शिवसेनेचा निलाजरेपणा

सामान्य माणूस किती बेदरकार झाला आहे. निवडणूक होईपर्यंत आपण त्यांची मजा पाहात राहणार आणि एकदा का ते सत्तेत आले की, ते जनतेची अवस्था दयनीय करून मजा पाहात बसणार, हे आपल्या लक्षात कसे येत नाही. इतका बेजबाबदारपणा करून चालणार नाही, सॅंडी साहेब! गेली चाळीस वर्षे शिवसेना पक्ष राजकारणात आहे. एकदा सत्ताही त्यांच्याकडे गेली; परंतु मराठी, मराठी असे भजन करण्यापलिकडे त्यांचे रचनात्मक काम काय? दूरगामी विचार करून त्यांनी उभारलेला एखादा प्रकल्प सांगताही येणार नाही आणि दाखविताही येणार नाही. हे मतदार निगरगट्ट झाल्याचे परिणाम आहेत. माझा व्यक्तिश: उद्धव ठाकरेंना विरोध नसून ते जी बेताल आणि दिशाभूल करणारी वक्तव्ये करीत आहेत त्याला आहे. उद्धव ठाकरे यांनी काहीही बोलावे आणि जनतेने ते ऐकून घ्यावे, हे चुकीचे आहे. त्यांना जाब विचारालाच गेला पाहिजे. अण्णा हजारेंच्या खुनाची सुपारी देणाऱ्या व्यक्तीला तुम्ही फाशी कशी देणार याचे स्पष्टीकरण त्यांच्याकडे मागितलेच गेले पाहिजे. हे कुणी विचारत नाही, हे त्यांना ठाऊक आहे. म्हणूनच त्यांची भीड चेपली आहे. आता मीडियादेखील इतका स्वस्त (चीप) झालाय की कुणी काहीही बोलेले, तरी त्याचे विधान शंभरवेळा दाखविले जाते. यामुळे सवंग प्रसिद्धी मिळविण्याची सवय राजकीय नेत्यांना लागली आहे. त्यातल्या त्यात शिवसेना हा तर नाकर्त्या नेत्यांचा पक्ष आहे. त्यांना तर असली थेरं चांगली जमतात.