Skip to main content

(पुन्हा दिवाळी)

लेखक मेघवेडा यांनी शुक्रवार, 05/11/2010 18:14 या दिवशी प्रकाशित केले.

डिस्क्लेमर : प्राजुतैच्या दिवाळीच्या सुंदर कवितेची अशी चिरफाड केल्याबद्दल तिची जाहीर माफी मागतो. प्रस्तुत कवितेत नवर्‍याचे कपडे धुवून धुवून वैतागलेली बायको आपली व्यथा मांडते आहे. समस्त स्त्रीमुक्तीवाद्यांनी कृपया ह. घ्यावे! ;)

रस्त्यावरती लोळत येता का हो तुम्ही संध्याकाळी
सदरे, लेंगे आणिक पंचे, काय काय मी धुवू सकाळी?

चमचमणारे ओले दुपटे, दिवसामधुनि शतदा वाळी
प्लास्टीक घाला गादीवरती, निजण्यापूर्वी अपुली बाळी

सजून जाते अंगण अवघे कपड्यांनी या तिन्ही त्रिकाळी
दाटीतून त्या मार्ग काढता, नाडी यांची लागे भाळी

कष्टांची मम किंमत ऐसि, एकच माझी साडी चोळी
नाही घेतली नवीन कधिही, गेला दसरा गेली दिवाळी

सप्तजन्मी संसार चालू दे, पण ईशा! कर अदलाबदली
मी नवरा अन ह्यांना माझी करी बायको पुढल्या वेळी

- तराजु

काव्यरस
भयानक
हास्य
करुण
अद्भुतरस
लेखनविषय:
वाचने 5607
प्रतिक्रिया 23

प्रतिक्रिया

अनामिका शुक्रवार, 05/11/2010 19:18

सप्तजन्मी संसार चालू दे, पण ईशा! कर अदलाबदली
मी नवरा अन ह्यांना माझी करी बायको पुढल्या वेळी


मेघ वा वा !
शेवट एकदम ब्येश्ट म्हणते मी!

पैसा शुक्रवार, 05/11/2010 19:25

दाटीतून त्या मार्ग काढता, नाडी यांची लागे भाळी

जीव गेला..

मी नवरा अन ह्यांना माझी करी बायको पुढल्या वेळी

अरे ती बिचारी पुढच्या जन्मात 'आयटी नवरा' झाली आणि 'या नवर्‍याला' आयटी बायको मिळाली तर...

पुष्करिणी शुक्रवार, 05/11/2010 21:21

असच होणार आहे, म्हणून देवाकडे वर ( किंवा वधू ) मागताना नीट विचार करावा!

मेवे विडंबन छान हो !

असुर शुक्रवार, 05/11/2010 19:53

मेव्याच्या 'प्रस्तुत' विडंबनाला मानाचे पहिले पाचही प्रतिसाद 'पाशवी' असल्याचे पाहून ड्वॉले पाणावले! :-)

मेव्या, खल्लास रे! म्हणजे, विडंबन खल्लास रे!

--असुर

३_१४ विक्षिप्त अदिती सोमवार, 08/11/2010 10:38

अल्लाऽऽऽऽऽऽऽ जीव गेला! आणि ज्योची प्रतिक्रियाही खल्लास आहे.

अवांतरः आता काय नवीन आयडी घेणार का काय, 'तराजु' नावाचा? ;-)