झुरळपक्ष आंदोलनामागील शक्तींची कार्यप्रणाली

conspiracy theorist
A conspiracy theorist is a person who believes or spreads the idea that a major event or situation is the secret plot of a powerful, malevolent group.

 तेव्हा आपला नम्र गामा पैलवान,  लगे रहो.  कुणाला कशाचं तर कुणाला कशाचं.

आणि हो, मध्यपूर्व, साउथ अमेरिका, सी.आय.ए - हेही येऊ द्या. 

-

सदर आंदोलनामागील शक्तींच्या कार्यप्रणाल्यांत मला रस आहे.

... सजग आणि सतर्क राहणे ही काळाची गरज नेहमीच होती, आज जरा जास्तंच आहे

अगदी बरोबर. शोध घेत रहा आणि त्यात काय काय गवसते ते इथे लिहीत रहा. 

झुरळांच्या मते त्यांना  'पूर्ण यश' मिळाले असल्याने यातून प्रेरणा घेत  यापुढे आणखीही झुरळ, घुशी, उवा, मधमाश्या, डास वगैरे वगैरेंच्या 'झुकानेवाल्या' पिलावळी बाहेर येत रहातील, याची खात्री वाटते आहे. 

**निर्विवाद तथ्य*** 
- नीट परीक्षेंत घोटाळा झाला. पेपर फुटला. 
- नीट परीक्षेची आखणीच चुकीची होती. त्यामुळे पेपर फुटणे हे अपेक्षित होते. 
- २०२४  मध्ये पेपर फुटीची अफवा होती. पण तिथे सरकारने विषय दाबून ठेवला पण परीक्षेची आखणी बदलली नाही. 
- सरकारची चूक झाली आणि ह्या चुकीला मंत्री नैतिक दृष्ट्या जबाबदार होते. 
- आदोलनकर्त्यांची भूमिका सरकार विरोधांत असल्याने सरकारवर विविध कारणांनी खार खाऊन असलेली सर्व मंडळी आंदोलनात भाग घेती झाली. 
- आंदोलनकर्त्यांचे चारित्र्य, वागणूक इत्यादी कशीही असली तरी मूळ मुद्दा "accountability" हा रास्त होता.
- मूळ मुद्दे मान्य करून शिक्षणमंत्र्यांनी राजीनामा दिला, प्रधानमंत्र्यांनी विद्यार्थ्यांच्या आदोंलनाला acknowledge केले आणि आंदोलन संपले. आता राहिलेल्या बाटल्या, उष्टे खाऊन जगणारी कुत्री, सतरंजी वाले वगैरे मागे राहतील पण ती कुठेही असतात. आंदोलन सध्या तरी संपले आहे.  
- आंदोलनाच्या कालावधींत मंत्री संत्री, बाबू आणि भक्तमंडळी ह्यांनी अनेक उर्मट वक्तव्ये केली ह्याच्या उलट room reading ची उकृष्ट स्किल असलेल्या प्रधान मंत्र्यांनी भावुकता दाखवली.

**कदाचित सत्य** 
- पेपर मागील वर्षें सुद्धा फुटत असावा आम्हाला ठाऊक नव्हते. 
- आंदोलनात विदेशी शक्ती, अंतर्गिक  शत्रू ह्यांनी नेहमी प्रमाणे शिरकाव करून आपली पोळी भाजण्याचा प्रयत्न केला. 
- आंदोलनाचे नेते म्हणून दिपके आणि वांगचुक हे संधीसाधू आहेत.

**असत्य**
- आंदोलनात प्रचंड हिंसा होती ह्या हिंसेने प्रमुख सरकारी अधिकारी, प्रमुख नेते जसे प्रधान मंत्री इत्यादी ह्यांच्या जीवाला किंवा पदाला धोका होता. 
- सरकार पडण्याची आणि नेपाळ मध्ये झाली वगैरे तासली क्रांती होण्याची शक्यता किंवा मनीषा होती.

**षड्यंत्र सिद्धांत** 
- डीप स्टेट नावाचा कुठलाही खलनायक नाही. तमराज किलविष प्रमाणेच हा खोटा अस्तित्वांत नसलेला बागुलबुवा आहे. 
- ट्रम्प ह्यांचा विविध भ्रष्टाचार उघडकीस येत होता तेंव्हा त्यांनीच आपल्या अंथरूण आणि फॉक्स न्युज ला खिळून असलेल्या म्हाताऱ्या मतदात्यांना मूर्ख करण्यासाठी असले नसते बागुलबुवे उभे केले. त्याकाळी ट्रम्प ह्यांच्या पौरुषावर भाळलेल्या संघीय भक्तमंडळींनी हे टर्म देशांत आयात केले स्वतःची आणि स्वतःच्या नेत्याची इमेज मोठी करण्यासाठी.
- सुपरमेन साठी लेक्स पाहिजे, बॅटमॅन साठी जोकर त्याच प्रमाणे विश्वघबरूला उगाच विश्वनेता वगैरे दाखविण्यासाठी हा भंपक डिप स्टेट चा खलनायक प्रस्तुत केला गेला. 
- ट्रम्प साहेबानी भक्ती २.० मध्ये खोडा घालून पेकटांत लाथ घातल्यानंतर ह्याना आता गंगाधर हि शक्तिमान है प्रमाणे ट्रम्प डीप स्टेट वाटतो. 
- आता कुणा रिकामटेकड्या महिलेने सवंग लोकप्रियतेसाठी भंपक अर्धवट विडिओ करून आपल्यातील डॉक्टर साळुंखे जागृत करून त्याला ACP प्रद्युमन ची फोडणी दिली आणि नसते ऐतिहासिक संदर्भ, त्यांत बी ग्रेड वर्तमानपत्रांतील बकवास गुन्ह्याची सांगड दिली आणि भक्त मंडळींच्या मेंदूची प्रचंड पोकळी ह्या षडयंत्रानी भरली. 
- थोडा तरी विवेक असता तर ह्या तथाकथित विडिओ मधील मूर्खपणा दिसून येतो. इंदिरा गांधींनी मोरारजी देसाई वर आरोप करून आणीबाणी लावली. प्रत्यक्षांत आणीबाणी आपली खुर्ची वाचविण्यासाठी लावली होती हे सर्वश्रुत आहे. त्यामुळे त्या आरोपांत काहीही तथ्य नव्हते. मोदींनी आणीबाणी लावली नाही किंवा बळाचा अवास्तव वापर करून कुणाला तुरुंगांत टाकले नाही. किंवा मोरारजी प्रमाणे सरकार पाडणे हे आपले धोरण आहे असेही आंदोलनकर्त्यांनी म्हटले नाही. कुणी एखाद्या दुसर्याने मोदींना दूषणे दिली असली तरी सरकार पडण्याची शक्यता इथे शून्य होती. 
- "माझं मत" म्हणून सदर लेखक हिटलर चे उदाहरण देतात. महिलेचा इतिहासाचा अभ्यास शून्य आहे. हिटलर ने सत्तेत असताना स्वतः पार्लमेंट ला आग लावली. आणि नन्तर आपल्या हातातील सत्त्तेचा प्रयोग करून विरोधकांना लक्ष्य केले. ती analogy इथे वापरायची तर मोदी ह्यांनी स्वतः पेपर लीक केला. दिपके ह्यांना आपणच प्लांट केले आणि नंतर हिंसा घडवून आणली आणि ह्या हिंसेला जबाबदार ठरवून, राहुल गांधी प्रभृतींना तुरुंगांत टाकले ते म्हणावे लागले असते. पण तसे काहीही घडले नाही. 
- कुठे तरी म्हणजे खोट्या गणवेशाची फॅक्टरी सापडली आणि तिकडे कुठेतरी कुणा तथाकथित दहशवाद्यांना अटक झाली ह्याचा बादरायण संबंध जोडायचा साळुंखे आणि प्रद्युमन प्रमाणे. म्हणजे कुणाला अजीर्ण झाले आणि कुठे कुत्रे मेले म्हणून "कृपा अटकी हुयी है" हि निर्मल बाबा छाप भोळी भक्ती. 
- तरी हडप्पा मोहेंजदरो मध्ये सापडलेला प्रिस्ट किंग हा मोदी प्रमाणे दिसतो हा दुवा इथे आणला नाही.

नसते बादरायण संबंध पाहिजेत तर मी एक समर्पक संधर्भ देते.

punic युद्धांत हॅनिबल कॅनो च्या युद्धांत  ने आपल्या पेक्षा प्रचंड मोठ्या रोमन सैन्याचा धुव्वा उडवला. ते पाहून त्याच्या घोडदळ प्रमुखाने त्याला सल्ला दिला कि त्यांनी ताबडतोप  रोम वर चालून जावे आणि एका आठवड्यांत रोमचा ताबा त्याच्या हातांत असेल. रोम सारख्या शहरावर आक्रमण करणे कठीण  आणि रसदपुरवठ्याच्या दृष्टीने कठीण असल्याने हॅनिबल ने त्याला नकार दिला तेंव्हा घोडदल प्रमुखाने त्याला म्हटले.

Verily, the gods have not given all gifts to the same man. You know how to win a victory, Hannibal; but you do not know how to use it.

--

सध्या भक्तमंडळी गोबीभक्तीच्या गटारांत लोळत आहे आणि कुणी ते जाणवून दिल्यास, हाच वास कस्तुरीमृगाला येतो. हीच गंगा आहे आणि तुम्हाला आमचा मत्सर वाटतो वगैरे अश्या गोड गैरसमजुती हि मंडळी करून घेत आहे. हे सर्व ५ वर्षांच्या मुलाना प्रेटेन्ड प्ले करताना शोभते. इतरांना शोभत नाही.

ह्या भंपक कॉन्स्पिरसी थेअरी म्हणजे विशुद्ध कोपियम Copium आहे स्वतःच्याच बालमनाला समजावण्यासाठी. 

>>> सदर चलचित्रात जोनथन डिमलबी इंदिरा गांधींना प्रश्न करतो की मोरारजी देसाईंना अटक का केली. यावर बाईंचं उत्तर मोठं रोचक आहे.

आणिबाणीच्या कालखंडात इतर हजारो नागरिक व नेत्यांसहित मोरारजी देसाईंना सुद्धा कारागृहात डांबले होते. याव्यतिरिक्त कधीही मोरारजींना, इंदिरा गांधींनी अटक केली नव्हती.‌

>>> मोदींनी अतिशय बिकट परिस्थिती तितक्याच कुशलतेने हाताळली आहे.

संपूर्ण सहमत.

_______________

लेखातील इतर षडयंत्र सिद्धांताविषयी माहिती नसल्याने माझी काहीच प्रतिक्रिया नाही.‌

गामा पैलवान श्रीगुरुजी यान्च्याशी पूर्णपणे सहमत .. अजून ऐफ.सी.आर.ऐ चा मुद्दा तुम्ही घेतला नाही

गामाजी उत्तम आढावा. 

धर्मेंद् प्रधान यांनीच काय खुद्द मोदींना जरी राजीनामा द्यावा लागला असता तरी तोरसेकर पती पत्नीचं मत एकच राहील असतं, ते म्हणजे मोदी शाहांचा मास्टरस्ट्रोक.

भाऊंचे ज्ञान आपल्या पेक्षा जास्त आहे. तीन निवडणूकी पूर्वीच त्यांनी  200 + जागा मिळणार हे आधीच संगितले होते.  बाकी झुरळ हे आप पक्षाचे नवीन अपत्य आहे आणि सर्व देश विरोधी शक्तींचे समर्थन आहे. हे जनतेसमोर पूर्णपणे उघड झाले.  बाकी मेटा ने सत्यच बाहेर काढले. बहुतेक जगातील एकमेव आंदोलन ज्यात सर्वच भाडोत्री होते. 

सदर आंदोलनामागील शक्तींच्या कार्यप्रणाल्यांत मला रस आहे. त्या ध्यानी आल्या की त्यावरून त्या शक्ती कोण आहेत ते अजमावणं सुलभ व्हावं.

या शक्तींची एक विशिष्ट कार्यपद्धती (modus operandi?) असते.

कोणत्याही काळात, देशात काही ना काही लहानसहान समस्या असतातच. त्यामुळे कोणते ना कोणते समाजगट कायम समस्याग्रस्त असतात. त्यातील एखादी समस्या शोधायची. समस्या शोधून सापडत नसेल तर एखादा non issue समस्या शोधून तिला फुंकर घालून मोठे करायचे. आपली इकोसिस्टिम वापरून, प्रचंड प्रसिद्धीतंत्र वापरून, जणू काही संपूर्ण देश या समस्येमुळे ग्रस्त आहे अशी वातावरण निर्मिती करायची. त्या प्रोजेक्टपुरती हवी ती प्यादी वापरायची. अनेक लहान मोठ्या प्यादांना आपण वापरले जात आहोत हेच शेवटपर्यंत कळत नाही. आधी अगदी साळसूद, चटकन नकार न देता येणाऱ्या मागण्या करायच्या. हळूहळू संपूर्ण जन्मात आपल्या बाजूने आहे असे दाखवायचे. पुढच्या टप्प्यात शासनावर दबाव आणून, शक्य झाल्यास शासनातील दगाबाज लोकांना हाताशी धरून शासनास नमते घेण्यास भाग पडायचे. शेवटच्या टप्प्यात सरकार उलथून टाकून सत्ता हाती घ्यायची.

अर्थात प्रत्येक वेळी त्यांचा हा उद्देश साध्य होतोच असे नाही.

सजग आणि सतर्क राहणे ही काळाची गरज नेहमीच होती, आज जरा जास्तंच आहे.

पूर्णतः सहमत.

- (सजग) कांदा लिंबू 

झारखंड मध्ये पेपरफुटीवरून विद्यार्थि आंदोलन चालू आहे.

मात्र झुरळ पार्टी , केजरीवाल आणि राहूल गांधी  यानी  त्याकडे सपशेल पाठ फिरवली आहे

झाडून सगळे TV anchors अचानक झारखंडला पोचले! जंतरमंतर बहुधा ऑस्ट्रेलियात किंवा मंगळ ग्रहावर असल्यामुळे तिथे कॅमेरा घेऊन जाणं त्यांना शक्य झालं नसेल. https://www.youtube.com/watch?v=gZstFasMBXs

कार्यपद्धती जोमदार आणि दमदार होती. मंत्र्यांचा राजीनामा झाला. सफल. सरकार हरलं. पण त्याचबरोबर प्रस्थापित विरोधी पक्ष आणि नेते उघड्यावर पडले, निष्प्रभ ठरले. एक नवीनच नेता म्हणून दिपके भारताच्या राजकारणात उदयास आले. 

कार्यपद्धती यशस्वी.

त्यांच्या पक्षाचं झुरळ नाव आता मात्र बदलायला हवे. 

काय ठरलं मग शेवटी?

cjp ने आवाहन केल्यानंतर देशभरातून सरकारी शाळांची दुरवस्थात असलेले व्हिडिओ प्रचंड प्रमाणत येऊ लागले आहेत, इतक्या वाईट परिस्थितीत असतील गाव खेड्यात शाळा हे पाहून मला तरी धक्का बसला! ह्या आवाहनाला घाबरून up भाजप सरकारने घाईघाईत सर्कुलर काढले आहे की शाळा नीट करा, म्हणजे एवढे दिवस फक्त राममंदिरातच नव्हते पैसे खात वाटते! तर राजस्थान सरकारने ह्यावर कडी केली, त्यांनी राजस्थानातील शाळांमध्ये परिस्थिती दाखवणारे व्हिडिओ काढण्यास बंदी घातल्याचे सर्क्युलर काढले आहे जेणेकरून विकास दाबला जावा. म्हणजे शाळा सुधारवनार नाही तर लपवू. :)

बंगालात शाळांची दुरावस्था दाखवणाऱ्या अब्दुल नामक समाजसेवकाच्या वडिलांना मारहाण करून मारून टाकण्यात आले आहे, मारणारे भाजपचे गुंड आहे सांगितले जातेय, इतके दिवस ममताचे गुंड म्हणून उर बडवणारे आता वाळलून तोंड खुपसून बसले आहेत. एकंदरीत कठीण आहे ह्या देशाचे!

https://timesofindia.indiatimes.com/city/kolkata/bankura-cjp-mans-dad-beaten-to-death-by-bjp-men-neta-among-8-held/amp_articleshow/133281909.cms

https://www.newindianexpress.com/amp/story/states/rajasthan/2026/Aug/17…
 

झुरळपक्ष आंदोलनामागील शक्तींची कार्यप्रणाली दाखविणारी ही फेबु पोस्ट -

अभिजीत दीपकेचा हा बुरखा फाटला 😂
अभिजीत लातूरच्या एका शाळेत गेला. पण तिथं पोरंच नव्हती.  
मीडियाला आधीच बोलावलं होतं, मग सहानुभूती कशी मिळवणार? म्हणून कॅमेऱ्यासमोर गर्दी हवीच होती.
CJP चा "दबदबा" दाखवायच्या नादात त्याच्या लोकांनी शेजारच्या शाळेतून पोरं आणली. त्यांना समोर बसवलं, जेवण दिलं. सगळं सेटिंग सुरू होतं. 
पण एका गावकऱ्याने एकाच वाक्यात बिंग फोडलं - "ह्या पोरांची शाळा ही नाहीच" 
बास! कॅमेऱ्यासमोर नाचक्की झाली. काय बोलावं, काय करू हे त्याला कळेचना. थेट लाईव्ह चालू होतं आणि तो जागेवरच बावचळला 🙏

https://www.facebook.com/groups/287309018054859/permalink/2783651005270…;