मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

श्रावण मोडक

चिंतातुर जंतू · · जनातलं, मनातलं
हे ठिकाण
लेखनप्रकार
बातमी
कळवण्यास अत्यंत दु:ख होते आहे की मराठी संकेतस्थळांवरील जुने आणि लोकप्रिय लेखक व सामाजिक कार्यकर्ते श्री. श्रावण मोडक यांचे आज दुपारी हृदयविकाराच्या झटक्याने निधन झाले. येथील अनेक सदस्यांसाठी ते एखाद्या कुटुंबियाप्रमाणे होते. त्यांना श्रद्धांजली.
वाचने 28206 वाचनखूण प्रतिक्रिया 144

प्रकाश घाटपांडे गुरुवार, 05/30/2013 - 16:12
अत्यंत दु:खद घटना कळली तेव्हा विश्वासच बसला नाही. एक क्षण मेंदूने विचार केला की खर आहे का हे? आपण असे करु श्रामोंनाच विचारु. आणि लगेचच भानावर आलो. दु:ख व्यक्त करायला शब्द पुरेसे नाहीत.

पिलीयन रायडर गुरुवार, 05/30/2013 - 16:17
अर्धा धागा वाचेपर्यंत वाटत होतं की परत काही तरी मजा करत असणार हे लोक.. माझी त्यांची व्यक्तिशः ओळख नव्हती, पण प्रतिसाद नेहमी वाचायचे त्यांचे.. फार वाईट वाटलं वाचुन..... :(

अनिरुद्ध प गुरुवार, 05/30/2013 - 16:38
अर्धा धागा वाचेपर्यंत वाटत होतं की परत काही तरी मजा करत असणार हे लोक.. माझी त्यांची व्यक्तिशः ओळख नव्हती, पण प्रतिसाद नेहमी वाचायचे त्यांचे.. ईश्वर म्रुतात्म्यास सद्गती देवो.

सुनील गुरुवार, 05/30/2013 - 16:16
खव आणि व्यनि सोडता संपर्क नव्हता तरीही जवळची व्यक्ती गेल्यासारखे दु:ख होते आहे. श्रद्धांजली.

अमोल केळकर गुरुवार, 05/30/2013 - 16:19
फारच वाईट बातमी . श्रध्दांजली अमोल केळकर

मदनबाण गुरुवार, 05/30/2013 - 16:22
धक्का बसला ! अजुनही विश्वास वाटत नाही ! मोडक काकांना भावपूर्ण श्रद्धांजली...

मैत्र गुरुवार, 05/30/2013 - 16:25
अत्यंत धक्कादायक आणि दु:खद... श्रावण मोडक यांच्या शोध पत्रकारितेवर काही धागा असेल असे वाटून उघडला.. अतिशय वाईट वाटले.. श्रद्धांजली....

प्रसन्न केसकर गुरुवार, 05/30/2013 - 16:30
दुपारी श्रावणबाबतची बातमी कळली अन सुन्न झालो. अगदीच धक्कादायक बातमी... अगदी श्रावण स्टाईल... श्रावण आज आपल्यात नाही यावर विश्वासच बसत नाही. सखा, पत्रकार सहकारी, चळवळींशी सतत बांधीलकी ठेऊन जगणारा कार्यकर्ता... अनेक रुपे पाहिली त्याची गेल्या २५ वर्षात. त्याला असलेली प्रश्नांची जाण, खोलात जाऊन विषय समजुन घेण्याची सवय, भाषेवरची पकड सगळ्याचंच सतत कौतुक वाटत राहिलं. पण आज आता तोच राहिलेला नाही. काय बोलावं, काय लिहावं हेच सुचत नाहीये. रेस्ट इन पीस असं सुद्धा म्हणवत नाही कारण रेस्ट त्याच्या स्वभावातच नाही.

इरसाल गुरुवार, 05/30/2013 - 16:43
विश्वास बसत नाहीये. वाटलं चिंजंनी त्यांची खेचण्यासाठी काढलेला धागा असेल. भावपूर्ण श्रद्धांजली.ईश्वर मृतात्म्यास शांती प्रदान करो.

सामान्य वाचक गुरुवार, 05/30/2013 - 16:54
आज सकाळीच कळले की ICU मध्ये आहेत. वाटत होते कि medicine खूप पुढे गेले आहे. त्यामुळे सगळे ठीक होइल. पण…. ईश्वर मृतात्म्यास शांती देवो!

गवि गुरुवार, 05/30/2013 - 17:03
प्रत्यक्ष भेट कधीच झाली नाही आणि आता राहूनच गेली म्हणायची. विचारपूर्ण आणि मॅच्युअर प्रतिसाद असायचे त्यांचे. अगदी नुकताच त्यांच्याशी प्रतिसादरुप संवाद झाला होता.. आणि असंच इतरही अनेकांना जाणवलं असेल. त्यांना सद्गती लाभो..

प्रभाकर पेठकर गुरुवार, 05/30/2013 - 17:05
बापरे! फारच धक्कादायक बातमी. माणसाचे आयुष्य किती क्षणभंगुर झाले आहे ह्या क्रूर सत्याला स्विकारणे कठीण होते आहे. एक दोन वेळा कट्ट्यावर भेट झाली होती. देवा, असं नको करूस रे..! अरे! नेण्यासाठी भारतात माणसांची कमी नाही. ज्यांच्या जाण्याने भूईचा भार हलका होईल अशी माणसं उचलत जारे बाबा! फार दु:ख होतं अशा बातम्यांनी. मिपाचे सर्व सदस्य इतर सर्वांना पाहून ओळखत नाहीत. तेंव्हा अशा घटनेत आपल्या मिपा कुटुंबाला सोडून जाणार्‍या सदस्याचे छायाचित्र मुख्य फलकावर सर्वात वरती टाकले तर नविन सदस्यांना आणि इतर जुन्या पण त्या सदस्यास न भेटलेल्या सदस्यांना एकवार दर्शन तरी होईल. मिपाच्या कुटुंब प्रमुखाला ही एक विनम्र विनंती.

सुमीत गुरुवार, 05/30/2013 - 17:07
मोडक साहेबांना श्रद्धांजली, आजही त्यांची धरण ग्रस्तां वरची कथा आठवते.

नरेश_ गुरुवार, 05/30/2013 - 17:11
वाईट वाटले.भावपूर्ण आदरांजली!

निनाद मुक्काम पोस्ट जर्मनी गुरुवार, 05/30/2013 - 17:11
धक्कादायक आहे ही बातमी देव त्यांच्या आत्म्याला शांती देओ. ह्या प्रसंगी श्रामो ह्यांचे मिपा वरील लेखन उपलब्ध करून द्यावे अशी मी विनंती करतो म्हणजे नवीन मिपाकरांना श्रामो कोण ,काय होते हे त्यांच्या लिखाणातून कळेल. आणी जुन्या मंडळी त्यांचे लेखनरुपी विचार पिंपळपान म्हणून जपू शकतील.

चिगो गुरुवार, 05/30/2013 - 17:16
श्रामोंशी प्रत्यक्ष ओळख नव्हती. त्यांच्याशी खरडवहीतून किंवा व्यनितून खुप गप्पा मारल्या आहेत, असंही नाही.. पण नेहमीच एक जाणवत राहीलं, की हे रसायन वेगळं आहे. अत्यंत अभ्यासू, जाणकार आणि तरीही शिकण्यास उत्सूक असा माणूस त्यांच्या लिखाणातून, मग तो लेख असो वा प्रतिसाद, समोर येत राहीला.. अत्यंत क्लिष्ट अशी विनोदबुद्धी असलेलं हे व्यक्तिमत्व माझ्या औत्सुक्याचा विषय होता व राहील. मिपाने एक जाणकार, हुशार व्यक्तिमत्व गमावलंय, हे नक्की.. त्यांच्या मृताम्यास देव शांती देवो आणि कुटुंबियांना हा आघात सहन करण्याची शक्ती लाभो, हीच प्रार्थना..

स्पंदना गुरुवार, 05/30/2013 - 17:45
श्रामो? अगदी हक्काने "अग अग आवर स्वतःला" अस म्हणणारेच श्रामो मला आठवताहेत. एकदा टिम म्हणुन त्यांच्या बरोबर काम केल मिपा कृपेने. हल्ली दोन दिवस सारख ध्म्याच्या खवत त्यांना पाहुन जाउन बोलावस वाटत होतं. श्रामो वी वील मिस यु!

प्रदीप गुरुवार, 05/30/2013 - 17:47
श्रावण मोडकांची प्रत्यक्ष कधी भेट झाली नाही, थोडाफार व्यनितून व ई- मेलीतून संवाद झाला तेव्हढाच. त्यांच्या व माझ्या 'ओळ्खीची' सुरूवात येथील एका चर्चेच्या दरम्यान झाली. त्यात त्यांच्या डाव्या भूमिकेवर आडून मी काही तीर मारले. ते त्यांनी समजूतदारपणे परतवले. तेव्हा अगदी प्रकर्षाने मला जाणवले ते त्यांचे प्रगल्भ व्यकित्मत्व. वाद होऊनही, त्यात मी त्यांच्यावर थोडे शरसंधान केल्यानंतरही त्यांनी ते फारसे मनात ठेवले नाही. सामजिक प्रश्नांवरील त्यांच्या भूमिका मल नेहमीच पटत असत असे नव्हे, पण तरीही आमचा वैयक्तिक संवाद सुरू झाला. येथील अन्य काही अनुभव पहाता, हे मला अगदी लक्षणीय वाटले. त्यांच्याशी झालेल्या संवादातून त्यांच्या हृदयविकाराविषयी माहिती झाली होती, त्याची तीव्रताही माझ्या लक्षात आली होती. पण चळवळीतील अगदी सक्रिय कार्यकर्ता असल्याने, ते बहुधा सदैव फिरतीवर असावेत व त्या दरम्यान पथ्यपाणी ते फारसे संभाळू शकत नसावेत असा माझा कयास होता. आमचे संबंध अगदी घनिष्ट नव्हते, तेव्हा ह्याविषयी त्यांना मी कधी काही लिहीले नाही. पण त्यांच्या प्रकृतीची चिंता मला वाटत राहिलीच. तरीही हे अगदी असे टोकासे अघटित इतक्या लवकर घडेल असे वाटले नाही. ह्यानिमीत्ताने आयुष्याची क्षणभंगूरता माझ्यापुरती पुन्हा: एकदा अधोरेखित झाली. आता ते पुढच्या प्रवासास निघून गेले आहेत. तिथे जे कष्टकरी, शेतकरी असणार, त्यांचे निशाण ते स्वतःच्या खांद्यावर घेणार. तेथील जमिनदार, सरकारी बाबू इत्यादींनी आता जपून रहावे.

साती गुरुवार, 05/30/2013 - 17:58
विश्वासच बसत नाही. न बघता न भेटता ज्यांच्याबद्दल अत्यंत जिव्हाळा वाटतो त्यापैकी एक. पटलावर श्रामोंचं अधोलेखित नाव वाचताच एक शंका मनात चुकचुकली. शंका चूक ठरू दे आणि श्रामोंच्या कुठल्यातरी किंवा सगळ्याच गुणांबद्दल कौतुक करणारा धागा असूदे हा विचार करत धागा उघडलाझ छे! नको तेच खरे ठरले. श्रा मो आम्हा मिपावासियांच्या मनात चिरंतन जीवंत राहतील.

अभिज्ञ गुरुवार, 05/30/2013 - 17:58
ऐकून अतिशय धक्का बसला. मागे तीनेक वर्षामागे एकदाच श्रामोंबरोबर भेट झाली होती. अजूनही त्यावेळेला मारलेल्या गप्पा आठवतात. भावपुर्ण श्रध्दांजलि. अभिज्ञ.

चिंतामणी गुरुवार, 05/30/2013 - 18:23
दुपारी फोन वरून ही बातमी कळली. विश्वास बसत नाही अजून या बातमीवर. ओळख धागे आणि खरडवही ह्याच्या पलीकडे केंव्हाच पोहोचली होती. अनेकदा भेटीगाठी व्हायच्या. परवाच थोडी चर्चा झाली होती छ्त्तीसगढमधील घटनेवरुन. आणि त्यांनी खरड पाठवली होती. सुन्न झालेलो आहे. शब्दच सापडत नाहीत त्यांना श्रध्दांजली व्हायला. कारण श्रामो गेले यावर अजुन विश्वासच बसत नाही. भावपूर्ण श्रद्धांजली

शिद गुरुवार, 05/30/2013 - 18:40
श्रावण मोडक यांस मनःपूर्वक श्रद्धांजली...!!! ईश्वर त्यांच्या म्रुतात्म्यास सद्गती देवो.

राही गुरुवार, 05/30/2013 - 18:56
मुख्य पानावर श्रावण मोडकांचे नाव अधोरेखित पाहून काहीतरी मजा असेल, कुठला तरी पुरस्कार वगैरे मिळाला असेल, म्हणून अभिनंदनाचा धागा असेल असे वाटले, पण उघडताक्षणी तीव्र धक्का बसला. प्रत्यक्ष परिचय कुठल्याच मिपाकराशी नाही पण आंतरजालावर जे कोणी लेखक उत्सुकतेने वाचावेसे वाटत, त्यात श्रावण मोडक प्रमुख होते. चळवळीतले कार्यकर्ते आहेत आणि पत्रकारही हे बाहेरून माहीत होते. लिखाणातली बांधिलकी, तळमळ आणि व्यासंग नेहमीच जाणवायचे. आंतरजाल एका प्रगल्भ विचारवंताला मुकले आहे. श्रद्धांजली.

llपुण्याचे पेशवेll गुरुवार, 05/30/2013 - 19:00
मागेच श्रामोंचा नंबर घेतला त्यांना व्यनि करून. त्यांच्या येशाबद्दल बोलायचे होते. तसे आम्ही अनेकवेळा अनेक कट्ट्यांवर भेटत बोलत होतो पण मध्यंतरी अत्यंत काम लागल्याने थोडा जालापासून दूर होतो. पण येशा चटका लावून गेला आणि मला ते म्हटले होते येशाबद्दल सविस्तर बोलू. येशा गेलाच आणि आता श्रामोही गेले. :(

jaypal गुरुवार, 05/30/2013 - 19:01
मनःपूर्वक श्रद्धांजली..! मोडक परीवाराच्या दु:खात आम्ही सगळे मिपाकर सहभागी आहोत.