रानभाजी ११) कोरांटी

लागणारे साहित्य : कोरांटीची भाजी स्वच्छ धुवुन चिरुन २ कांदे ४-५ लसूण पाकळ्या २-३ मिरच्या हिंग हळद पाव चमचा साखर चविपुरते मिठ पाव वाटी ओल खोबर किसुन पाककृती: प्रथम कढईत तेलात लसणाची फोडणी द्यावी मग त्यातवर मिरची, हिंग, हळद घालून थोडे परतून चिरलेली कोरांटीची भाजी घाला. वर झाकण ठेउन थोड्या वेळाने परता. आता त्यात मिठ व साखर घालून थोडावेळ वाफेवर ठेवा. मग त्यात ओल खोबर घालून थोड परतुन गॅस बंद करा. अधिक टिपा: * कोणतीही रानभाजी ओळख पटल्याशिवाय घेउ नका. ही कोरांटी ओसाड जमिनीत येते. ही मोठी झाल्यावर ह्याला काटे येउन निळी फुले येतात. बर्‍याच जणांनी पाहीली असेल. मोठी होउन फुले आली की परत मी फोटो टाकेन. ही भाजी अजुन विकायला आलेली पाहीली नाही. पण ही भाजी माझ्या माहेरी परंपरेप्रमाणे खातात. ही भाजी कंबरदुखीसाठी गुणकारी असते असे म्हणतात म्हणून माझी आई न चुकता ही भाजी दरवर्षी करते. आता मी पण करते. ही भाजी पावसाळयाच्या सुरवातीलाच येते. म्हणजे जी जुनी झाड असतात त्याला बोके येतात आणि काही बिया रुजुन झुडपे आलेली असतात. पण ही कोवळी असतानाच काढायला लागते कारण नंतर त्याला काटे येतात.