मिसळपाव
हे खेळ संचिताचे .....!
काजळील्या सांजवाती, चंद्रही काळोखला
का असा रे तू समुद्रा निर्विकारे झोपला
सर्वसाक्षी तू म्हणाला "सर्वमय आहेस तू"
हस्त माझा रेखतांना का असा भांबावला
हंबरूनी वासराने हंबरावे ते किती
आज गायीने पुन्हा तो मस्त पान्हा चोरला
तृप्त झाल्या क्रुद्ध वाटा, पावले रक्ताळूनी
का कशाला धोंड कोणी जागजागी मांडला
पाठराखा का मिळेना, का मिळेना सोबती
एकलाची झुंजतांना, श्वासही सुस्तावला
घेतले ओठात होते, सप्तकाचे सूर मी
साद ती बेसूर गेली, नाद ही मंदावला
संचिताचे खेळ न्यारे, पायवाटा रोखती
चालता मी अभय रस्ता, काळही भारावला
गंगाधर मुटे
......................................................
(वृत्त- देवप्रिया)
......................................................
काव्यरस
वाचने
2336
प्रतिक्रिया
10
प्रतिक्रिया
घेतले ओठात होते, सप्तकाचे सूर
घेतले ओठात होते, सप्तकाचे सूर मी
साद ती बेसूर गेली, नाद ही मंदावला
सुरेख!!
हंबरूनी वासराने हंबरावे ते
हंबरूनी वासराने हंबरावे ते किती
आज गायीने पुन्हा तो मुक्त पान्हा चोरला
मुक्त शब्द बरा बसेल का इथे?
धन्यवाद.
In reply to हंबरूनी वासराने हंबरावे ते by शुचि
बदल करतोय.
मस्त.. प्रत्येक शेर आवडला
मस्त.. प्रत्येक शेर आवडला
छान कविता..
छान कविता..
मस्त..............
मस्त..............
मुखपृष्ठावर कविते पुढे कविचे
मुखपृष्ठावर कविते पुढे कविचे नाव नसल्याने आजकाल कविता वाचनातच येत नाहित.
कविता खूप आवडली!
सुस्तावलेला श्वास विशेष आवडला
गझल वेगळ्याच ढंगाची आहे.
(सुस्त)बेसनलाडू
हंबरूनी वासराने हंबरावे ते
हंबरूनी वासराने हंबरावे ते किती
आज गायीने पुन्हा तो मस्त पान्हा चोरला
सुंदर...
पाठराखा का मिळेना, का मिळेना सोबती
एकलाची झुंजतांना, श्वासही सुस्तावला
वा...
संचिताचे खेळ न्यारे, पायवाटा
सुंदर.!
देवप्रिया वृत्ताबद्दल काही माहितीपर लिहावे ही विनंती..
तात्या.