मनकर्णिका १ - पुन्हा एकदा स्मृतीगंध!

काही दिवसांपूर्वी इथे 'स्मृतीगंध' हे ओघवतं प्रकटन वाचायला मिळाल्याचं बर्‍याच जणांना आठवत असेलच. मला स्वतःलाही स्मृतीगंधाचे वाचन करून खूप आनंद मिळाला, एका कृतार्थ आयुष्याची आणि एका चांगल्या लेखकाचीही ओळख झाली. गेल्या काही दिवसांत खूपदा बराच प्रवास झाला तेंव्हा या लिखाणातील काही भाग (आणि इतरही लेख, कविता वगैरे) वेळच्या वेळी वाचायला मिळाले नाही, तेंव्हा "हे सर्व चांगलं लिखाण 'श्राव्य' स्वरूपातही उपलब्ध असतं तर किती बरं झालं असतं" असं वाटून मी या लिखाणाच्या एम पी ३ फाईल्स करायला उद्युक्त झालो. पण विचार आणि कृती यांत बराच कालावधी जावा लागला! मराठीतील नवीन कर्णिका (मनकर्णिका) असं नाव या उपक्रमाला मी दिलंय. या ठिकाणी, मिसळपावावर (आणि आंतरजालावर इतरत्र) प्रकाशित झालेलं असं इतरही उत्तम साहित्य श्राव्य स्वरूपात जस-जसा वेळ मिळेल तसं उपलब्ध करून द्यायचा माझा विचार आहे. हेतू हा आहे, की या mp3 audio files वाचकांना download करून mobile स्वरूपात mp3 player वर कुठेही नेता येतील. तर मंडळी, सुरूवात करतोय मिसळपावावर प्रसिद्ध झालेल्या वामनसुत यांच्या "स्मृतीगंध" या मालिकेने. या ध्वनीमुद्रणासाठी आणि त्याच्या प्रसारणासाठी अर्थातच त्यांची परवानगी घेतलेली आहे, त्याबद्धल त्यांचे आणि स्वाती दिनेश यांचे मनःपूर्वक आभार! ही माझ्या या कथनाची सुरुवात [Streaming audio च्या पानावर गेलात की play ची कळ दाबा.] (हे शब्द आहेत बामनाचं पोर यांचे, 'स्मृतीगंधा'च्या अखेरच्या भागावरील प्रतिक्रियांमधून; मला वाटतं हे शब्द या लिखाणाचं अचूक वर्णन करतात!) आणि हे मनकर्णिकेचं श्राव्य प्रथमपुष्प मूळ लिखित: स्मृतीगंध-१ "व्हेळातले दिवस" हा दुसरा श्राव्य भाग मूळ लिखित: स्मृतीगंध-२ "व्रतबंध" हा तिसरा श्राव्य भाग मूळ लिखित: स्मृतीगंध-३ "वाकेडची शाळा" आणि हा चौथा श्राव्य भाग मूळ लिखित:स्मृतीगंध-४ "मुंबईमार्गे व्हेळ ते राजापूर" यांपुढील भागांसाठी (ते खरंच श्राव्य असतील तर) थोडी प्रतीक्षा कराल अशी आशा आहे - बहुगुणी कृपया नोंद घ्या: मी या audio files एका व्यावसायिक server वर सध्या ठेवलेल्या आहेत, जिथून त्या stream केल्या जातात. ही free service असल्याने तेथील जाहिरातींशी वा इतर content शी माझा संबंध नाही, त्यावर माझा काही आधिकारही नाही. त्यामुळे त्या link च्या वापराने कुणाचं काही नुकसान होणार नाही याची मी खात्री देऊ शकत नाही. Anti-malware software वगैरे आपल्या संगणकावर असतीलच, त्याचा कृपया वापर करा. हा उपक्रम वाचकांना आवडला तर यथाकाळ तात्या आणि नीलकांत इथेच audio files upload ची सोय करू शकतील, तेंव्हा बहुतेक आधिक सुरक्षित streaming शक्य होईल.