एकदाच ओलांडून अंतर
पोहोचले मी तव हृदयाशी,
आठवते का तुला अजुनी
घडले जे जे काही नंतर?
उभी राहुनी टाचांवरती,
ओठ भिडवले धिटपणाने.
दात पकडती अलगद हल्लक
ओठांमधली मधाळ साखर..
वितळून गेले सभोवतालच,
विसरून गेले काळवेळ मी.
हात शोधती अधीर काही
स्पर्शही झाला हळवा कातर...
नको घडाया भलते काही
मनावरी ठेवलास पत्थर
पण...
मिठी अशी ती कातील होती
अजून होते तनात थरथर...
प्रतिक्रिया
12 Feb 2020 - 9:10 am | प्रचेतस
क्या बात है...!
एकदम रोम्यान्टिक.
12 Feb 2020 - 11:11 am | Rohini Mansukh
उत्कट भावना अलगदपणे टिपणारे हळुवार आणि नाजूक काव्य!!!
12 Feb 2020 - 2:00 pm | श्वेता२४
मानलं तुम्हाला! खूप आवडली.
13 Feb 2020 - 7:16 am | प्राची अश्विनी
:).
12 Feb 2020 - 5:23 pm | चौथा कोनाडा
सुंदर, तरल, अप्रतिम !
नको घडाया भलते काही
मनावरी ठेवलास पत्थर
पण...
मिठी अशी ती कातील होती
अजून होते तनात थरथर...
हे तर खासच !
12 Feb 2020 - 5:46 pm | शा वि कु
शृंगारिक कविता फार नाही वाचल्या, त्यामुळे फार आवडली.
13 Feb 2020 - 7:16 am | प्राची अश्विनी
धन्यवाद सर्वांनाच.
13 Feb 2020 - 11:45 am | ज्ञानोबाचे पैजार
लै म्हणजे लैच आवडली,
नको घडाया भलते काही
मनावरी ठेवलास पत्थर
हे भलते अवघड असते पण जमवावेच लागते नाहीतर मग वाट लागते.....
पैजारबुवा,
19 Feb 2020 - 9:50 am | प्राची अश्विनी
विडंबन नाही आलं अजून???
13 Feb 2020 - 12:51 pm | प्रा.डॉ.दिलीप बिरुटे
आवडली. धीट कविता.
-दिलीप बिरुटे
15 Feb 2020 - 10:41 pm | मिसळलेला काव्यप्रेमी
सुरेख
19 Feb 2020 - 9:49 am | प्राची अश्विनी
धन्यवाद!!
10 Apr 2020 - 11:09 pm | आगाऊ म्हादया......
13 Apr 2020 - 8:15 am | चलत मुसाफिर
एकदा धीर करून अंतर ओलांडले की काहीच 'भलते' रहात नसते.
कविता छानच.
14 Apr 2020 - 4:49 pm | मदनबाण
उभी राहुनी टाचांवरती,
ओठ भिडवले धिटपणाने.
दात पकडती अलगद हल्लक
ओठांमधली मधाळ साखर..
आहाहा...
मदनबाण.....
आजची स्वाक्षरी :- Badshah - Genda Phool | JacquelineFernandez | Payal Dev