काही काही कलाकृती/प्रसंग अवचित आवडून जातात. ते का आवडले हे सांगण्यासाठीसुद्धा काही वेळा आपल्याकडे शब्द नसतात. त्यांचीच आठवण जागवण्यासाठी हा धागा.. माझ्यापासूनच सुरुवात करतो :) - दिल चाहता है हा माझा खूप आवडता चित्रपट. भावून जातो. कलाकार, वातावरण, छायाचित्रण, पटकथा-संवाद, संगीत-गाणी; सगळं कसं मस्त जमून आलेलं! पण या चित्रपटाचा एक विशेष मला फार आवडतो. त्याची निळाई!! बहुतेक फ़्रेम्समधे हा निळा रंग कोणत्या ना कोणत्या स्वरूपात वापरल्या गेलाय. चित्रपटाच्या कथा-पटकथेच्या प्रकृतीनुसार निळा रंग अगदी चपखल आहेच, कारण त्याने येणारा शीतलतेचा तजेला आपल्याला त्या वातावरणाच्या जवळ घेऊन जातो. पण हाच निळा रंग चित्रपटात डिंपल कपाडियाच्या घरात वापरलाय - प्रकृती बदलून!! Pail निळसर झाक असलेला हा रंग, प्रकाशयोजना एक उदास वातावरण सहज निर्माण करून जातो. जेव्हा जेव्हा हा चित्रपट बघतो तेव्हा तेव्हा अनेक तपशील आणिक कळत जातात. थोडा वेडेपणा आहे परत परत तोच चित्रपट बघण्यात! पण हा वेडेपणा करावासा वाटतो!! :) आणखी एक, सचिन तेंडुलकर ने दोन फील्डर्सना भेदून कव्हर्स मधून मारलेला जमिनीला चिकटून जाणारा चौकार!! तसे बरेच खेळाडू हा फटका सुंदर मारतात. पण सचिन मारतांना सुंदर दिसतो सुद्धा!! किंचित पुढे वाकून, डावा पाय पुढे करत मारलेला हा फटका म्हणजे फक्त हाSSSSय!!! जगात सगळ्यात सोपे काही असेल तर क्रिकेट असे वाटायला लावणारा! तसे त्याचे सगळेच फटके एक से बढकर एक असतात. पण हा म्हणजे अगदी Glorioous आहे, कलाकृती!! :) असे आणखीही बरेच आहेत.. पण आता तुमचे असे काही खास आवडीचे असेल तर वाचावे म्हणतो आधी!! तर, लिहिताय ना? लिहाच! :) मुमुक्षु