अमृताच्या धारा

क्रान्ति जे न देखे रवी...
झाली शांत तृप्त धरा अशा बरसल्या धारा सांगे गंधाचा निरोप तुझ्या अंगणीचा वारा गर्द सावळे आभाळ राशी रुप्याच्या सांडते सौदामिनी उजळते तुझा गगनगाभारा झेलताना तनूवर हिरेमोती आनंदाने लाख डोळ्यांनी फुलतो मनमोराचा पिसारा तुझ्या करुणेचा मेघ माझ्या दारी झरताना जागेपणी पापण्यांत स्वप्न येतसे आकारा माझ्या जन्माचे सार्थक तुझे ओसंडून देणे, माझी चातकाची तृषा तुझ्या अमृताच्या धारा
वर्गीकरण
Taxonomy upgrade extras
लेखनविषय:
27 टिप्पण्या 4,748 दृश्ये
शेअर करा: 📱 WhatsApp

Comments

अनामिक नवीन

आहाहा.. सुरेख! माझ्या जन्माचे सार्थक तुझे ओसंडून देणे, माझी चातकाची तृषा तुझ्या अमृताच्या धारा क्लास!! -अनामिक
चतुरंग नवीन

वा वा अतिशय हृद्य कल्पना तुमच्या कवितातून वरचेवर दिसतात! जियो!! (रसिक)चतुरंग
विशाल कुलकर्णी नवीन

सहमत, तृप्त जाहलो ! :-) सस्नेह विशाल ************************************************************* मज पिसे लागलेले सुखांचे गे हलकेच धुके ओसरते आहे...
मनीषा नवीन

कविता खूप आवडली .. सांगे गंधाचा निरोप तुझ्या अंगणीचा वारा ... माझ्या जन्माचे सार्थक तुझे ओसंडून देणे, माझी चातकाची तृषा तुझ्या अमृताच्या धारा सुरेखच ..
दत्ता काळे नवीन

माझ्या जन्माचे सार्थक तुझे ओसंडून देणे, माझी चातकाची तृषा तुझ्या अमृताच्या धारा . . . हे कडवं फार आवडलं.
पाषाणभेद नवीन

"माझी चातकाची तृषा तुझ्या अमृताच्या धारा" अवांतरः अहो पण पाऊस काहीच नाही हो. मुल आणि कविता होईपर्यंत खाजगी असते आणि एकदा "झाल्यानंतर" ते सार्वजनीक होते. - मराठी आणि बेळगाव, कारवार, अहवा, डांग, बर्‍हाणपूर, गोव्यासह संयुक्त महाराष्ट्र प्रेमी - पाषाणभेद उर्फ दगडफोड्या ( -राजेंनी बहाल केलेले नाव)
श्रावण मोडक नवीन

माझ्या जन्माचे सार्थक तुझे ओसंडून देणे, माझी चातकाची तृषा तुझ्या अमृताच्या धारा उत्तम.
राघव नवीन

शेवटचे कडवे क्लास! :) राघव ( आधीचे नाव - मुमुक्षु )
विसोबा खेचर नवीन

गर्द सावळे आभाळ राशी रुप्याच्या सांडते सौदामिनी उजळते तुझा गगनगाभारा अप्रतीम कविता...! आपला, (फ्यॅन) तात्या.
परिकथेतील राजकुमार नवीन

वा वा वाह ! स्पेशल क्रांतीतै टच. मनापासुन आवडली कवीता. º°¨¨°º© परा ©º°¨¨°º© फिटावीत जरा तरी जगण्याची देणी, एक तरी ओळ अशी लिहावी शहाणी... आमचे राज्य
चन्द्रशेखर गोखले नवीन

आपल्या काव्याने पावसात न्हायल्याचा आनंद मिळाला ! शेवटच्या कडव्याने रचनेला वेगळीच उंची प्राप्त झाली आहे !! नेहमीप्रमाणेच सुंदर रचना !!
ऋषिकेश नवीन

वाह!.. खूप छान कविता! आवडली ऋषिकेश ------------------ बुद्धीसाठी लोह वाढवणारी औषध घ्यायला लागल्यापासून "डोकं गंजलं तर!" ही भिती वाढली आहे
सुवर्णमयी नवीन

कविता अतिशय आवडली. कवितेचा शेवटही विशेष आवडला. सोनाली
मदनबाण नवीन

माझ्या जन्माचे सार्थक तुझे ओसंडून देणे, माझी चातकाची तृषा तुझ्या अमृताच्या धारा क्लासच... :) मदनबाण..... Success is never permanent, and failure is never final. Mike Ditka
प्राजु नवीन

ख ल्ला स!!! दुसरा शब्द नाही. पावसात मनमुराद भिजल्याचा प्रत्यय आला. :) शब्द रचना अतिशय सुंदर. :) - (सर्वव्यापी)प्राजु http://praaju.blogspot.com/
पद्मश्री चित्रे नवीन

...माझी चातकाची तृषा तुझ्या अमृताच्या धारा खूप छान.
लिखाळ नवीन

वा ! छान कविता :) शेवटचे कडवे विशेष ! -- लिखाळ.
पॅपिलॉन नवीन

अतिशय सुंदर कविता. फ्रेंचमध्ये पॅपिलॉन म्हणजे फुलपाखरू. फुलांफुलांवर उडत बागडत जाऊन त्यांचा मकरंद चाखणारे फुलपाखरू. पण हातात धरू जाल, तर हाती न येणारे फुलपाखरू.