शेवट | मिसळपाव

हात मी तुझा हाती घ्यावा..जाता जाता
जन्म नवा तेव्हाच मिळावा..जाता जाता

सोबत घेतो तुझी नि माझी पत्रे काही
जरा तुझा सहवास घडावा..जाता जाता

एकवारही मागे तुज बघता ना यावे?
इतका का दुस्वास करावा..जाता जाता?

चुकून होते स्वप्नांमध्ये भेट आपली
मागमूस याचा न उरावा..जाता जाता

दु:ख वाढले नशिबाने, भरपेट जेवलो
मुखशुद्धीला हर्ष मिळावा..जाता जाता

मूक जीवनाशी ना माझे पटले क्षणभर
बोलघेवडा शेवट व्हावा..जाता जाता

काव्यरस

लेखनविषय:	कविता गझल

वाचने 3961

प्रतिक्रिया 17

प्रतिक्रिया

अरेच्चा!!

पिवळा डांबिस गुरुवार, 03/12/2009 11:54

हा प्रेमाचा ४था पोपट दिसतोय!!!
:)

असो. कविता

घाटावरचे भट गुरुवार, 03/12/2009 11:56

=))

असो. कविता आवडली.

- (पक्षीनिरीक्षक) भटोबा

हा हा

सहज गुरुवार, 03/12/2009 12:01

>हा प्रेमाचा ४था पोपट दिसतोय!!!

हा पहा चौथा राघू तोता तोता
वाहत्या गंगेत भिजला जाता जाता

आगागागा

टारझन गुरुवार, 03/12/2009 12:02

=)) =))

कविता मात्र सुरेख .. मात्रा वेलांटी वगैरे .. तशीही इकडे खोट काढायला जागाच नसते म्हणा :)

- (मात्रा बद्ध) पोपटलाडू
गुरू-लघु-लगु-गुरू-गुरू

आवडली

श्रावण मोडक गुरुवार, 03/12/2009 12:21

आवडली.

वा!

क्रान्ति गुरुवार, 03/12/2009 19:01

मनापासून आवडली गझल.

क्रान्ति
अग्निसखा

मस्त

प्रभो गुरुवार, 03/12/2009 20:30

मस्त

--प्रभो
-----------------------------------------------------------------------
काय सांगावे स्वतः विषयी,आहात तुम्ही सूज्ञ !! एका सारखे एकच आम्ही,बाकी सगळे शून्य !!