date

फोनवर मंजूळ आवाजाने
हळुवारपणे संध्याकाळी
date ठरली
मी वेळेवर तयारीत पोहचलो
ती तयारच होती
मला पाहताच गोssड हसली
अनं माझा हात हातात घेतला
माझा हात तसाच हातात ठेऊन
तिने तिचे नेत्र मिटले
विचारात कुठेतरी हरवून गेली
ते सुरेख नेत्र उघडून
म्हणाली 'तुझे डोळे बघू!'
खुपवेळ ती माझ्या अनं मी तिच्या
डोळ्यात बघत होतो
एकटक, निरखून !!
परत तिने माझा हात हातात घेतला
हळूच घड्याळ बघून हसली..
अचानक माझ्या छातीलाच तिने कान लावले
छाती धडधडली, श्वास वेगावला
पण ती शांतपणे माझे चुकलेले ठोके ऐकत होती
अगदी मन लावून!!
एक निश्वास सोडून ती
तिच्या जागेवर बसली
पेन हातात घेऊन
गुलाबी कागदावर लिहू लागली
मी धडधडतचं होतो
धक्यातून मी अजून सावरलोचं नव्हतो
शेवटी सही करून तिने
कागद मला दिला
वाचतांना धडधड कमी झाली
Rx
Minor Viral Infection...