चंद्रायण..!

ही रात निळीशार, ओतीत चंद्र-धार... स्वप्नातल्या कळ्यांना देते नवा आकार! पाण्यात चंद्र-पक्षी, मांडून सौख्य-नक्षी... किरणावरी शशीच्या होतात मंद स्वार! पाहून चंद्र-मेळा, क्षितिजास ये उमाळा... नक्षत्र बांधतात तारांस एक-तार! स्वप्नील चंद्र-गाणे मधु-मीलनी उखाणे... गातात फूल, वारे छेडीत गंध-तार! एकांत चंद्र-वेडा, वितळून जात थोडा... देतो अनामिकेला अलगूजशी पुकार! उचलून चंद्र-मेणा, र्‍हदयात चंद्र-वेणा... कित्येक चंद्र-वेळा, करतात येरझार! — सत्यजित