शेन वॉर्नची अकाली एक्झिट

जगप्रसिद्ध फिरकीपटू शेन वॉर्न गोलंदाजीला आला म्हणजे आपल्या विकेट्स काढणार अशी एक धाकधुक तो गोलंदाजीला आला म्हणजे असायची. सचिनने त्याला धु धु धुतल्यावर सचिन मला स्वप्नातही धुतोय असे खेळाडूवृत्तीने सांगणारा, हातभर बॉल आत-बाहेर काढत आपल्या एका ख़ास शैलीत छोट्याशा रनप घेऊन गोलंदाजी करणारा, आपले कपाळावर येणारे केस बोटांनी मागे ढकलणा-या या जगप्रसिद्ध क्रिकेटपटूची अशी अचानक एक्झिट दुःखद आहे. कायम स्मरण राहील. भावपूर्ण श्रद्धांजली.

-दिलीप बिरुटे

शब्दच नाहीयेत, एकदम अचानक.. :(

रिस्ट बँड लावलेले त्याचे ते जाडजुड मनगट आणि त्या मनगटाच्या जोरावर हातभर वळवलेला चेंडू खेळताना भल्या भल्यांची हबेलांडी उडताना पहायला मजा यायची.

जगातल्या कुठल्याही मैदानावर चेंडू वळावण्याची ताकद असलेले दोनच गोलंदाज, एक मुरली आणि दुसरा शेन वॉर्न. संपूर्ण क्रिज चा तो यथेच्च वापर करायचा.

फलंदाजावर दबाव आणण्याकरता कोणत्याही थरला जायला तो मागे पुढे पहायचा नाही. विचित्र फिल्डिंग लावणे, खोटी अपिल करणे इत्यादी तो बिनदिक्कत करायचा.

सचिनची आणि त्याची जुगलबंदी बघायला मजा यायची. सचिन अतिशय सहज पणे त्याला खेळून काढायचा.

पण एकदा त्याला सेहवागनेही खुप दमवले होते. मला आठवते ती सेहवागची चेपॉकच्या मैदानावरची खेळी. इरफान पठाणच्या साथीने त्याने यशस्वी पणे किल्ला लढवला होता. आपल्या नैसर्गिक खेळाला मुरड घालून संघाकरता खेळणारा सेहवाग आणि त्याची विकेट काढण्यासाठी जीवापाड धडपड करणारा शेनवॉर्न अजूनही लक्षात आहेत.

तो जिकडे कुठे असेल तिकडे मजेत असेल.

पैजारबुवा,

वाईट बातमी. फार अकाली.

त्याचा तो बॉल ऑफ द सेन्च्युरी, ९० अंश वळलेला. त्याचा व्हिडो शोधणे आले.

क्रिकेटमधे डावखुरे फलंदाज व लेगस्पिन गोलंदाजी करणारे फिरकीपटू नैसर्गिकपणे इतरांपेक्षा अधिक कलात्मक वाटतात. शेन वॉर्नच्या गोलंदाजीमधे यांत्रिकपणपेक्षा कलात्मकता ठासून भरलेली आहे असे जाणवत राहायचे. हाडाच्या क्रिकेट रसिकांना खेळाचा मनमुराद आनंद शेन वॉर्नची गोलंदाजी पाहताना पुरेपूर मिळत राहायचा. विश्वचषकांमधले महत्त्वाच्या सामन्यांतही अवघड परिस्थितीत मोक्याच्या क्षणी बळी घेऊन शेन वॉर्न सामन्यांचे पारडे ऑस्ट्रेलियाकडे झुकवायचा.

त्याच्या अकाली मृत्यूमुळे दु:ख झाले. त्याला भावपूर्ण श्रद्धांजली.

ऐनवेळी या विषयावर केलेले थोडक्यात पण संतुलित संतुलित लेखन भावले.

शेन वॉर्न यास श्रद्धांजली.

गेल्या ऑगस्टात तो करोनामुळे रुग्णालयात दाखल होता. त्या वेळेस श्वासोत्तेजकही लावला होता. कदाचित लस दिलेली असू शकते. त्या लशीच्या दुष्परिणामामुळे जीव गेलेला असू शकतो. करोनालशीपायी हृदयाचा दाह होऊन हृत्शूल बळावून ( हार्ट अॅटॅक येऊन ) जीव गेल्याच्या असंख्य घटना घडल्या आहेत. तीव्र चयापचय असलेले खेळाडू, तरुण वगैरे गटांत याचे प्रमाण अधिक आहे.

ज्योकोव्हिचने लस नाकारून चांगला पायंडा पाडला आहे.

-गा.पै.

काय अफाट कलाकारी ती! कमालीचा खडूसपणा भरलेला पण त्यामागची ती कलाकारीची दमदार बैठक नजाकत द्यायची!
भारतीय उपखंडात त्यामानानं कमी चालला वॉर्न पण बाकी जगात धुमाकूळ घातलेला त्यानं. बिरुटेसर वर म्हणतात तसे अगदी अक्षरशः बोटांवर नाचवायचा तो!
आज पेपरातच वाचली डायरेक्ट बातमी... जबर धक्का बसला. आणि जायच्या १२च तास आधी म्हणे त्यानं रॉडनी मार्शना श्रद्धांजलीचं ट्वीट केलेलं होतं. चटका लावून जाणारा शेवट.. :-(

जादूगार . ग्येला. :(

श्रद्धांजली!
कधी काळी शेन वॉर्नची नक्कल करत बॉलींग टाकत होतो. खरंच एक महान बॉलर होता तो. मुरली पेक्षा कधी पण तोच आवडत होता. कागदावर कदाचित मुरली असेल सरस पण माझा आवडता बॉलर म्हणजे वॉर्न!

गोलंदाजी असो, खाणे अन खासकरून पिणे असो, लफडी कुलंगडी करणे असो पोरी फिरवणे असो वा मैत्री करणे निभावणं असो,

वॉर्न वॉज वॉर्न !

प्रोफेशनली अमेझिंग माणूस च्यामारी. इतका की ब्रॅडमनने आपल्या नव्वदाव्या वाढदिवशी दोनच क्रिकेटर्स बोलवले होते, एक तेंडुलकर अन दुसरा वॉर्न !

वॉर्नी, रेस्ट इन पीस मेट !

खेळपट्टी कशीही असो, पण त्याचा लेग स्पिन त्याच्या मनगटातच होता... जादूई फिरकीचा बादशाह

लोकहो,

शेन वॉर्नचा मुलगा जॅकसन वॉर्न याने बापाच्या मृत्यूसाठी लशीस जबाबदार धरलं आहे. इंग्रजी बातमी बातमी ( हटवलेली ) : https://principia-scientific.com/son-of-cricket-legend-shane-warne-blam…

वरील बातमीची प्रतिराशी ( गूगल क्याश ) : https://webcache.googleusercontent.com/search?q=cache:tsLvb2YQz0UJ:http…

प्रतिराशी गूगलकडून उडवली जाण्याआधी लेख वाचून घ्या. अन्यथा माझ्याकडे दुसरी प्रत आहे.

जॅकसन वॉर्नचं चलचित्र : https://www.thetruthseeker.co.uk/wordpress/wp-content/uploads/2022/03/V…

वरील बातमी व चलचित्रानुसार करोनाची लस घेतल्यावर शेन वॉर्नास छातीदुखी सुरू झाली. तिच्यावर उपचार घेण्यासाठी म्हणून तो थायलंडात गेला. तिथे त्याची प्रकृती अचानक गंभीर होऊन तो वारला. काही तासांपूर्वी रॉडनी मार्श हा माजी क्रिकेटपटूही अशाच काही कारणाने वारला होता. जॅकसन वॉर्नच्या म्हणण्यानुसार त्याचा बाप शेन हा व्यवस्थाग्रही ( सिस्टीम सपोर्टर ) होता. त्यानुसार शेनने लस घेतली होती. आणि नेमकी तीच उलटली.

जॅकसन वॉर्न पुढे म्हणतो की प्रस्थापितांतील उच्चपदस्थांना ही लस नसून विष आहे हे माहित आहे. मग त्यांनी लस नाकारायला हवी होती. पण ते ही दिसंत नाही. म्हणजे तो सूचित करतोय की, लस घेणारे प्रस्थापित उच्चपदस्थ डोक्याने बथ्थड आहेत.

तुम्ही हा संदेश जर वाचू शकंत असाल तर तुम्ही जिवंत आहात. तुमचा लशीचा ढोस घेऊन बहुधा बरेच दिवस झाले असावेत. त्यामुळे ती लस आतापावेतो विरून गेलेली असावी. म्हणजेच तुम्ही धोक्याबाहेर आहात. फक्त परत या झंझटात पडू नका. बाकी चालू द्या.

आ.न.,
-गा.पै.

फक्त परत या झंझटात पडू नका. बाकी चालू द्या.
हे विधान अतिशय बेजबाबदार आहे
असले मिपावरचे संदेश ना लक्षात घेता लोकांनी आप लया देशातील वयद्यकीय सल्ला लक्षात घयावा .. सुन्यास अधिक सांगणे ना लागे

यंदा तब्बल १५ खेळाडूंनी मायामी मास्टर्स टेनिस स्पर्धेतून अंग काढून घेतलंय ( इंग्रजी दुवा ) : https://thelibertydaily.com/buried-bombshell-tennis-world-rocked-as-fif…

लशीचे दुष्परिणाम उघड दिसंत असतांना सगळी वर्तमानपत्रं मूग गिळून गप्प बसलीत. घ्या सुया टोचून अन व्हा जायबंदी.

-गा.पै.