कॉकरोच जनता पार्टी आंदोलन- दिल्ली. (भाग दोन )

हा प्रतिसाद तरी मलाच दिलाय का? तसा दिसत तर आहे, आणि आधीचाही तसाच दिसत आहे.

हो , हा प्रतिसाद तुम्हालाच दिलाय आणि अगोदरचा चुकून झाला . प्रतिसादाची खिडकी उघडली गेली आणि लिहिताना लक्षात आले नाही. माफ करा , गैरसमज नसावा .  

> यांच्या नसानसात मोदीद्वेष, हिंदूद्वेष इतका ठासून भरला आहे की कोणतेही निमित्त काढून तो द्वेष फसफसून बाहेर येतो. त्यातूनच अत्यंत किळसवाण्या विकृत कृत्यांचे समर्थन सुरू होते व त्यातून एक विकृत आनंद मिळतो.

राशिभविष्य सोडून गृहशोभिका मध्ये पाकक्रिया सुद्धा लहिण्याचे सुप्त टॅलेंट सुद्धा असावे. चहा खदखदून घ्यावा. दूध फसफसून घ्यावे इत्यादी.

> मोदीद्वेष

मोदींचा "द्वेष" असावा असा कुठला कमेंट कुठल्या मेम्बर ने कला आहे ? पुरावा द्यावा नाहीतर आपण उगाच आरोप करत आहोत हे मान्य करावे.

> हिंदूद्वेष

मोदींची किमान टीका किंवा विडंबना असावी पण हिंदुद्वेष वाटावा असा एकही कमेंट मला तरी शोधून सापडला नाही. तुमच्या गोबी भक्तीची लोक थट्टा करतात म्हणून तो "हिंदू" धर्म ठरत नाही.  एक तर पुरावा द्यावा नाहीतर आपण उगाच काही बरळत आहोत हे मान्य करावे.

भाषेवरचे तुमची पकड पराकोटीच्या भक्तीने सैल झाली असावी म्हणून खालील विदा. पण हे सर्व तुम्हाला ठाऊक आहे, पण वेड पांघरून पेडगावला जायची सवय झाली आहे. आपल्या मतांशी सहमत नसलेल्या माणसाला हिंदुद्वेषी वगैरे संबोधित करण्याची सवय झाली आहे.

AI स्टार्ट

'द्वेष' (Dwesh) - अर्थ आणि व्याख्या
मराठी भाषेत 'द्वेष' म्हणजे एखाद्या व्यक्ती, गट, समाज किंवा विचाराबद्दल मनामध्ये असलेला तीव्र तिरस्कार, शत्रुत्व, रोष किंवा कोणाचेही वाईट चिंतण्याची भावना. ही एक अत्यंत नकारात्मक मानसिक अवस्था आहे, ज्यामध्ये समोरच्या व्यक्तीच्या अस्तित्वाचा, विचारांचा किंवा यशाचा राग असतो आणि त्याला हानी पोहोचवण्याची सुप्त किंवा स्पष्ट इच्छा असते.

द्वेष ची उदाहरणे (Examples of Dwesh)
जातीय किंवा धार्मिक तिरस्कार: केवळ एखादी व्यक्ती विशिष्ट जाती, धर्माची किंवा प्रांताची आहे म्हणून तिच्याबद्दल मनात अनामिक राग बाळगणे आणि तिला समाजात कमी लेखणे.

हेव्यापोटी नुकसान करणे: सहकाऱ्याच्या पदोन्नतीमुळे (Promotion) किंवा यशापयशावरून त्याच्याबद्दल जळफळाट होणे आणि त्याच्याबद्दल खोटी माहिती पसरवून त्याचे नुकसान करण्याचा प्रयत्न करणे.

टीका किंवा विडंबन हे 'द्वेष' का नाही? (Counter-examples)
प्रत्येक टीका किंवा विडंबन हे द्वेषापोटी केले जाते असे नाही. त्यांच्यामध्ये मूलभूत फरक असतो:

१. टीका (Criticism)
स्वरूप: एखाद्याच्या विचारांवर, कृतींवर किंवा धोरणांवर वैचारिक पातळीवर आक्षेप घेणे किंवा त्रुटी दाखवणे म्हणजे टीका.

द्वेष का नाही? टिकेचा उद्देश सुधारणा करणे, चुकीच्या गोष्टींवर प्रकाश टाकणे किंवा पर्यायी विचार मांडणे हा असतो.

उदाहरण: एखादा नागरिक किंवा पत्रकार सरकारच्या चुकीच्या आर्थिक धोरणावर टीका करतो. यात त्या मंत्र्याबद्दल वैयक्तिक द्वेष नसून, त्या धोरणातील त्रुटींवर बोट ठेवलेले असते. त्यामुळे शास्त्रीय किंवा वैचारिक टीका ही द्वेष ठरत नाही.

२. विडंबन (Parody)
स्वरूप: मनोरंजनाच्या, व्यंग (Satire) किंवा प्रबोधनाच्या उद्देशाने एखाद्या कलाकृतीचे, घटनेचे किंवा व्यक्तीच्या शैलीचे हास्यविनोदी स्वरूपात अनुकरण करणे म्हणजे विडंबन.

द्वेष का नाही? विडंबनाचा उद्देश हसवणे किंवा सामाजिक-राजकीय वास्तवावर उपरोधिक मार्गाने प्रकाश टाकणे हा असतो. यात उपहास असतो पण वैयक्तिक पातळीवर कुणाचेही अहित करण्याचा किंवा द्वेष पसरवण्याचा भाव नसतो.

उदाहरण: एखाद्या लोकप्रिय सिनेमाची किंवा नेत्याच्या शैलीची स्टँड-अप कॉमेडीमध्ये किंवा व्यंगचित्रात केलेली खिल्ली. यात द्वेष नसून उपरोधिक विनोद असतो. त्यामुळे विडंबन हे द्वेष नव्हे.

AI एन्ड 

तुम्ही परत पनवेल म्हणून वांद्रे स्लो पकडली ! . 

रामभक्त हिंदू आम्ही, रामलला समोर कायम नतमस्तक, शनिवारी हनुमानाला तेल उडीद वाहणारे. घरचे सगळे कुलधर्म कुलाचार उपचारे निभावणारे, पोरांना रामरक्षा, भीमरूपी शिकवणारे. 

आता राजकीय आंदोलन झाले, पोरांनी केले, नेत्यांना (घाण) शिव्या बसल्या, एकाने राजीनामा दिला. ते आंदोलन होताना काही हिंदू विरोधी घोषणा बसल्या (त्रिवार निषेध) पण आमचा फोकस मुद्द्यावर होता आहे राहील (आम्हा हिंदूंच्या महाभारतातील अर्जुन आणि पक्ष्याचा डोळा मधून ही शिकवण घेतो देतो आम्ही पिढ्यानपिढ्या) 

आंदोलनाला समर्थन देणारे हिंदू विरोधी का ? 

फक्त सत्ताधारी पक्षाला विरोध केल्यामुळे का ?

 माझ्या आणि माझ्या रामाच्या मध्ये यायची परवानगी मी कोणालाच दिलेली नाही त्यामुळे आमच्यावर हा शिक्का का ? 

हिंदू धर्म वेगळा आणि हिंदुत्व वेगळे नाही का ? 

(नेशन वॉन्ट्स टू नो) अर्णब खोंडे

अनुस्वार विरहित शाब्दिक कोटी आवडली. पण तूर्तास आम्ही गाडीत घातलेले इथेनॉल ह्या विषयावर विचार करतोय. तुमच्या पण गाडीत असणार बरंका ते, बघा बुवा काय ते. शेतकरी कुटुंबातील असल्यामुळे बैल खोंड इत्यादी पाळीव प्राणी आवरणे जमते म्हणून खोंडे आहे आम्ही.

हा हा हा !!! काही ठिकाणी नियमांच्या कचाट्यातून वाचण्यासाठी अश्या कोट्या कराव्या लागतात, दादा; आता तुम्हाला हे मी सांगणे म्हणजे अगदीच ...

बाकी, आम्ही सुद्धा शेतकरीच बरं का. कागदावर स्केल ठेऊन पेन्सिलीने सरळ रेष ओढावी तशी (उजव्या हातात रुमनं धरून, डाव्या हातात कासरा धरून, नीट  तिफण चालवून) एकरांशी वावरात एकसारखी सरळ पेरणी करण्याचे कौशल्य आहे, पण यांत्रिक शेतीने त्याची काही गरज उरली नाहीय!  
 

- (शेतकरी) कांदा लिंबू 

सांप्रत काळी मी संघ / भाजप / मोदी समर्थक नाही. वेळोवेळी त्यांच्यावर (त्यांच्या समर्थकांना खोडून काढता न येणारी) टीका करतो. (एकेकाळी काही अंशी त्यांचा समर्थक होतो. त्यांची धोरणे बदलली तर त्यांचे पुढे समर्थन करीन. मी काँग्रेस समर्थक नाही. तरीही त्यांच्या काही बाबींचे मी समर्थन केले आहे. पुढेही करीन)

मिपावर मी वेळोवेळी मांडलेल्या मुद्द्यांमधून हे दृग्गोचर होते.

धर्मेंद प्रधान यांची कारकीर्द काही फारशी समाधानकारक नव्हती. विद्यापीठांतील सवर्णविरोधी नियमांमुळे तर ती पुरती डागाळली. मोदी सरकारचे शैक्षणिक धोरण, त्यांच्या शिक्षण खात्याचा कारभार, शिक्षण मंत्र्याची कारकीर्द याचे मी कधीही समर्थन केलेले नाही. वेळोवेळी त्यांवर टीकाच केली आहे.

सदर NEET आंदोलनासंदर्भात देखील मी सरकारचे / सरकारच्या धोरणांचे कधीही समर्थन केले नाही. न पटलेल्या बाबींवर टीकाच केली आहे. त्यामुळे मी मोदी समर्थक या भूमिकेतून इथे लिहितो असा आरोप माझ्यावर कुणी करू शकत नाही.

आता माझे हे वरचे विधान व त्यातील ठळक भाग  -

या किळसवाण्या प्रकारांचे मिपावरच्या हिंदूद्वेष्ट्यांकडून प्रचंड समर्थन झाले आहे. आणि हे असले मिपाकर लोक्स काही GenZ नाहीत, ते शिंगे मोडून वासरांत शिरत आहेत. सध्या त्यांना मजा वाटत आहे, पण ज्यांचे ते समर्थन करत आहेत ती निरागस वासरे नाहीत, कठाळे आहेत, ते त्यांच्याच गाडीत शिंगे घुसवतील तेंव्हा त्यांना कळेल.

जंतरमंतर वरील आंदोलनात प्रभू श्री रामांचा अवमान करण्यात आला. माझ्यासहित अनेकांनी त्याचा निषेध नोंदवला. GenZ च्या तथाकथित अभिव्यक्तीचे समर्थन करणाऱ्यांनी या घटनेचा निषेध केला का? मिपावर तरी मला तसे दिसले नाही. 
 

तेंव्हा हिंदूंच्या पूज्यस्थानाचा अवमान ही बाब समाजकंटकांसाठी अतिशय सुगंधी, सुवासिक असेल, पण प्रत्यक्षात मात्र तो अतीशय किळसवाणा प्रकार आहे. आणि या किळसवाण्या प्रकारांचे मिपावरच्या हिंदूद्वेष्ट्यांकडून प्रचंड समर्थन झाले आहे.