ताज्या घडामोडी । फेब्रुवारी २०२३

हिंदू कार्यकर्ते आणि नेते मणिकंदन यांची अज्ञातांनी हत्या केली आहे. ते हिंदू मक्कल काची नावाच्या स्थानिक हिंदू गटाचे दक्षिणी मदुराई उपसचिव होते. २०१९ मध्ये अशीच एक घटना नोंदवली गेली होती, जेव्हा पट्टाली मक्कल काची (PMK) या स्थानिक गटाचा सदस्य असलेल्या हिंदू कार्यकर्ता रामलिंगम यांची तंजावर जिल्ह्यातील कुंभकोणम येथे PFI गुंडांनी घरी परतत असताना हत्या केली होती. या कॄर हत्येमध्ये त्यांचे जिवंतपणी हात कापले होते. जास्त रक्तस्त्राव झाल्याने रामलिंगम यांचा रुग्णालयात नेत असतानाच मृत्यू झाला. स्थानिक हिंदू समाज नेतृत्त्वहीन करण्यासाठी अशा हत्या केल्या जातात असे दिसून येते.

निनाद भाऊ ...छे छे "फेक बातमी " भारतात हिंदूंवर अत्याचार कधीच होत नाहीत! .... काहीतरी गैरसमजुतीतून "रब्बा रब्बा ऍक्सीडेन्ट हो गया" असेल हो " आणि असल काही झाल तरी आमच्य्या कडे त्या विरोधी मोर्चा काढायला मेणबत्या संपलया आहेत किंवा काडेपेट्या पण संपल्या असतील .. आणि काड्या काही शिल्लक असतील तर त्याचा वपर खालील दोन गोष्टनसाठी करण्यात आम्ही मग्न आहोत त्यामुळे उगाच हे हिंदूंवर अत्याचार वैगरे तुणतुणे लावू नका १) काड्या वापरून थोडी आग पेटव्याची आहे कि जेणेकरून प्रिय राजपुत्र रागा यांना जी काश्मीर मध्ये बर्फामुळे थंडी वाजली ती कमी करता येईल .. ती कमी झाली कि मग "मी पुन्हा ३७० आणीन" या साठी त्याना बळ येईल २) अडानि आणि शेठ ला कशी माती खायला लावली या आनंदत्सवासाठी होळी आहे ( लाल भडक ) त्याला हि काही काड्या लागतात

घडामोडींचा महिना आहे. १) जुन्या नव्या करपद्धतींची तुलना इथेही पाहता येईल. https://www.indiatoday.in/business/budget-2023/story/union-budget-incom… २) लिखाणात दुवे (links) देताना ही युक्ती वापरण्यात आली -- ही target blank ची युक्ती सुरक्षित नाही असे बरेच डेव्हलपर म्हणतात. Links लहान असतील तर जशा आहेत तशा देणे योग्य ठरते कारण तोच लेख वाचकाने वाचला असेल किंवा त्या साईटवर विश्वास नसेल तर वाचक ती लिंक उघडण्याचे टाळू शकतो. ३)सर्च इंजिन bingचेही वापरावे. काही साईटसवरची माहिती उद्बोधक आणि माहितीपर नसून भोंगळही (दोन चार वाक्यें पुन्हा पुन्हा लिहून जागा भरलेली) असते.

सामान्य करदात्यांना जुन्या पद्धतीमध्ये १० लाख उत्पन्नावर १.२५ लाख आयकर भरावा लागत होता आणि वरच्या उत्पन्नावर ३०% आता नवीन पद्धतीमध्ये १५ लाखावर १.५० लाख आणि वरच्या उत्पन्नावर ३०% आयकर आहे. त्यामुळे खिशात जास्त पैसा राहील असे वाटते. जाणकारांनी प्रकाश टाकावा.

तसेच ही सवलत काढल्याने ppf मधली गुंतवणूक बंद होईल. "Forced investments to save tax" बंद होईल. खूपच चांगली सुरुवात. हळूहळू आयकर प्रत्येक उत्पन्न गटाला लागू करावा आणि दर कमी ठेवावे. खासकरून कृषि उत्पन्नाला आयकर कक्षेत आणावे.

विधानपरीषदेच्या एकूण ५ शिक्षक-पदवीधर मतदारसंघात भाजपला पुन्हा एकदा जोरदार धक्का बसताना दिसतोय. यातील कोकण पदवीधर मतदारसंघात भाजपचा उमेदवार जिंकलाय, परंतु तो मूळ भाजपचा नसून शिउबाठातून आयात केलेला होता. नाशकात सत्यजित तांबे जिंकत आहेत, पण ते अपक्ष आहेत. संभाजीनगर शिक्षक मतदारसंघ राष्ट्रवादी कॉंग्रेसने राखलाय. मागील सलग २ वेळा अमरावती पदवीधर मतदारसंघात व नागपूर शिक्षक मतदारसंघात भाजप उमेदवार जिंकला होता. परंतु आज हे दोघेही हरले आहेत. म्हणजे ५ पैकी फक्त १ मतदारसंघात भाजप जिंकलाय, तो सुद्धा आयाराम आहे. २ मतदारसंघ भाजपने हातातून घालविले. २ वर्षांपूर्वी विधानपरीषदेच्या एकूण ६ शिक्षक-पदवीधर मतदारसंघात निवडणूक झाली होती. त्यात फक्त १ मतदारसंघात भाजप जिंकला, तो सुध्दा कॉंग्रेसमधून उमेदवार आयात करून. उर्वरीत ५ मतदारसंघात भाजप हरला होता. त्यात नागपूर पदवीधर (भाजप सलग ६ वेळा विजयी) व पुणे पदवीधर (भाजप सलग २ वेळा विजयी) या दोन्ही मतदारसंघात भाजपचा पराभव झाला होता. शिक्षक मतदारसंघ, विशेषतः पदवीधर मतदारसंघ सुशिक्षित मतदारांचा मतदारसंघ असतो. भाजपला सुशिक्षित वर्गात मोठा पाठिंबा आहे असे गृहीतक आहे. परंतु या ११ मतदारसंघात फक्त २ ठिकाणी भाजप जिंकला (आयात उमेदवारांमुळे) व पूर्वी जिंकलेले किमान ४ मतदारसंघात भाजपचा पराभव झालाय. या मतदारसंघात साधारणपणे १ ते ४ लाख मतदार असतात व ही संख्या दुर्लक्षिण्याजोगी नाही. भाजप फक्त आयारामांच्या जिवावरच जिंकतो व मूळ भाजप उमेदवारांना मतदार जिंकून देत नाहीत, असे चित्र २ वर्षांनंतरही कायम आहे. माझ्या मते भाजप समर्थक मतदारांची स्थानिक नेतृत्वाविरूद्ध (फडणवीस, चंपा, गिरीश महाजन, मुनगंटीवार इ.) असलेली नाराजी यातून दिसते. भाजपने स्थानिक नेतृत्व बदलले पाहिजे हा यातून संदेश आहे. दोन वर्षांपूर्वी चंपा राज्याध्यक्ष होते व फडणवीस महाराष्ट्रात भाजपचे एकमेव प्रमुख नेता शिल्लक होते. मुंडे, तावडे, खडसे, बावनकुळे वगैरे नेत्यांना २ वर्षांपूर्वी अडगळीत टाकले होते. ६ महिन्यांपूर्वी फक्त बावनकुळेंना आमदार करून राज्याध्यक्ष करण्यात आले. इतर नेते अजूनही अडगळीत आहेत. बावनकुळे राज्याध्यक्ष झाले असले तरी निर्णयप्रक्रियेत त्यांना कितपत स्थान आहे याची कल्पना नाही. अजूनही सर्व निर्णय फडणवीसच घेत आहेत असे चित्र आहे. त्यामुळे बावनकुळेंना आणूनही फरक पडलेला नाही, कारण सर्व सूत्रे फडणवीसांच्याच हातात आहेत व या ११ मतदारसंघातील मतदारांनी याच विरोधात मत दिले आहे, असे माझे मत आहे. शिक्षक-पदवीधर मतदारसंघाच्या कौलाला फारसे महत्त्व नाही असे काही जणांना वाटेल. परंतु सलग दोन वेळा मतदारांनी स्पष्ट कौल दिला आहे. फडणवीसांना व त्यांच्या कोटरीला भाजपने नेतेपदावरून हटविले नाही व अडगळीत टाकलेल्या नेत्यांचे पुनर्वसन केले नाही, तर पुढील सर्व स्थानिक व विधानसभा निवडणुकीत हेच चित्र दिसेल. फडणवीसांना बहुतेक याचा अंदाज आला आहे, म्हणूनच १५ महापालिकांची मुदत संपून १ वर्षाहून अधिक काळ लोटल्यानंतरही तेथे निवडणूक टाळली जात आहे. या १५ पैकी ९ महापालिकेत भाजपची सत्ता आहे व निवडणूक झाल्यास बहुसंख्य महापालिकेत भाजपचा पराभव होऊन आपला फुगा फुटेल ही भीति असावी.

ऑक्टोबर २०१९ नंतर ४ विधानसभा मतदारसंघात पोटनिवडणूक झाली व विधानपरीषदेच्या शिक्षक-पदवीधर मतदारसंघाच्या एकूण ११ मतदारसंघात निवडणूक झाली. या १५ पैकी भाजपने फक्त ३ जागा जिंकल्या (पंढरपूर विधानसभा मतदारसंघ, धुळे पदवीधर मतदारसंघ व कोकण पदवीधर मतदारसंघ). या तीनही मतदारसंघात भाजपने इतर पक्षांचा नेता भाजपत आणून त्याला उमेदवारी दिली होती. इतर १२ पैकी अंधेरी मध्ये भाजपने आयत्या वेळी पळ काढला तर काही ठिकाणी अपक्षाला पाठिंबा दिला. पुढील विधानसभा निवडणुकीत काय होईल हे स्पष्ट दिसत आहे. आता कसबा व पिंपरी-चिंचवड विधानसभा मतदारसंघात २७ फेब्रुवारीस पोटनिवडणूक आहे. या दोन्ही जागा भाजपकडे आहेत व दोन्ही मतदारसंघात भाजपला फटका बसू शकतो. भाजप जिंकला तरी मताधिक्य खूप कमी असेल. विशेषतः कसब्यात भाजपने ब्राह्मण उमेदवार दिला नाही तर पराभव अटळ आहे.

रशिया-युक्रेन युध्दात नवी घडामोड होत आहे. १०-१२ दिवसांपूर्वी जानेवारीच्या ताज्या घडामोडींच्या धाग्यात जर्मनीकडून युक्रेनला दिल्या जाणार्‍या रणगाड्यांसाठी परवानगीचा उल्लेख केला होता. ती परवानगी आता जर्मनीने दिली आहे आणि काही दिवसातच जर्मन रणगाडे युक्रेनच्या मदतीला जातील. दुसरे महायुध्द हा रशियात अजूनही काळजाला भिडणारा विषय आहे. त्या युध्दाला रशियात Great Patriotic War असे म्हटले जाते. त्यामुळे रशियाविरोधात जर्मन रणगाडे हा आपल्या सैनिकांना चेतवायला एक मुद्दाच पुतीनकाकांना मिळाला. कालच दुसर्‍या महायुध्दातील स्टालिनग्राडच्या लढाईत जर्मन सैन्याच्या शरणागतीला ८० वर्षे पूर्ण झाली. ती लढाई तर रशियात अगदीच अभिमानाचा विषय आहे. तो धागा पकडून पुतीनकाका म्हणाले- 'ज्या प्रकारे स्टालिनग्राडमध्ये आपण जिंकलो तसेच युक्रेनविरूध्द युध्दात जिंकू'. पुतीनकाकांची युक्रेन युध्दाची स्टालिनग्राडशी तुलना अंमळ गंडलेली वाटली. एक तर स्टालिनग्राडमध्ये रशियन आपल्या देशावरील आक्रमणाला तोंड देत होते ते आक्रमक नव्हते. त्यामुळे युक्रेन युध्दाशी त्याची तुलना कशी करता येईल? दुसरे म्हणजे स्टालिनग्राडपूर्वी रशियाची अवस्था अगदीच डेस्परेट (मराठी शब्द?) होती. जर स्टालिनग्राड पडले असते तर मग रशियाला आपला देश वाचविणे कठीण गेले असते त्यामुळे रशियन सैनिक आणि सामान्य लोक अगदी त्वेषाने लढले. त्याची युक्रेन युध्दाशी तुलना कशी होईल? तिसरे म्हणजे स्टालिनग्राडच्या लढाईपुढे युक्रेनमध्ये जे काही चालू आहे त्याला फार तर चकमकी म्हणता येईल इतकी मोठी ती लढाई होती. अशा चकमकी जिंकायला इतक्या मोठ्या लढाईत आपण जिंकलो होतो हे म्हणणे म्हणजे शाळकरी मुलांच्या गच्चीतील क्रिकेटच्या सामन्यात 'बघा आपण १९८३ चा वर्ल्ड कप जिंकलो होतो' असे म्हणून उत्साह निर्माण करणे झाले. हे बोलून आपल्याला अपेक्षेइतकी प्रगती युक्रेनमध्ये करता आलेली नाही हे पुतीनकाका मान्य करत आहेत का?

डेस्परेट = उतावीळ ?

बारीक बारीक हल्ले करून नाही मर्म करत राहाणे हेच ध्येय ठेवले आहे. त्यात यशस्वी झालेत. मोठ्या राष्ट्रांना युद्धसाहित्य तपासण्याची संधी मिळते, युक्रेनचा जीव जातोय. युरोपात तेल,गॅस पोहोचत नाही आणि जेरीस आणता येतंय त्यांना.

नाही मर्म करत राहाणे नुकसान करत राहायचे

बीबीसीने गुजरात दंगलीवरील इंडिया : दी मोदी क्वश्चन नावाची दोन भागाची डॉक्युमेंट्री प्रसारीत केली होती आणि त्यावर भारतीय प्रसारण मंत्रालयाने बंदी घातली होती. आता अनेकांनी ती डॉक्युमेंट्री बघितली असावी. आता हे प्रकरण सर्वोच्च न्यायालयात गेले असून बीबीसीचा माहितीपट रोखण्याचा मूळ नोंदी सादर करा असा आदेश सर्वोच्च न्यायालयाने सरकारला दिला. जेष्ठ पत्रकार, एन. राम.तृणमल, काँग्रेस खासदार महुआ मोईन्ना आणि अ‍ॅड. प्रशांत भूषण आदींनी या प्रकरणात याचिका दाखल केली आहे. -दिलीप बिरुटे

२०१४ विधानसभा निवडणुकीत पुण्यातून ३ ब्राह्मण आमदार निवडून आले होते. २०१९ मध्ये फडणवीसांच्या मराठा लांगूलचालन धोरणामुळे कोथरूड व शिवाजीनगर मतदारसंघातील ब्राह्मण आमदारांना घरी पाठवून मराठा उमेदवार दिले. फक्त कसब्यात ब्राह्मण आमदार शिल्लक राहिला आता मुक्ता टिळकांच्या निधनानंतर ब्राह्मण उमेदवार देण्याऐवजी हेमंत रासने हा मराठा उमेदवार दिला आहे. म्हणजे पुण्यातून आता एकही ब्राह्मण आमदार नाही. पिंपरी चिंचवड मध्ये मात्र लक्ष्मण जगतापांच्या पत्नीला उमेदवारी दिली आहे. परंतु कसब्यात मुक्ता टिळकांच्या कुटुंबातील कोणालाही उमेदवारी दिली नाही. २०२४ लोकसभा निवडणुकीत गिरीश बापटांऐवजी मुरलीधर मोहोळ किंवा संजय काकडे हे उमेदवार असणार. एकंदरीत राजकारणातून सर्व ब्राह्मण लोकप्रतिनिधींना संपविण्याची फडणवीसांची चाणक्यनीति आहे. कसब्यातील भाजपच्या मतदारांनी रासनेला हरवून फडणवीसांना धडा शिकवावा अशी इच्छा आहे. २०१९ मध्ये मेधा कुलकर्णी चंपाच्या आश्वासनांना न फसता अपक्ष उभ्या राहिल्या असत्या तर सहज निवडून आल्या असत्या. आता सुद्धा शैलेश टिळक अपक्ष किंवा कॉंग्रेसकडून उभे राहिले तर सहज निवडून येतील. फडणवीसांची सर्व कारस्थाने पूर्ण फसली आहेत हे २०१९ विधानसभा निवडणुकीपासून अनेकदा सिद्ध झाले आहे. २०१९ मध्ये सत्ता घालवून बसले. नंतर झालेल्या विधानसभा व विधानपरीषदेच्या एकूण १५ मतदारसंघांच्या निवडणुकीत फक्त ३ मतदारसंघात विजय मिळाला व तो सुद्धा आयाराम पक्षात आणून. उठांना घालविले, परंतु मुख्यमंत्रीपद मिळाले नाही व भाजपला फक्त ९ मंत्रीपदे मिळाली. २०१९ चे सरकारही जेमतेम ८० तासात आटोपले. दुर्दैवाने ना फडणवीस यातून काही धडा घेताहेत ना मोदी-शहा.

परवेझ मुशर्रफ मेला. मरणान्तानि न वैराणि वगैरे बकवास व्यक्तिशः मला तरी अजिबात मान्य नाही. तो जिवंत असताना हलकट होता आणि कायमच हलकटच राहणार आहे. तरीही ही बातमी २५ वर्षांपूर्वी आली असती (किंवा खरं तर तो जन्मलाच नसता) तर त्याचा काहीतरी उपयोग होता. आता तो काहीही करण्याच्या स्थितीत नसताना मेल्यावर जगाचा काही विशेष फायदा झालेला नाही. तरीही हजारो भारतीयांच्या मृत्यूला जबाबदार असलेला मुशर्रफ मेला याचा आनंद आहे. https://www.hindustantimes.com/world-news/former-pakistani-president-pe…

मुशर्रफ कोल्ह्यासारखा धूर्त होता. त्याने धूर्तपणे अमेरिका व भारतालाही यशस्वीपणे खेळविले आणि हे करीत असताना त्याने आय एस आय, तालिबान, दहशतवादी यांना पोसून दहशतवादाचा भस्मासूर मोठा केला. एकीकडे तालिबानचा नि:पात करण्यासाठी अमेरिकेला मदत व त्या मदतीच्या बदल्यात अब्जावधी डॉलर्स किंमतीची मदत व शस्त्रास्त्रे मिळविणे आणि दुसरीकडे गुपचूप तालिबान, अल कैदा, लादेन अशांना मदत असा डबल गेम तो अत्यंत यशस्वीपणे खेळला. नवाज शरीफला घालवून सत्तेवर बसणे, भारताच्या कोणत्याही इशाऱ्याला व धमकीला भीक न घालता मसूद अझर, दाऊद अश्या वॉंटेड दहशतवाद्यांना सर्व प्रकारे मदत देऊन भारतात वारंवार दहशतवादी हल्ले करणे, भारताचे विमान अपहरण, लादेनला सर्व प्रकारची मदत, लादेन व मुल्ला ओमरला गुपचूप आश्रय देणे, हे सर्व करीत असताना वाटाघाटींचे नाटक रंगवून जगाच्या डोळ्यात सातत्याने धूळ फेकणे, नवाज शरीफ व बेनझीर भुट्टो या विरोधकांना देशाबाहेर जाण्यास भाग पाडणे . . . हे सर्व करण्यात मुशर्रफ अत्यंत यशस्वी झाला होता. इतके धूर्त राजकारणी जगाच्या इतिहासात क्वचितच झाले असतील.

श्रीगुरुजी यांचा अंदाज योग्य ठरला आणि टिळकांचा तिकीट कापला आहे. सध्या पुण्यात यांबाबत बराच रोष दिसतो. अर्थात ३-५ % असलेल्या समाजाला कोणी हिंग लावून विचारणार नाही. भाजपच्या सुरुवातीच्या काळात या पक्षाला ज्या समाजाने साथ दिली, पक्ष वाढवला त्या समाजाला भाजपने बरोबर धोबी पछाड दिली आहे. भाजप ला खात्री आहे की हे लोक काँग्रेस, रा काँग्रेस कडे जाणार नाहीत.. त्यामुळे घर की मुर्गी टाईप अवस्था आहे

त्यात अजुन काही "जाणते राजे" बी ग्रेड वगैरे नावाखाली गुंड पोसुन आणि पुणेरी पगडी ऐवजी फुले पगडी घालणे, दादोजी कोंडदेव आणि शिवरायांचे एकत्र असलेले पुतळे कापुन वेगळे करणे, असे उद्योग करुन (आणि आरक्षणाचे मुद्दे उपस्थित करुन्/मोर्चे काढुन) मराठा समाजाची वोट बँक मिळावी म्हणुन धडपड करत आहेत. खरेतर हे फोडा आणि राज्य करा असले प्रयत्न लोकांनी एकत्रित रित्या हाणुन पाडले पाहीजेत.

या भूकंपाची शक्यता आधीच वर्तवली गेली होती. https://www.news18.com/news/explainers/turkeys-earthquake-was-eerily-pr…

आसाम सरकारने पोक्सो कायद्यांतर्गत १४ वर्षांपेक्षा कमी वयाच्या मुलींशी विवाह करणार्‍या पुरुषांना पकडण्याचे बालविवाह कायद्याच्या बंदी अंतर्गत अटक करण्याचे निर्देश दिले आहेत. अशा ४०७४ गुन्ह्यांमध्ये आठ हजाराहून अधिक आरोपींची नावे आहेत. यापैकी बहुतांश बालविवाह हे खालच्या आणि मध्य आसाम जिल्ह्यांमध्ये झाले आहेत ज्यात अवैध बांगलादेशी स्थलांतरितांची संख्या मोठी आहे. पोलिसांनी मोठ्या प्रमाणावर कारवाई केल्यामुळे एका समाजात खळबळ उडाली आहे. एकट्या बराक व्हॅली जिल्ह्यात १०० हून अधिक विवाहसोहळे रद्द करण्यात आले आहेत. आजवर या विवाहांवर आक्षेप घेतला जात नव्हता. तथापि बाल विवाहांना कायद्याच्या चौकटीत आणले गेल्याने बाल लैंगिक शोषणाला आळा बसणार आहे.

मदरशात अल्पवयीन मुलीवर बलात्कार केल्याप्रकरणी मौलानाला २० वर्षांची शिक्षा दिली आहे. सुनावणीदरम्यान आरोपी मौलाना झीशान आणि पीडितेचा वैद्यकीय अहवाल शिक्षेचा मोठा आधार ठरला. पोलिसांच्या वतीने सरकारी वकील अल्पना थापा यांनी न्यायालयात युक्तिवाद केला. डेहराडूनमधील पटेल नगर पोलीस स्टेशन परिसरात घडली. अल्पवयीन मुलीचे वडील कुटुंबाचा उदरनिर्वाह करण्यासाठी टॅक्सी चालवत होते. मौलाना झीशान हा त्यांचा शेजारी होता. मौलाना शेजारच्या मदरशात शिकवायचा. घटनेच्या दिवशी मुलीचे वडील कामानिमित्त बाहेर गेले होते. पीडितेच्या वडिलांनी तक्रारीत म्हटले आहे की, घटनेच्या दिवशी त्यांची मुलगी अंगण झाडत होती. यावेळी शेजारी राहणाऱ्या मौलाना झीशानने पीडितेला त्याच्यासाठी पाणी आणण्यास सांगितले. मुलगी पाणी घेऊन आरोपीकडे गेली असता झीशानने तिला मदरशातील एका खोलीत बंद केले. यावेळी त्याने अल्पवयीन मुलीवर बलात्कार केला. त्यानंतर कुणाला सांगितल्यास जीवे मारण्याची धमकीही दिली. घाबरलेल्या पीडित मुलीने हा सगळा प्रकार घरच्यांना सांगितला. कुटुंबाने या प्रकरणात एफआयआर दाखल केला होता.

द वॉशिंग्टन पोस्टने दिलेल्या अहवालात असा दावा करण्यात आला आहे की अनेक देशांमध्ये चिनी हेरगिरी पाळत ठेवणारे आकाशात तरंगणारे फुगे वापरत आहे. वॉशिंग्टन पोस्टने दावा केला आहे की पीपल्स लिबरेशन आर्मी किंवा चीनी पीएलए भारत, जपान, व्हिएतनाम, तैवान आणि फिलीपिन्स सारख्या देशांमध्ये मोठ्या प्रमाणावर पाळत ठेवत आहे. अहवालात असे म्हटले आहे की चीनच्या दक्षिण किनार्‍यावरील हैनान प्रांतातून काही प्रमाणात कार्यरत असलेला पाळत ठेवणारा बलून कार्यक्रम चीनसाठी धोरणात्मकदृष्ट्या महत्त्वाच्या असलेल्या देश आणि क्षेत्रांमधील लष्करी मालमत्तेची माहिती गोळा करत आहे. या चिनी टेहळणी फुग्यांना मार्गदर्शक उपकरणे बसवली जातात मग विशिष्ट दिशेने जाणारे वारे पकडण्यासाठी ते फुग्याची उंची बदलतात. काहीवेळा यांना प्रोपेलर्स पण बसवलेले असतात. जानेवारीमध्ये भारतीय पूर्वेकडील बेटावर लष्करी सराव करत असताना एक रहस्यमय आणि संशयास्पद फुगा त्यांच्या निदर्शनास आला होता. असाच एक फुगा पोर्ट ब्लेअरवर उंच फिरताना दिसला होता. आजच्या जगात हेरगिरी करण्यासाठी उपग्रह असतांना चीन हे फुगे वापरतो कारण उपग्रहाच्या तुलनेने जमिनीच्या जवळ उडतात. शिवाय ते मंदपणे हालचाल करतात त्यामुळे ते अधिक स्पष्टपणे हेरगिरी करू शकतात. यांना रिमोट ऑपरेटर पायलट असेल एखाद्या ठिकाणी आवश्यकतेनुसार थांबून राहू शकतात. हे फुगे आवश्यकतेनुसार उपग्रह किंवा सर्व्हरला जोडलेले असू शकतात. यामुळे त्यांच्यावर नियंत्रण ठेवता येते. यात विवीध कॅमेरे बसवले जातात. इन्फ्रारेड कॅमेरे असतील तर हे फुगे रात्री ही फोटो किंवा व्हिडियो घेतात. या शिवाय गुप्तचर फुग्यांमध्ये अनेक सेन्सर असतात. हे इलेक्ट्रॉनिक सिग्नल लष्करी रेडिओ लहरी किंवा मोबाईल फोनवरील मायक्रोवेव्ह लहरी पकडतात. उपग्रहांना हे रेडियो सिग्नल प्रदीर्घ काळासाठी पकडणे शक्य होत नाही. या उपकरणांना उर्जा देण्यासाठी सोलर पॅनल्स बसवली जातात. एका उपग्रहापेक्षा स्वस्तात एक हेरगिरीचा फुगा तयार होऊ शकतो आणि काही वेळा तो तूलनेने अधिक चांगले कार्य करू शकतो. भारताने असा गुप्तचर फुग्यांचा उपयोग केल्याने अजून माहितीत आलेले नाही.

सीएनएनच्या म्हणण्यानुसार, या आठवड्याच्या सुरुवातीला टर्की आणि सीरियामध्ये झालेल्या विनाशकारी भूकंपातील मृतांची संख्या सुमारे वीस हजार झाली आहे. तुर्कस्तानमध्ये भारतीय सैन्याचे हॉस्पिटल सुरू झाले आहे. या शिवाय भूकंप मदत कार्यासाठी बचाव कर्मचारी, जीवनावश्यक वस्तू आणि वैद्यकीय उपकरणे घेऊन भारताचे सहावे विमान तुर्कस्तानला पोहोचले आहे. सहाव्या फ्लाइटमध्ये भूकंपग्रस्त देशासाठी अधिक बचाव पथके, श्वान पथके आणि आवश्यक औषधे आहेत. -- अवांतर: इतिहासात पंधराव्या शतकात ऑट्टोमन हे क्रूर तुर्की शासक होते. याच भामट्या आक्रमक तुर्की लोकांनी अ‍ॅनटोलिया/अनातोलिया हा प्राचीन देश गिळंकृत केला. माहीत असेलेली हात लावेल ते सोन्याचे होईल ही मिडास या ग्रीक राजाची कथा याच देशातली. प्राचीन भारत आणि अनातोलिया यांच्यातील आर्थिक आणि सांस्कृतिक संबंध वैदिक युगापासून आहेत. येथे प्राचीन अग्नि मंदिरे आणि सूर्य मंदिरे होती. ती नष्ट केली गेली असे म्हणतात - इतिहासकारांनी यावर प्रकाश टाकावा! ऑट्टोमन तुर्की शासक म्हणजेच खिलाफत म्हणजेच संपूर्ण इस्लामी शासन! हे खिलाफतवाले इंग्रजांनी फोडून काढले आणि इस्लामी गुलामगीरीतून पूर्व युरोपची मुक्तता केली, खिलाफत संपवली. भारतावर आक्रमण करणारे तुर्की म्हणजे बाबर, हुमायून, हुमायून, अकबर, जहांगीर, शहाजहान, औरंगजेब! याशिवाय बख्तियार खल्जी आणि ऐबक वगैरे घाण पण याच भागतून भारतावर चालून आली. असो, खिलाफत संपली, इस्लामी शासन संपले याचे खुद्द तुर्कांपेक्षाही सगळ्यात जास्त दु:ख कुणाला झाले असेल तर - गांधीजींना! त्यांनी हे संपूर्ण इस्लामी शासन परत यावे म्हणून चक्क भारतात खिलाफत चळवळ केली होती आता बोला!!

BBC च्या दिल्लीतील कार्यालयावर Income Tax Department ची धाड पडलेली आहे. BBC विषयी जराही प्रेम नसले तरीही जरा एखांद्याने विरोध केला की Ed, CBI आणि आत्ता Income Tax खात अगदी प्रामाणिकपणे काम करतय. NDTV च्या ऑफिस वर्तीही अशीच CBI ची धाड पडलेली होती.

चंद्रसुर्यकुमार आणि गुरुजी तुम्ही म्हणता तशी दुसरी शक्यता असूही शकते. पण जास्त शक्यता ही BBC ने documentry केली म्हणून CBI ने धाड टाकली ही मला तरी वाटतेय. भाजप Ed, CBI चा वापर विरोधकांना संपवायला करतय हे सुर्यप्रकाशा सारखे स्पष्ट आहे. एकदा का विरोधक भाजपात आला की ह्या संस्था त्यांच्याकडे परत चुकूनही बघत नाहीत. हेच logic मिडियाविरोधातही असणार.