श्रीरामचंद्रचरणौ शरणं प्रपद्ये|| गिरगावातले काळ्यारामाचे/ गोर्‍यारामाचे रामजन्माचे उत्सव म्हणजे थाटच. सुंठवडा, पन्हे.. जुने दिवस आठवले.. राम जन्मला ग सखे राम जन्मला हे गीत आकाशवाणीवर लागायचेच.. - उपास

शुचि शुक्रवार, 19/04/2013 19:23
चैत्रमास, त्यांत शुद्ध नवमि ही तिथी गंधयुक्‍त तरिहि वात उष्ण हे किती ! दोन प्रहरिं कां ग शिरीं सूर्य थांबला ? राम जन्मला ग सखी राम जन्मला खरच इवलासं देखणं बाळ पाहायला सूर्यही पळभर थांबला - काय गोड कल्पना आहे.