Skip to main content

नवर्‍यांच्या त्रासदायक सवयी

लेखक शुचि यांनी शुक्रवार, 24/12/2010 21:19 या दिवशी प्रकाशित केले.
वा रे वा आम्हा बायकांच्याच त्रासदायक सवयी नसतात काही. नवर्‍याच्या देखील काही सवयी त्रासदायक असतात. त्यापैकी टॉप १० (मुख्य १०). (१) टूथपेस्ट मधूनच दाबून ठेवणे. ज्यायोगे पुनर्वापरास ती निरुपयोगी होऊन बसते. (२) टॉयलेट सीट वरचे वरच ठेवणे. या भयंकर अ‍ॅनॉयींग सवयीबद्दल जितकं बोलाल तितकं कमीच आहे. पण आवरतं घेते. :P (३) घुमेपणा - अभिव्यक्तीची किमान गरज असणे. (४) ऊठ्सूठ युद्ध चित्रपट पाहणे आणि घरातल्यांचे डोके त्यातील कर्णकर्कश्श आवाजाने उठविणे. (५) "मेल बाँडींग" या गोंडस नावाखाली देवाला सोडलेल्या वळूगत उनाडगिरी करणे. (६) मॉलमध्ये पाय टाकल्याच्या ५ मिनीटाच्या आत हवी असलेली वस्तू घेऊन बाहेर पडणे आणि एवढा तीर मारून काय करणे तर घरी येऊन ढाराढूर झोपणे. (७) एखादा सामान्य पदार्थ बकवास बनवून, दुप्पट सांडलवण करून, आरडाओरड करून घर डोक्यावर घेऊन, शेवटी बायकोकरता तिप्पट काम वाढवून ठेवणे. (८) रस्ता चुकल्यास पृथ्वी प्रदक्षिणा घालून पेट्रोल वाया घालविणे पण पत्ता न विचारणे. (९) क्रिकेट्/फूट्बॉल आदिची मॅच असल्यास जगबुडी का होइना पण आंघोळ/दाढी वगैरे न करता टी व्ही ला चिकटून बसणे आणि फर्मान (ऑर्डरी) सोडणे. (१०) आपल्या आईच्या हातचं खाणं साक्षात अन्नपूर्णा आली तरी बनवू शकणार नाही असा अंधविश्वास बाळगणे. या यादीमध्ये सर्व सदस्यांनी आपल्या परीने भर घालावी ही विनंती.
लेखनविषय:
वाचने 16641
प्रतिक्रिया 95

प्रतिक्रिया

योगप्रभू शनिवार, 25/12/2010 18:56
एक नवरा मानसोपचारतज्ज्ञाकडे गेला. डॉक्टरांनी विचारले, 'हं! काय त्रास आहे तुम्हाला?' नवरा म्हणाला, ' मला काही त्रास नाही, पण माझ्या बायकोला बहुधा वेड लागायला सुरवात झालीय. तिच्या घाणेरड्या सवयींमुळे माझे डोके फिरायची वेळ आलीय.' त्यावर विचारात पडून डॉक्टर म्हणाले, 'अस्सं. बरं पण तिच्या नक्की कोणत्या सवयी तुम्हाला त्रासदायक वाटतात?' त्यावर नवरोबा म्हणाले, ' आता कालचेच उदाहरण घ्या. मी नेहमीच्या शिरस्त्याप्रमाणे सिंकमध्ये शू करायला गेलो, तर तिथे दोन दिवसांची खरकटी भांडी तशीच पडून आहेत. सिंक स्वच्छ नको का ठेवायला तिने? मला नाही खपत ही अस्वच्छता.'

शिल्पा ब शनिवार, 25/12/2010 20:51
अरे काय हे!! चुचे तुलासुद्धा स्वताच्या नवर्‍याला स्वताच्याच ताब्यात ठेवता येउ नये म्हणजे कमाल झाली आता.. ;)

रेवती शनिवार, 25/12/2010 21:04
एकदा कान्दे आणायला पाठ्विले असता मोठा कुकर घेउन आला माझ्या मामेबहिणीचा नवरा कढीपत्ता भरपूर आणायला सांगितला असता तमालपत्राचे दोन मोठे पुडे घेऊन आला होता. त्याच्यामते कोणतीतरी पानं असण्याशी मतलब! माझ्या बाबांनी नवीन प्रकारची भाजी करताना त्यावर तवंग आला नाही म्हणून कच्च्या तेलात लाल फूडकलर घालून भाजीवर पसरवला होता. माझ्या नवर्‍याला एकदा मिक्सरमधून टोमॅटो काढून भाजीत घाल म्हटले तर पुन्हा पुन्हा कुठे, कुठे विचारत होता. मग मी त्याला रागानं सांगितले कि टाक ट्रॅशमध्ये तर त्याने खरच टाकला आणि म्हणाला कि अश्या क्लियर इंस्ट्रक्शन्स देत जा म्हणजे समजतं.

शिल्पा ब शनिवार, 25/12/2010 22:00
माझ्याबरोबर खरेदीला यायला नवर्याला फार्फारच त्रास होतो...झालं का ? झालं का? सुरु होतं... आता समजा आपला नंबर आला अन त्या बाईने स्कॅन्निंग सुरु केले अन तेवढ्यात आपल्याला अजून काहीतरी घ्यायचे आठवले तर मी तिला बिनदिक्कत थोडं थांबायला सांगून पटकन ती वस्तू घेऊन येते...खासकरून ग्रोसरीच्या दुकानात...मग याची लगेच कटकट सुरु...त्या बाईला काही त्रास नसतो पण याचीच तडतड... कपडे घ्यायचे तर दिवस दिवस पुरत नाहीत कारण खूप प्रकार, रंग, fashion , matching कानातले वगैरे घ्यावे लागते याला आम्ही तरी काय करणार? बरं गबाळं राहिलेलं चालत नाही...म्हणजे आधी नाही आवडायचं आणि आता आम्हाला नाही पटत , नाईलाज आहे...

योगेश सुदाम शिन्दे शनिवार, 25/12/2010 22:25
सुन्दर लेख उत्तम सवयि आहेत

३_१४ विक्षिप्त अदिती शनिवार, 25/12/2010 22:44
बग्ज आणि फीचर्समधे फारसा फरक नसतो असं आमचं दोघांचं मत आहे. पण प्रॉब्लेम असा होतोय की मला जे फीचर वाटतं त्याची संभावना नवरा बग अशी करतो. भाड्याने घेतलेल्या घराचं छप्पर खाली आहे, मला ते घर कोझी वाटतं, नवरा त्याचीच तक्रार करतो. टॉयलेट सीट वरच ठेवली तर काय फरक पडतो? आपण खाली करून ठेवलेली तो उचलतो हे काय कमी आहे? क्रमांक दहाची सवय, आईच अन्नपूर्णा आहे, यावर मी एकच उत्तर दिलं होतं, "तुझ्या घरी तर तुझी आईच अन्नपूर्णा आहे, माझे आई आणि बाबासुद्धा उत्तम स्वयंपाकी होते. पण म्हणून तुला आणि मला त्याचा काय फायदा!" असं (बाणेदार) उत्तर मी दिलं होतं. किंवा "मग आईलाच सांग ना बनवायला, मी पण खाते!" किंवा "तू शिक ना मग आईकडून!" अशी उत्तरंही चालू शकतील. एकूण काय लॅटरल थिंकींग करा आणि स्वतःच्या आणि नवर्‍याच्याही डोक्याला त्रास देऊ नका. नवर्‍याची सगळ्यात वाईट सवय कोणती तर वापरलेले कपडे धुवायला टाकायचे नाहीत, वर "माझे कपडेच संपले धुतलेले" अशी तक्रार करायची. एक-दोनदा मी मुद्दामच वापरलेल्या कपाटात पसरलेल्या कपड्यांकडे दुर्लक्ष केलं, पुन्हा तक्रार आली नाही. बाकी इतर बाबतीत माझा नवरा एकदम गुणाचा आहे, त्याच्याच माझ्याबद्दल काही तक्रारी असतील!!

३_१४ विक्षिप्त अदिती रविवार, 26/12/2010 07:14
बाकीचे मला रोजच्या रोज, बनवून खायला घालत नाहीत, तेव्हा बाकीच्यांच्या तक्रारी कुठे सारायच्या हे मला माहित आहे. ;-)

Nile रविवार, 26/12/2010 07:34
पण तुम्ही केलेले 'खाद्यपदार्थ' (?) खायची दुर्दैवी आणि भयंकर वेळ आलेल्याबद्दल थोडीतरी सहानुभुती असावी (बाई)माणसाकडे!!

चिंतामणी रविवार, 26/12/2010 07:59
:-O (बाकीचे मला रोजच्या रोज, बनवून खायला घालत नाहीत, तेव्हा बाकीच्यांच्या तक्रारी कुठे सारायच्या हे मला माहित आहे. ) बिच्चारा :(

मुलूखावेगळी रविवार, 26/12/2010 00:03
>>>>>एकदा कान्दे आणायला पाठ्विले असता मोठा कुकर घेउन आला सही माझे बाबा दर रविवारी महाग आणि खराब भाज्या आण्तात तर आई म्हणते की , सगळे भाजीवाले तुमची वाटच बघत असतील. त्यावर बाबा दरवेळेस म्हणत्तात जाउ दे ही शेवट ची वेळ ह्या वेळेस अ‍ॅड्जस्ट कर.

मुलूखावेगळी रविवार, 26/12/2010 00:03
>>>>>एकदा कान्दे आणायला पाठ्विले असता मोठा कुकर घेउन आला सही माझे बाबा दर रविवारी महाग आणि खराब भाज्या आण्तात तर आई म्हणते की , सगळे भाजीवाले तुमची वाटच बघत असतील. त्यावर बाबा दरवेळेस म्हणत्तात जाउ दे ही शेवट ची वेळ ह्या वेळेस अ‍ॅड्जस्ट कर.

पर्नल नेने मराठे रविवार, 26/12/2010 13:28
अजुन एक सवय.. बाकिचे नवरे नेहमी बायकोला फोन करताना मी पहाते खास करुन जेवलिस का वैगरेसाठी तर हमखास. आम्च ध्यान चुकुनही फोन करत नाही, केलाच तर समजाव कि ह्याच माझ्याकडे काहितरी काम आहे किवा ह्याने १००% घोळ घातलाय व तो मला आता सोडवायचाय. किवा बायको कुठे एकटिच गेली असेल तर पोहोचली कि नाही ह्या काळजिने सुढ्हा नवरे फोन करुन विचरतात्...मी ह्याला म्हणाले कि तुला काहि काळजिच वाटत नाही तर वर हा म्हणाला कि मला १००% खात्री आहे तु जाशिल तिकडे निट जाशिलच.. घ्या आता :|

चिंतामणी रविवार, 26/12/2010 14:15
नव-याला खात्री आहे ही गोष्ट वाईट आहे???????? नव-याला खात्री असली तरी त्याने फोन करायला पाहीजे कारण बायकोला "त्यामुळे" बरे वाटते. म्हणजे... च्यायला "त्या" ध्याग्यावर लिहायला एक कारण मिळाले. ;) धन्यु.

पियुशा रविवार, 26/12/2010 14:58
माझे बाबा पन असेच एक प्रश्न १० वेळा विचर्नार ,तुझि मुल तुझा लाडामुळ बीघडलित हे तर नेहमिच वाक्य! आइ म्हनते ते बिघ्डु पर्यन्त तुम्हि हिमालयावर गेले होते का? रोजचिच गम्मत!

स्मृती रविवार, 26/12/2010 21:54
अरेरे... शुचितै... तुमच्या आणि माझ्या नवर् याच्या दु:खाची कल्पना आली मला.... अरे संदीप, कसा रे सहन करतोस.. खरा सहनशील बाबा तू! :( मुद्दा क्रमांक चार वर युद्ध चित्रपटांऐवजी कौटुंबिक मेलो मेलो मेलोड्रामा चित्रपट आणि मुद्दा क्रमांक नऊ वर खेळा ऐवजी पुस्तक... एवढाच काय तो फरक! अर्थात मेल च्या जागी फिमेल वाचावे हे सांगणे न लगे :)

सूड रविवार, 26/12/2010 23:14
>>आपल्या आईच्या हातचं खाणं साक्षात अन्नपूर्णा आली तरी बनवू शकणार नाही असा अंधविश्वास बाळगणे. आता असते एखाद्याची आई सुगरण, सुनेने हे मान्य करण्याचा मनाचा मोठेपणा दाखवला तर काय बिघडलं !! :D

चिंतामणी सोमवार, 27/12/2010 01:59
आता असते एखाद्याची आई सुगरण, सुनेने हे मान्य करण्याचा मनाचा मोठेपणा दाखवला तर काय बिघडलं !! परन्तु हे positively त्या पात्रतेपर्यन्त पोहोचलेले उदाहरण आहे. तीने मान्य केल आणि तीने करून दाखवले. नव्हे ती गेले (२६ पैकी) २३-२४ वर्षे करून दाखवत आहे.

ramjya रविवार, 26/12/2010 23:29
एक गाणे ऐकले होते रेडिओ वर " जब से हुई हे शादी,आसु बहा रहा हु, आफत गले पडी है,उस्को निभा रहा हु" हौस्टेल लाईफ बरी आहे...महिनाभर रूम झाड्लेली नसणे, आन्घोळील सुट्टी,वास मारणारे मोजे....लग्नानन्तर खरी गम्मत असेल्....तरी मिपाकारा कडुन बरीच माहिती मिळत आहे...धन्यवाद

प्रकाश१११ गुरुवार, 03/02/2011 19:11
शुची - काय देऊ प्रतिक्रिया. मनापासून लिहिले. आवडले असे कसे म्हणू ..? सरळ बाण मारलात. आता खरेच स्वताचे परीक्षण करण्याची वेळ आली आहे . मी पण घरी मला हवे तसे काम करतो .माझ्या पद्धतीने. चूक आहे कबूल पण काम करीत नाही असे होत नाही . बायकाच नवरोबाला लाडावून ठेवतात मग उलटे टांगता. आहेतना अशा बायका ..? असो छान लिहिलेत. खूप शुभेच्छा.