पोटपुजेची ठिकाणे

कृष्णा वडापाव- सारंग, सहकारनगर यांचा वडापाव खरच चांगला होता. अजून हे दुकान चालू आहे काय?

बेडेकर मिसळ , लक्ष्मी रोड, पुणे!

अच्छा इकडं कुठलंही ठिकाण चालेल का? त्या धाग्यावर बृहन्मुंबै पर्यंतच मर्यादित होतं! बरं मग आपली फेव्हरीट्स १. मालवण मेढ्यातल्या साळगांवकरांच्या जय गणेश मंदिराच्या मागल्या बाजूस जय गणेश खानावळ आहे. तिथे साबुदाण्याची खिचडी उत्तम मिळते. अशीच उत्तम साबुदाण्याची खिचडी आणखी एका ठिकाणी खायला मिळाली होती ती गणपतीपुळ्याला देवळाबाहेर असणार्‍या बारक्या दुकानांतून. २. पालीला पार्किंग जवळ वैद्यांची खानावळ आहे. तिथे सर्व प्रकारची न्याहारी उत्तम मिळते. ३. पोलादपूरला एसटी स्टॅण्डसमोर 'भगवती' खानावळ आहे. उत्तम जेवण! ४. त्याच खानावळीच्या समोरच्या बाजूला, महाबळेश्वर फाटा सोडून थोडं पुढे गेल्यावर डाव्याबाजूला लाईनीत दुकानं आहेत. त्या रांगेत एक म्हातारी आजीबाई चहाचा स्टॉल लावत असे! अमृतच ते! ५. सिंधुदुर्ग जिल्ह्यात कुठल्याही बाजारातल्या कुठल्याही हाटेलात जाऊन चहा नि 'बाम' खा! जब्बरदस्त नाश्ता! एकेक बाम चहात बुडवून टपाटप खायला मजा येते! ६. बाकी एलपी/नाविक/विनोदा/कर्केराज/दहिसर चेकनाक्यावरचा कुठलाही अशा एखाद्या बार मध्ये जाऊन पेयपान झाल्यावर एक दालखिचडी मागवा! काम फिट्ट! असली अप्रतिम चव असते.. अहाहा! ७. रात्री १२ ते ४ वगैरे सायकली घेऊन फिरणार्‍या कॉफीवाल्यांकडे इडली चटणी मिळते! क्लासिक!!

आमच्या औरंगाबादमध्ये: १. उत्तम, गुलमंडी इथे मिळणार्‍या ईमरती (चक्कर येईल एवढ्या गोड असतात), मिरची भजे इ.इ.इ. २. मथुरावासी, गोमटेश मार्केट इथे मिळणारे कांदा/लसुणरहित देसी घी सहित पदार्थ - भल्ला, चाट, गाजराचा हलवा इ.इ.इ. ३. शहराबाहेर - हिरण्य रिसॉर्ट , दौलताबाद घाट, मोमबत्ता तलावाखाली - हुरडा, वेगवेगळ्या प्रकारच्या चटण्या, मांडे, पुरणाच्या पोळ्या आणि रात्री बाराच्या नंतर तारा पान सेंटर, उस्मानपुरा

एस्.पी.डि.पी मल्टीस्पाईस, निअर म्हात्रे ब्रीज, पुणे. म्हात्रे ब्रीज ते सिंहगड रोड यांना जोडणार्या नदिकाठच्या रोडवर .. (ऑपोझिट टु हार्वेश्ट क्लब)

नुसत्या नोंदी करण्यापेक्षा शक्य झाले तर पदार्थांचे वर्णन करा. वाचणार्‍यांची लाळ टपकली पाहिजे आणि जीवाचा चडफडाट झाला पाहिजे (ह. घ्या.) अहमदनगरमध्ये पूर्वी खूप वडापाव होते. आता संख्या कमी झाली आहे. तरी दोन वडापाव अजून प्रसिद्धी टिकवून आहेत. सगळ्यात भारी म्हणजे एकमुखी दत्ताच्या देवळाबाहेरचा वडापाव. संध्याकाळी आठनंतर गेलात तर फक्त भजी खावी लागतात. एक वडापाव खाऊन भागत नाही. किमान तीन वडापाव हाणल्याशिवाय जीभ आणि पोट गप्प बसत नाही. दुसरा वडापाव म्हणजे 'बेक्कार वडापाव'. याच्या नावावर जाऊ नका. आपण एखाद्या गोष्टीला 'भयानक सुंदर' म्हणतो तसेच नगरकर याला 'बेक्कार' म्हणतात. वड्यासोबत कापलेला कांदा आणि गोडसर चटणी मिळते. तेवढाच हुळहुळत्या जिभेला दिलासा. घासगल्लीच्या कोपर्‍यावर पण एक गाडी आहे, पण तिथला वडापाव 'बरा' कॅटॅगरीतला आहे. पुढील प्रश्नांची सविस्तर उत्तरे द्या ( प्रत्येकी ४ मार्कांचा प्रश्न) १) तवा सुरमई डिशची वैशिष्ट्ये सांगा. २) मुर्ग मसल्लम डिशचे वर्णन करा. ३) 'बाम' म्हणजे काय?

द्येवा, चहाबद्दल लिहिताना फुगेवाडी नाक्यापासचा 'अशोक' विसरलात का? :) अर्धा अर्धातास तिथं चहा पित बसणारं पब्लिक अजुनही आहे. कित्येक ओळखी तर 'अशोक'ला चहाच्या टेबलावर नेहमी पाहून पाहोन झाल्या आहेत इतकं फेमस है ते. :) शनिवारपेठेत 'रामदास'ची मिसळपण भारी (होती.) चाकण (की त्याच्या थोडं पुढे गेल्यावर) समाधान म्हणून एक हाटिल आहे. तिथलं मटण...अग्ग्ग्ग्ग्गं! नादच करायचा नाही! डेक्कनला सोहममध्ये भरल्या वांग्याची भाजी, वांग्याचं भरीतही छान मिळतं आणि सोलकढीदेखील. तिथं गेल्यावर (तिथंच काय, कुठेही गेल्यावर) मी निम्मं जेवण तर सोलकढीवर संपवतो. :) (अधिक माहितीसाठी भेटा अथवा लिहा- मिपा सदस्य : मनिष. ;) ) औंधच्या ब्रेमेन चौकातून खडकीकडे जायला उजवीकडे वळलं, की स्पायसर कॉलेजच्या आधी एक कळकट खानावळ दिसते. 'महाराष्ट्र हॉटेल' म्हणून. तिथे खिमा आणि पाव खाऊन पहावा. :) येक लंबर! डेक्कनला जिमखाना ग्राऊंडपाशी चितळेंच्या कोपर्‍यावर साबुदाणा खिचडी एकदम ब्येष्टेष्ट मिळते राव. आणखी काही आठवतील तशी सांगेनच.