नारायण धारप यांच्या भयकथा !!!

धारपांच्या कथा वाचल्या आहेत. आत्ताच मला कुठल्या तरी पुस्तक प्रदर्शनात समन्वय प्रकाशन कोल्हापूर यांनी त्यांची बरीच पुस्तके नव्याने प्रकाशित केलेली दिसली आहेत. माझ्याकडे आता नारायण धारपांचं फक्त 'फरिस्ता' शिल्लक आहे, वाचायला घेऊन गेलेली पुस्तके अजून परतली नाहीत. धारपांच्या कथा वाचकांना खिळवून ठेवतात एवढं मात्र नक्की. वर्णनं मला आवडतात. बाकी, ऑनलाइन वाचण्यापेक्षा पुस्तक संग्रही असलं पाहिजे, कधीही वाटलं की वाचायला कोणत्याही पानावरुन सुरुवात करायची आणि पुस्तकात हरवून जायचं. -दिलीप बिरुटे

त्यांचे सगळ्यात गाजलेले पुस्तक "लुचाई" होते का? ते वाचायची फार इच्छा आहे. एकदा दुकानात ४०० ला मिळत होते. गोष्ट वाचण्या-आधीच घाबरलो :). नंतर हिंमत करून गेलो पण पुस्तक मिळाले नाही.

वाखु साठवतो. रत्नाकर मतकरी यांची पुस्तके वाचलीत पण नारायण धारप यांची नाही. आता शोध घेतो.

धारपांचे प्रत्येक पुस्तक वाचनालयातून शोधून शोधून काढून वाचले आहे , पण त्यांच्या पुस्तकांचा संग्रह असावा अशी मनात इच्छा आली नि दर भारतभेटीत मी त्यांची व मतकरी ह्यांची पुस्तके विकत घेऊन येतो. बुकगंगा वर सवलतीत बहुतेक त्यांची पुस्तके मिळतील. मागे एकदा पुण्यात शुक्रवार पेठेत आभासी जगतातील मित्र मैत्रिणींचे स्नेह संमेलन भरले होते तेव्हा धारपांचा मी चाहता आहे हे सांगितल्यावर त्यांनी त्यांच्या घराच्या समोरील प्रशस्त वाड्याकडे बोट दाखवत हे धारपांचे घर असे सांगताच मी क्षणभर थरारलो. परकीय कथा आपल्या मातीत कश्या रुजावायःच्या ह्याचे अप्रतिम उदाहरण म्हणजे स्टीफन किंग च्या गाजलेल्या दोन जगप्रसिद्ध टेली मालिका इट व ग्रंडमा मूळ कथा धारपांच्या पुस्तकात वाचल्या असल्याने त्या प्रत्यक्ष पडद्यावर पाहण्यात मजा आली अवांतर महेश कोठारे ह्यांनी धारपांच्या कथा अनोळखी दिशा नावाच्या कार्यक्रमातून छोट्या पडद्यावर आणल्या , ते पाहून धारपांचे कट्टर चाहते हळहळले , डोक्याचे पार ......

अरे अजुन कोणी ऑनलाइन पुस्तके वाचायला मिळतिल का हे बोलतच नाही.... *dash1*

हा 'किल्ल्या' मला कायम किल्ल्या मारत असतो की, "नारायण धारप वाच." मी म्हंटल ,"दे एखादं पुस्तक, तर म्हणतो कसा घे कि विकत…"! मुळात मला रत्नाकर मतकरी यांच्या भयकथा वाचायची सवय "किल्ल्या" मुळेच लागली. पण नारायण धारप यांची एक एक कथा अख्खं एक पुस्तक बेतवते. शिवाय पुस्तकाची किंमत फक्त किल्लेदार लोकांनाच परवडेल अशी असल्याने माझ्या सारखे सवंग गडी तिकडे फिरकत नाहीत. ( उदाहरणा दाखल सांगतो कि मी अच्युत गोडबोले यांचे 'अर्थात' पुस्तक ३ महिने पैसे जमवून घेतलं होतं.)

आमच्याकडे धारपांचि सर्व पुस्तके आहेत. बाजिराव रोड वर एक जण जुनि पुस्तके विकत असतात. सरस्वति मन्दिर पाशि, पण आता असतात कि नाहि ठाउक नाहि. भयकथा वाचायच्या अस्तिल तर चंद्रकांत आणि धनंजय सुद्धा चांगलि मासिके आहेत.

डेलीहंट वर धारपांची बरीच पुस्तकं आहेत. काही काही अगदी ५ रुपयापासून उपलब्ध आहेत. माझी आवडती पुस्तकं: १) चेटकीण २) चंद्राची सावली ३) आनंद महल ४) दस्त ५) ४४० चंदनवाडी (नारायण धारपांचा पंखा) सुमीत भातखंडे

धारप माझे आवडते लेखक आहेत. शिरवळकरांनंतर मी धारपांचा फॅन आहे. मला धारपांना भेटायचे भाग्य देखील मिळाले आहे. आणि त्यांची स्वाक्षरी देखील! धारपांच्या ९०% कथा ह्या परकीय साहित्यावर आधारीत होत्या. विशेषत: त्यांच्या गाजलेल्या कादंबर्‍या. स्टीफन किंग आणि बरेच लेखक त्यांचा आधार होते. आणि ते ह्या गोष्टी प्रांजळपणे सांगत देखील. त्यांची खासियत म्हणजे ते मराठीकरण करताना मूळ कथा धरून त्याभोवती भारतीय साज खूप छान चढवायचे. बखळ, बळद, माजघर, ह्या गोष्टी त्यांच्या लिखाणातून सहज यायच्या. १०-१५ वर्षापूर्वीच्या पुणेकरांने हे शब्द माहित होते. आमच्या वाड्याच्या मागे बखळ होती, आणि मी लहान असताना सर्रास लाईटस्‌ गेले की धारपांच्या गोष्टी आठवून पाचावर धारण बसायची. धारपांनी उचललेल्या काही कथा-कादंबर्‍या: लुचाई- सलेमस्‌ लॉट - स्टीफन किंग आनंदमहल- शायनिंग- स्टीफन किंग शपथ- इट‌‌- स्टीफन किंग ( ह्यावर हिंदीमध्ये लिलीपूट, आशुतोष गोवारीकर आणि धारा तेलाच्या जाहितातीतला ’जलेबी’ म्हणणारा मुलगा ह्यांची ’वोह’ नावाची सिरीयल देखील आली होती. त्याचा इंग्लीश टी.व्ही. मूव्ही पण आहे १९९२-९३ बहुतेक. आणि २०१७ मध्ये तो मोठ्या पडद्यावर नवीन पद्धतीत बनत आहे. नंतर रूम नं. १४०८ ( १४०८ नावाचा सिनेमा आहे) ह्यावर त्यांनी स्टोरी पण लिहिली आहे. लवकरच समग्र धारप यादी जाहिर करेन. त्यात विज्ञानकथा, भय/गूढ कथा-कादंबरी, लहान मुलांसाठीच्या कथा, अनुवाद, साहस कथा, सामाजिक कादंबरी ह्या सगळ्यांची माहिती देण्याचा प्रयत्न असेन.

अरे वा धारपांवर बरीच चर्चा सुरु आहे :)

नुकतीच झी मराठीवर रात्री १०.३० ला सुरु झालेली ग्रहण मालिका धारपांच्या ग्रहण या कथेवरून घेतली असावी असा अंदाज आहे. ग्रहण

मराठी साहित्य online क्वचितच मिळते. आजकाल बरेचजन विकत घेऊन laptop/mobile वर वाचायला तयार आहेत. पण प्रकाशक उदासीन असतात मराठी साहित्य बदल. Google Books वर इतर भाषेचे भरपूर साहित्य मिळते पण मराठीचे फार कमी.

तुमच्या वाचनाचा वेग चांगला असेल तर फक्त 169 रुपयांत Amazon Kindle unlimited ची मेम्बरशिप घेऊन नारायण धारपांची बहुतेक सगळी पुस्तक एका महिन्यात वाचू शकता.

औरंगाबादच्या साकेत प्रकाशनाने 'लुचाई / अनोळखी दिशा खंड १ / २ / ३ ' प्रकाशित केले आहेत. मर्यादित प्रती!! लवकर आपली मागणी नोंदवा. संपर्क - साकेत प्रकाशन - ९८८१७ ४५६०५

धारपांच time travel वर एक पुस्तक का कथा आहे . एक बाई चुकून time travel ने स्वातंत्र पूर्व काळात जाते. तिला परत येता येत नाही पण ती चिठ्ट्या लिहून ठेवते असं काहीतरी आहे. कुणाला आठवते आहे का ?

धन्य्वाद किल्लेदार... सध्या outlander नावाची एक सिरीज बघतोय नेटफ्लिक्स वर त्यात असेच कथानक आहे . एक बाई १९५४ मधून एकदम १७५४ मध्ये जाते स्कॉटलंड मधून ....ती परत यायचा प्रयत्न करते पण नाही जमत मग तिकडेच लग्न करते आणि तिला परत यावा लागत ..फार मस्त आहे

मराठीतील श्रेष्ठ साहित्यिक नारायण धारप यांचे २००८ साली आजच्या दिवशी निधन झाले. त्यांच्या स्मृतीस श्रद्धांजली.

धारप. साहित्यातून वगळता न येणारे नाव.

आठवले, मीत्राला उर्मीला मातोंडकरचा नैना पिक्चर बघायला घेऊन जात होतो आम्ही तर तो म्हणाला उगीच पैसे देऊन घाबरायला जायचं काय