आपण अन्न खातो तसेच बनतो का?

धागा कसाही असू दे, पण प्रतिसाद भरकटू नयेत अशी विनंती. तसेच मराठीचा जास्तीत् जास्त वापर व्हावा ही अपेक्षा. मधेच दुसरी भाषा वाचायला खटकते. हर शख्सको अपना बनाके देख लिया मिलेंगे ना किसीसे ये दिलमें ठानी है|

"....रोज शिळे अन्न वगैरे खाल्ले कि निकृष्ट विचार येतात.... आपल्या लेखातील हा एक मुद्दा बराचसा पटण्यासारखा आहे. मन ताजे राखण्यासाठी आईने केलेली एक गरम गरम भाकरी, भरपूर कांदा घातलेला झुणका, साथीला घट्ट दह्याची वाटी... इतके जरी असले तरी माझा दिवस अत्यंत उत्साहात जातो. (मी दुपारच्या भोजनात भात घेत नाही... )... आता हे आईने ताजे ताजे करून दिले म्हणून मला उत्साह आला कि त्या पदार्थांचाच स्थायी भाव आहे याबद्दल दुमत होऊ शकेल, पण हेही तितकेच खरे कि इतकेच जर खायचे असेल तर ते 'ताजे' का असू नये असेही वाटते. तुम्ही म्हणता तसा पिझ्झा प्रकार इकडे कोल्हापुरातही बराचसा बोकाळला आहे, आणि ती खाणारी मंडळी देखील. "....दुसर्या दिवशी मला खूपच depressing वाटायला लागले..." याला कारण आदले दिवशीचा पिझ्झाच असेल तर तुमचा मुद्दा नक्कीच विचार करण्याजोगा आहे. पण डिप्रेशन हे अन्य पदार्थ खाल्लामुळेदेखील येते. मी तर एकदा वास्तुशांती कार्यक्रमाला गेलो असता तिथे तर जिलेबी मसालेभाताचे चमचमीत जेवण होते. पण तिथून आल्यानंतर का कोण जाणे उरलेला दिवस मला अतिशय डीप्रेसिव्ह गेला, त्याला कारण म्हणजे आमचाही प्लॉट त्या एरीयातच आहे.... आणि ज्याने आता बंगला बांधला त्याचा शेजार आम्हाला नको आहे. जागा चांगली, पण आता आमच्या नजरेत त्याची किंमत शून्य. कदाचित यामुळेदेखील इतके चांगले अन्न खाऊनदेखिल उदासिनता आली असेल. थोडक्यात विविध कारण मीमांसा असू शकतात. (अती आहार हे देखील एक कारण आहे....) ------------------------------------------------------- "चन्द्रकिरणानो, तुम्हा वाजते का कधी थंडी स्वतःची ? मध्यरात्री?"

शिल्पा, अगं मला एक वचन आठवले : पिंडे पिंडे मतिर्भिनः | म्हणजे प्रत्येकाची मती त्याचा जसा पिंड असतो त्याप्रमाणे बनत जाते. त्यात अन्नाचा भाग महत्त्वाचा व मोठा असावा असे मला तरी वाटते. पण त्याचबरोबर तुमची संगत, सवयी, आचार-विचार, वातावरण यांचाही बराच मोठा वाटा आहे. चांगल्या माणसांच्या संगतीत आपल्यालाही छान वाटते. निसर्गाच्या सान्निध्यात प्रसन्न वाटते. खूप झोपा काढल्या किंवा अति जागरणे झाली की मलूल झाल्यासारखे वाटते. तसेच हलका, पाचक व सत्त्वयुक्त आहार घेतला की दिवसभर एक प्रकारचा ताजेपणा राहातो. ज्या अन्नात प्राण ऊर्जा अधिक ते अन्न उचित प्रमाणात ग्रहण केले असताना चांगलेच वाटते. आयुर्वेदात अन्न कोठे, कसे, कोणी बनवलेले, कशा प्रकारचे, कोणत्या भांड्यात बनवलेले खावे इ.इ. गोष्टींवर भरपूर विचार केलेला दिसतो. आता आधुनिक पाश्चात्य जगतातही त्या प्रकारचे विचार रुजू लागले आहेत. ह्यावर अजून संशोधन होण्याची, खास करून मॉडर्न सायन्सेसच्या निकषांवर, गरज मात्र आहे असे वाटते. ई- सकाळ मध्ये बालाजी तांबे यांनी ह्या विषयावर भरपूर लिहिले आहे. ''अन्नयोग'' सदराखाली त्यांचे बरेच लेख आहेत. अवश्य वाच. अजून एक विचार : अन्न कोणी बनवले आहे ह्याबरोबरच ते कोणत्या विचारांनी, भावनांनी बनवले आहे त्याचाही सूक्ष्म पातळीवर शरीरावर परिणाम हा होतच असतो. उदा : सणावाराला, पूजेला देवासाठी जो नैवेद्य बनवला जातो त्याची चव इतर अन्नापेक्षा फार वेगळी व उत्तम असते, असे का? तर ते जेवण/ प्रसाद देवासाठी बनवत आहोत ही भावना त्या फरकास कारण ठरते, असे मला माझी आई सांगते. आईने मुलांसाठी बनवलेले अन्न म्हणूनच रुचकर होते. आणि तेच जेवण तुम्ही चिडचिड, आदळआपट, वैताग करत बनवलेत तर ते खाणार्‍याला समाधान लाभत नाही. म्हणूनच आई, मावशी वगैरे स्वयंपाक करताना अन्नपूर्णेचा श्लोक म्हणत करतात : खास करून सणासुदीचा स्वयंपाक : जेणेकरून मन त्या मंत्रोच्चारात मग्न राहते व इकड-तिकडचे विचार मनात येत नाहीत. अरुंधती http://iravatik.blogspot.com/

माझे स्पश्ट मत आह "होय " पण थोडे समजुन घ्यावे लागेल. आपण अन्न खातो ते कोठुन येते त्यावर सर्व अवलंबुन असते,कोठुन म्हनजे कुठ्ल्या प्रकारच्या कमाइतुन.मेहनतीच्या , कामाच्या मोबदल्याच्या (हलाल) पैश्यांचा अन्न घेतल्यास माणसाला सात्विक विचार येतात.आनि कुनाला फसवुन हक्क हिसकावुन चोरिच्या पैश्यांचे ( हराम ) अन्न असल्यास त्याने बननारा व्यक्ति चांगले क्रुत्य कसे करु शकतो. आता यात शाकाहार मांसाहार पिझ्झा फळ याने काही फरक पडत नाही. ता.क.= अती तेथे माती . कुठलिही गोश्ट प्रमाणात जेवल्यास उत्तम.

आमच्याकडे आई जेवण झाल्यावर ताटाला नमस्कार करुन " अन्नदाता पाककर्ता तथा भोक्ता सुखी भव। " असे म्हणायला लावते, म्हणजे वर उल्लेख केलेल्या प्रत्येकाचा अन्नाच्या दर्जावर परिणाम होत असणार हे नक्की! मग फक्त अन्नाचा कस किंवा शाकाहार की मांसाहार यावरुन आपल्या घडणीवर त्याचा कसा प्रभाव पडतो हे सांगणे कठिण आहे...यासगळ्यांचा combined effect लक्षात घेणे इष्ट!! मी ॠचा र॑गुनी र॑गात सार्‍या र॑ग माझा वेगळा !!

त्यामुळे सध्या तुरुंगात राहण्याची फॅशन आली आहे. वेताळ

• हे हिंदी पिल्लू इथे कशाला आलय ? लिहायचं तर मराठी लिहा नाहीतर फुटा.
• बरं म्हंटल असं तर काय बिघडतंय?
• मूळ विषयाला सोडून कोणी इतरच काही बोलायला लागले कि एक मराठी म्हण आहे.."कोणाला कश्याच आणि बोडकीला केसाचं".
• आम्ही कोणाला काय प्रतुत्तर द्यायचे ते प्रतिसादावर अवलंबून आहे...
• ..आपण काय लिहितोय याचे तरी भान ठेवायचे?
• पण हे डोक्यात केमिकल लोच्या असणार्यांना काही कळणार नाही...

आपण अन्न खातो तसेच बनतो का?? तुम्ही काय खाताय दोन दिवसापासुन?