Skip to main content

पॅरिसमधील मिपाकर आणि अपरिचित पॅरिसबद्दल आगामी लेखमाला.

लेखक चित्रगुप्त यांनी शुक्रवार, 29/05/2026 07:30 या दिवशी प्रकाशित केले.

नमस्कार मित्रहो.

नुक्ताच पॅरिसमधे दाखल झालेलो  असून यावेळी दीर्घ मुक्काम करण्याचा विचार आहे. पॅरिस शहरात किंवा आसपास थोडेतरी मिपाकर असतील असे वाटते. तुम्ही जर यापैकी असाल किंवा तुमच्या माहितीत तसे कुणी असेल तर अवश्य कळवा. 

पॅरिस म्हटले की आयफेल टॉवर आणि मोनालिसा या दोनच गोष्टी पटकन आठवतात. परंतु अनेक ऐतिहासिक जागा, संग्रहालये, उद्याने, लेखक - कलावंत - शास्त्रज्ञ - तत्वचिंतक, राजे-राण्या इत्यादिकांची स्मारके, इमारती, पूल, भुयारे, दफनभूमी,  ग्रंथालये अशा अनेक  रोचक गोष्टी या शहरात सर्वत्र  विखुरलेल्या आहेत. 

– बहुतांश पर्यटकांसाठी अपरिचित असणाऱ्या अश्या जागांबद्दल लवकरच एक  लेखमाला  मी सुरु करणार आहे. 

लेखनविषय:
लेखनप्रकार
वाचने 893
प्रतिक्रिया 25

प्रतिक्रिया

श्रीगुरुजी शुक्रवार, 29/05/2026 07:58

अरे वा! पोहोचलात का पॅरिसला. यावेळी भेटायला जमले नाही. 

 

मस्त लेखमाला लिहा. त्याआधी मोनालिसावरील अपूर्ण लेखमाला पूर्ण करा.

 

 

चित्रगुप्त शुक्रवार, 29/05/2026 10:29

श्रीगुरुजी, मोनालिसावरील लेखमालेचा पाचवा भाग लिहीण्याचे गेली पाच-सहा वर्षे राहून गेलेले आहे. मुळात ती  कथा संपूर्णपणे काल्पनिक, त्यातून असा दीर्घ खंड पडल्यामुळे  पुढील कथा सुसुत्रपणे सुचत जाणे कठीण झाले होते, म्हणून आता उलटे करण्याचे ठरवले, म्हणजे आता निदान पॅरिस भटकंती आणि काहीतरी लिहीणे सुरु करायचे, मोनालिसा कथेशी संबंधित जागांवर जायचे, दा विंचीची चित्रे बघायची, पॅरिसमधल्या भव्य ग्रंथसंग्रहालयातली पुस्तके चाळायची, यातून पुढली कथा सुचत जाईल असे वाटते आहे. 

त्या अपूर्ण कथेची अजून रसिक वाचकांना आठवण आहे, हा विचार सुद्धा प्रेरणादयक आहे. 

श्रीगुरुजी शुक्रवार, 29/05/2026 13:03

लुव संग्रहालयास भेट देणार आहात का? आता प्रवेशशुल्क बरेच वाढविल्याचे वाचनात आले. संग्रहालयापासून चालत जाण्याच्या अंतरावर एका लहानशा उद्यानात "The Thinker" हा विचारमग्न पुरूषाचा पुतळा आहे. जमल्यास तो पाहून या.

चित्रगुप्त शुक्रवार, 29/05/2026 13:34

या संग्रहालयाचे एका दिवसाचे तिकीट आता ३२ युरो झाले आहे, परन्तु वर्षभराचा पास ९३ युरो असल्याने तो घेतो आहे. तसेच  दर महिन्याला बस + मेट्रो + ट्राम (अमर्याद भ्रमंती) पासही घेत राहीन (प्रतिदिन: 12.30€, साप्ताहिक: 32.40€, आणि मासिक 90,80€) 

श्रीगुरुजी शुक्रवार, 29/05/2026 13:47

दोन वर्षांपूर्वी लुव संग्रहालयास भेट दिली होती. अगदी आयत्यावेळी प्रवेशपत्रिका घेतली, तेव्हा ३९.७० युरो प्रत्येक प्रवेशपत्रिकेसाठी द्यावे लागले होते. पण त्याचे दु:ख नाही. लुव संग्रहालय हा अविस्मरणीय अनुभव आहे.

अमरेंद्र बाहुबली शुक्रवार, 29/05/2026 15:51

मी देखील ३ वर्षाधी गेलो होतो, इतक मोठ संग्रहालय आहे की पाहून पाहून थकतो. बाकी पायी खूप फिरलो पॅरिस, सकाळी आठ ते रात्री १० सतत ४ दिवस.

शेखरमोघे शनिवार, 30/05/2026 02:27

"पॅरिस म्हटले की आयफेल टॉवर आणि मोनालिसा या दोनच गोष्टी पटकन आठवतात"

नका हो ठेऊ इतका सन्कुचित दृष्टिकोन ! किमान काही आगळ्या वेगळ्या वारुणी (शाम्पेन जी आता कुठल्याही विजयोत्सवासाठी अपरिहार्य, कोनॅक इ.इ.) आणि चीज, क्रॉस्सॉ (लिहिण्याप्रमाणे उच्चारायचे  असल्यास क्रॉइस्सान्ट) सारखे अस्सल फ्रेन्च खाद्यपदार्थ हे कसे काय नाही आठवत? 😊

 

पर्णिका शनिवार, 30/05/2026 02:56

किमान काही आगळ्या वेगळ्या वारुणी (शाम्पेन जी आता कुठल्याही विजयोत्सवासाठी अपरिहार्य, कोनॅक इ.इ.) आणि चीज, क्रॉस्सॉ (लिहिण्याप्रमाणे उच्चारायचे  असल्यास क्रॉइस्सान्ट) सारखे अस्सल फ्रेन्च खाद्यपदार्थ हे कसे काय नाही आठवत? 😊.   

असंख्य प्रकारचे क्रेप्स विसरलात का ? 😀
फक्त पॅरिसच का ? 

कंट्रीसाईड फार सुंदर आहे ... जमलं तर Annecy या टाऊनला नक्की भेट द्या, मला फार आवडलेलं ... Lively without feeling packed. 

श्रीगुरुजी शनिवार, 30/05/2026 08:29

हो. मी बोन (Beaune) या पॅरीसपासून (खरं तर पारीपासून) एक दीड तास अंतरावर असलेल्या एका गावात गेलो होतो. खूप सुंदर गाव आहे. 

शेखरमोघे शनिवार, 30/05/2026 08:32

असंख्य प्रकारचे क्रेप्स विसरलात का ? 

मुळीच नाही, पण आठवणीने लिहिलेच पाहिजेत असे इतके खाद्यपदार्थ (आणि पेये) आहेत की कुठे तरी ती यादी थोपवावी लागते.

आता उदाहरणार्थ पहा:  ज्याला आपण फक्त कोणचीतरी ब्रॅन्डी असे म्हणू त्याच पेयाला फ्रेन्च लोक (मला माहित असेलेली किमान दोन नावे) Cognac and Armagnac असे दोन पर्याय देतात आणि त्याखेरीज V.S. (Very Special), V.S.O.P. (Very Superior Old Pale),  

Napoléon, X.O. (Extra Old) आणि X.X.O. (Extra Extra Old) असे अनेक दर्जे देखील ठरवतात. लिहावे तरी काय काय?  

  

 

पर्णिका रविवार, 31/05/2026 01:59

अगदी सहमत... किंबुहना युरोपमधील फूड फार आवडतं.
जेन झी पब्लिक मात्र pancakes and hash browns शिवाय कसेबसे दिवस काढतात. 😂

कर्नलतपस्वी शनिवार, 30/05/2026 12:02

पॅरिस म्हटले की आयफेल टॉवर आणि मोनालिसा या दोनच.....

 

मला तीसरी एक गोष्ट  आठवते. श्रावण घेवडा,  

याचा व फ्रान्स चा  काही संबध आहे का?

 

लेख मालेच्या प्रतिक्षेत. 

प्रा.डॉ.दिलीप बिरुटे सोमवार, 01/06/2026 15:39

लिहा....!

 

-दिलीप बिरुटे

तिता मंगळवार, 02/06/2026 01:39

माझी बायको अणि मी ट्रिप plan केली आहे.  4 दिवस पॅरिस अणि नंतर 4 दिवस rent a car घेऊन Normandy area.  Popular आणि offbeat combination.  तुमच्या suggestions चा फायदा करून घ्यावा म्हणतो.  पु भा प्र

चित्रगुप्त बुधवार, 03/06/2026 01:49

पॅरिसमधे चित्रकला, मूर्तीकला, वास्तुकला यांचे खजिने आहेत. ते सगळे नीट बघायला पुष्कळ दिवस हवेत. तुमची आवड- निवड कळवा म्हणजे सुचवू शकेन. 

सध्या गुडघा दुखत असल्याने मला जरा सावकाशीने फिरावे लागेल, त्यामुळे लेखन पण हळूहळू होईल. तुम्ही केंव्हा येणार आहात पॅरिसला ? 

तिता बुधवार, 03/06/2026 02:35

आम्हाला कलेची आवड आहे पण सखोल ज्ञान नाही. Museums ची entry fee पण मजबूत असते. आम्ही Louvers बघू पण बाकीचे Skip करू.

आम्हाला Paris चा feel येईल असे भटकायला आवडेल- iconic जागा,  सोशल development,  local food - fine dining नाही.

काही जागा राहून कळतात पण published itinerary मध्ये नसतात.  

तुम्ही suggestions दिल्या तर मला ठरवता येऊ शकेल. चर्चा इथेच केली तर कुणाची हरकत नाही असे assume करतोय.

अमरेंद्र बाहुबली बुधवार, 03/06/2026 11:49

चित्रगुप्त काकांनी आखून दिलेल्या प्लान नुसार पॅरिस मनसोक्त भटकून झाले होते! कमी वेळात भरपूर वास्तू, म्यूजियम पाहून झाले. ❤️

काका साहेबांचे धन्यवाद. त्यांनी अगदी कुठल्या वास्तूला काय उच्चारावे हे देखील सांगितले त्यामुळे फ्रेंच चा ओ का ठो न कळणाऱ्या मला बरेच सोपे गेले पॅरिस!