मिसळपाव लेखन सोय - चाचणी

आता मिसळपाव संस्थळावर ४७७१५ लेखन धागे दिसत आहेत.   त्यापैकी काही चुकून दुबार प्रकाशित झाले असतील किंवा काही रिकामे (ब्लॅंक) असतील असे प्रशासकांनी काढून टाकायला हवेत.  ते काढले तरी साधारण ४५,०००+ धागे असतील (अशी शक्यता आहे.)   

म्हणजेच येत्या काही काळात मिसळपाव वर प्रकाशित धाग्यांची संख्या ५०००० हा आकडा पार करु शकते.  तरी याची पूर्वतयारी आवश्यक आहे.  ५०००० वा धागा बनण्याचा विशेष मान सन्मान मिळविण्याकरिता ते लेखनही तसेच कसदार हवे.  

प्रशासक या दृष्टीने काही करु शकतील काय?  म्हणजे ४९९०० नंतर धागा प्रकाशित करण्याचा हक्क प्रशासकांनी राखून ठेवावा, लेखकांनी खर्डे लिहावेत, साधारण लेखांना क्रमाने प्रकाशित केले जावे आणि एखाद्या दर्जेदार धाग्यालाच थोडे थांबवून ५०००० व्या क्रमांकावर प्रकाशित केले जावे अशी काही सोय करता येईल काय?  

अचानक खरडफळा का उडविला गेला आहे? तो परत बहाल होणार आहे की नाही? 

खरडफळा बाद केल्याबद्दल मिपा प्रशासन व चालक मालकांचे हार्दिक अभिनंदन. तुम्ही अतिशय रास्त निर्णय घेऊन योग्य पाऊल उचलले. (भुक्तभोगी असणे सोडाच) माझे सुद्धा एक निरीक्षण होते, की खरडफळा ही सोय तिच्या उद्देशापासून ढळली होती, हलक्याफुलक्या गप्पा पेक्षा तिथे कंपुबाजीचे प्रकार जास्त होत होते. 

स्पष्ट बोलता, खरडफळा weaponize झाला होता आणि नावडते सभासद वाळीत टाकणं, एखाद धाग्यावर आपल्याला फेवरेबल वातावरण नसले की आपले समर्थक आयडी सोबत घेऊन स्वतःची एक इकोसिस्टीम बनवून मेगाबायटी "कोणी गोविंद घ्या कोणी गोपाळ घ्या" करत "अहो रूपं अहो ध्वनीं" करायला खरडफळा वापरला जात होता. 

अतिशय उत्तम गप्पा मारण्याची सोय एका कंपूने आपल्या विकृतीने बंद करवली आहे, ती परत आणायची का नाही ते मालक ठरवतील पण आणायची असल्यास त्या व्यवस्थेचा गैरवापर करणारे सभासद जबाबदार धरून त्यांना योग्य ते शासन झाल्यास ती सोय ज्या निरलस भावाने काढली आहे तो भाव सिद्ध होईल इतके बोलून खाली बसतो.

(भरलेल्या विधानसभेत राज्यपाल मनोनित अँग्लो इंडियन आमदार असल्याची फिलिंग भोगलेला) मोझेस जोनाथन खोंडे

पुर्वी सदस्य एकमेकांना व्य नि  करू शकत होते. या सोई मधूनच  कित्येक  मिपाकरांचा व्यक्तीगत पातळीवर परिचय झाला. पुढे त्याचे सौहार्दपूर्ण संबध प्रस्थापित झाले आणी टिकून आहेत. 

 मिपाचे नूतनीकरण करताना ही सोय बंद करण्यात आली. कदाचित त्या मागे  व्यक्तीगत गोपनीयतेत दखल अंदाजी होऊ नये असा विचार  असावा असा माझा समज झाला. खरे काय ते संपादक जाणे. 

ख फ कंपुबाजी करता वापरला जात होता का,तर मला असे वाटत  नाही. मी कधीतरीच  वाचनमात्र जात असताना असे वाटले की  बरेच असे छोटे छोटे विषय हाताळण्यात येत होते जे मुळ फलकावर मोठ्या लेखात टाकण्याची गरज नव्हती किवा तेवढे मोठे नव्हते. इथे अटीतटीचे सवाल जबाब क्वचित वाचायला मिळाले. हा व्भाव्यक्तिगत पातळीवर संवाद  होत असल्याने भाषा संतुलित होती. 

ख फ ही सोय सर्वांनाच उपलब्ध असल्याने काही ठराविक लोक व्यक् होतात,इतर सदस्  मुकदर्शक त्यामुळे  कंपुबाजी करतात असा समज होऊ शकतो. 

ख फ बंद करा किंवा अमूक एक आय डी उडवून टाका अशी तक्रारही कुणी केल्याची शक्यता कमीच असावी. 

ख फ वर मी जास्त  सक्रिय नव्हतो पण माझे  निरीक्षण  मी व्यक्त केले. 

बाकी मिपावर काय ठेवायचे काय उडवायचे हा सर्वस्वी मालकांचा हक्क आहे.

ख फ कंपुबाजी करता वापरला जात होता का,तर मला असे वाटत नाही.

 

तुम्ही राईट साईड ऑफ द स्पेक्ट्रम असाल म्हणूनही असे जाणवले असेल तुम्हाला कदाचित ! एक शक्यता म्हणून मांडतोय. तुम्हाला काय वाटावे हा तुमचा हक्क आहेच अर्थात, अन् तो मला सपशेल मान्य आहे.

 पण माझा अनुभव विचित्र होता. काही विविक्षित सभासदांनी मला फाट्यावर मारले, समजू शकतो, आपुलकीनं विचारपूस करणाऱ्या पोस्टना पण इग्नोर केले, ठीक आहे समजू शकतो. इग्नोर करा ! पण (राजकीय) मते पटत नाहीत म्हणून आयडी वर शंका घेत बसणे हा कुठला सुसंस्कृतपणा ? हा अमक्याचा डू आयडी आहे , तमक्याचा आहे कुठला कोण तो लालगंधर्व आहे अन् कांदा लसूण आहे , ही कुठली रीत वागण्याची ? त्यामुळे मी माझ्या अनुभवातून अहो रूपं अहो ध्वनीं म्हणणारच ना ! आशा आहे की माझा हा हक्क तुम्हाला पण मंजूर असेल. 

पाषाणभेद / सुस्वरूप हे दोन आयडी तर इतके द्वेषमूलक झाले होते की माझे आयडी वय, प्रतिसाद इत्यादींवर त्यांनी विकृत तोंडसुख घेतले होते ह्याच खरडफळ्यावर, अगदी माझ्या आयडी व्यक्तिमत्वाला हिणवणारी एक अतिशय फालतू ए.आय. जनरेटेड इमेज तयार करण्यापर्यंत ह्यांची पातळी घसरली होती, खरडफळा वीर अन् मिसळपाव विद्वतजनांपैकी एकाचीही बत्तीशी किंवा दहा बोटे दोन ओळींचा निषेध करायला वळली नव्हती तेव्हा. अर्थात नाही तर नाही, मला फरक पडत नाही, 

पण मालकांना सुद्धा हे समजायला हवे की असे जेव्हा एखाद नव्या सभासदाला कोपऱ्यात घेऊन बडवल्या सारखे ट्रोल केले जाते तेव्हा तो ह्या प्रकाराला संस्थळाची रीत समजतो, आणि ललित/ मुक्त लिहिण्याची खाज दाबून लोकरीत म्हणून तो सुद्धा आपली न्यूसन्स व्हॅल्यु तितकी घेऊन येतो संस्थळावर. 

असा हा खरडफळा जो नवागत सभासदांना ट्रॉमा अन् वाळीत टाकल्याचे फिलिंग सोडून काहीच देऊ शकत नाही तो उडाला ह्याचा मला आनंदच आहे 

अन् त्याला जबाबदार जे सभासद आहेत त्यांनी मिपाचे/ मिपाकरांचे नुकसान केले आहे हे पण मी ठासून मांडू इच्छितो.

अरे रे,  खरडफळा छान होता.. कधी तरी  यायचो मी  तेथ,  विरंगुळा म्हणून त्यावर मनातलं बोलायला छान वाटायचं.

मूळ धागा एक सुरु करायचा माणस आहे,  बघूया

खरडफळ्यावर दुर्वर्तन झाले नाही असे नाही, पण तुळशीच्या पिकात एखादे भांगेचे रोप उगवण्याइतपतच ते मर्यादित होते. 

खरडफळ्यावर अनेक अभ्यासू सदस्यांच्या माहितीपूर्ण खर्डी वाचण्यात येतात.‌ राजकीय धाग्यांवर चालणारे अभिनिवेशपूर्ण लिखाण याचा तिथे बहुतांश वेळा अभाव असतो. माहिती देणे सकारात्मक मत व्यक्त करणे यावर तिथे भर असतो. आणि चांगली चर्चा चालते. 

अर्थात मिसळ पाव थाळीत कांदा लिंबाचा जेवढा सहभाग असतो फार तर तेवढाच किंवा खरंतर केवळ मिठाच्या चिमटी इतकाच माझा स्वतःचा त्या चर्चेत सहभाग असतो. 

तरीही एक जागरूक वाचक म्हणून खरड फळ्यावरच्या खर्डी परत लिहिण्याची सोय व्हायला हवी असे मला वाटते. 

- (खफ पंखा) कांदा लिंबू 

तांत्रिक दृष्ट्या शक्य असेल, तर खरडफळा पुन्हा कार्यान्वित करून तो रोजच्या रोज ठराविक वेळेला साफ व्हावा असे काही करता येईल का? 

लेखनाचे आयुर्मान २४ तासांच्या वर नसेल, तर तिथे व्यक्त झालेल्या टोकाच्या मतांना किंवा राग, द्वेषाला कुणी फारसे गांभिर्याने घेणार नाही. 

"मिपा खरडफळा" हा धागा काढला आहे. 

https://www.misalpav.com/discuss/53894 

तिथे व्यक्त झालेल्या टोकाच्या मतांना किंवा राग, द्वेषाला कुणी फारसे गांभिर्याने घेणार नाही. 

मुळात सोमी वर कुणी काय व्यक्त केले याबद्दल आपण जीवाला त्रास करून घ्यायचाच नाही.

भुंकणाऱ्या कुत्र्याचे तोंड बंद करून काहीही निष्पन्न होत नाही.  

त्यात बरीच लोकांना आपल्या बद्दल मत्सर असतो किंवा आपल्या विचारसरणी बद्दल.

यातली एक तरी  गोष्ट तुम्ही बदलणार का?  

नसेल तर कशाला कुणाला भीक घालताय?  

खरडफळा डिटॉक्स थेरपी सुरु झालीये का 😂

चांगलंय की जाहीर प्रकटनला याने चालना मिळेल 👍😅

अवांतर :

अहो, मोझेस जोनाथन खोंडे, आम्ही ऐकलेलं की ज्यूंनी ख्रिश्चन नावं घेतली आणि लपून राहिले. इथे चक्क एक अँग्लो इंडियन मनुष्य यहुदी नावं घेऊन उघड्यावर वावरतोय. घोर कलियुग म्हणतात ते हेच की काय ! 

;-)

आ.न.,

-गा.पै.

खरडफळा सुरु आहे सुत्रांची माहिती. 

-दिलीप बिरुटे

खरडफळा सुरु झाला या....

-दिलीप बिरुटे