Skip to main content

श्रावण मोडक

लेखक चिंतातुर जंतू यांनी गुरुवार, 30/05/2013 16:08 या दिवशी प्रकाशित केले.
कळवण्यास अत्यंत दु:ख होते आहे की मराठी संकेतस्थळांवरील जुने आणि लोकप्रिय लेखक व सामाजिक कार्यकर्ते श्री. श्रावण मोडक यांचे आज दुपारी हृदयविकाराच्या झटक्याने निधन झाले. येथील अनेक सदस्यांसाठी ते एखाद्या कुटुंबियाप्रमाणे होते. त्यांना श्रद्धांजली.
लेखनविषय:
लेखनप्रकार
वाचने 28362
प्रतिक्रिया 144

प्रतिक्रिया

चिंतामणी गुरुवार, 30/05/2013 18:23
दुपारी फोन वरून ही बातमी कळली. विश्वास बसत नाही अजून या बातमीवर. ओळख धागे आणि खरडवही ह्याच्या पलीकडे केंव्हाच पोहोचली होती. अनेकदा भेटीगाठी व्हायच्या. परवाच थोडी चर्चा झाली होती छ्त्तीसगढमधील घटनेवरुन. आणि त्यांनी खरड पाठवली होती. सुन्न झालेलो आहे. शब्दच सापडत नाहीत त्यांना श्रध्दांजली व्हायला. कारण श्रामो गेले यावर अजुन विश्वासच बसत नाही. भावपूर्ण श्रद्धांजली

शिद गुरुवार, 30/05/2013 18:40
श्रावण मोडक यांस मनःपूर्वक श्रद्धांजली...!!! ईश्वर त्यांच्या म्रुतात्म्यास सद्गती देवो.

रेवती गुरुवार, 30/05/2013 18:56
अतिशय धक्कादायक बातमी आहे. विश्वास बसत नाहीये. ईश्वर मृतात्म्यास सद्गती देवो! नाही, अजूनही विश्वास बसत नाही.

राही गुरुवार, 30/05/2013 18:56
मुख्य पानावर श्रावण मोडकांचे नाव अधोरेखित पाहून काहीतरी मजा असेल, कुठला तरी पुरस्कार वगैरे मिळाला असेल, म्हणून अभिनंदनाचा धागा असेल असे वाटले, पण उघडताक्षणी तीव्र धक्का बसला. प्रत्यक्ष परिचय कुठल्याच मिपाकराशी नाही पण आंतरजालावर जे कोणी लेखक उत्सुकतेने वाचावेसे वाटत, त्यात श्रावण मोडक प्रमुख होते. चळवळीतले कार्यकर्ते आहेत आणि पत्रकारही हे बाहेरून माहीत होते. लिखाणातली बांधिलकी, तळमळ आणि व्यासंग नेहमीच जाणवायचे. आंतरजाल एका प्रगल्भ विचारवंताला मुकले आहे. श्रद्धांजली.

llपुण्याचे पेशवेll गुरुवार, 30/05/2013 19:00
मागेच श्रामोंचा नंबर घेतला त्यांना व्यनि करून. त्यांच्या येशाबद्दल बोलायचे होते. तसे आम्ही अनेकवेळा अनेक कट्ट्यांवर भेटत बोलत होतो पण मध्यंतरी अत्यंत काम लागल्याने थोडा जालापासून दूर होतो. पण येशा चटका लावून गेला आणि मला ते म्हटले होते येशाबद्दल सविस्तर बोलू. येशा गेलाच आणि आता श्रामोही गेले. :(

विकास गुरुवार, 30/05/2013 19:25
श्रामोंना कधी व्यक्तीगत भेटलो नसलो तरी मिपा आणि चेपूवरून अनेकदा संवाद साधला गेला होता. अत्यंत प्रगल्भ व्यक्तीमत्व असे अचानक सोडून गेल्यामुळे खूप वाईट वाटत आहे. भावपूर्ण श्रद्धांजली....

तिमा गुरुवार, 30/05/2013 19:30
काय झाले हे ? काही दिग्गज हे मिपावर गृहीतच धरले होते. ते आता नाहीत ही कल्पनाच करु शकत नाही. फार वाईट वाटतंय!

आपला अभिजित गुरुवार, 30/05/2013 19:44
साहेब, नमस्कार. कुठाय पत्ता. खरंतर मीसुद्धा गायबच आहे मिपामधून बरेच दिवस. बरेच उद्योग चाललेत. तुमच्याकडे काय विशेष? श्रावण मोडक 7/15/12 मिटवा Block रामराम देवा. मी आहे पुण्यातच. फिरतीचा अपवाद. फिरती फक्त व्यवसायासाठी. एरवी पुण्यातच. मिपावर वगैरे असतो. पण लेखन नाही काहीही सध्या तरी. तुमची लेखनकामाठी काय म्हणतेय? You 7/16/12 मिटवा भेटू एकदा निवांत. मी कदाचित मंगळवार-बुधवारी मुंबईला जाणार आहे. त्यानंतर पुण्यातच आहे. तुझं वेळापत्रक कळव. मग ठरवू. श्रावण मोडक 7/16/12 मिटवा Block कळवतो. ............................... काही कामे वेळच्या वेळी केलेलीच बरी असतात..नाही?

क्लिंटन गुरुवार, 30/05/2013 20:16
आज दुपारी ऑफिसात एक कंटाळवाणी मिटिंग चालू होती.कोणाचे लक्ष नाही हे बघून फोनवर जीमेल चेक केले.जीमेल ऑन करताच मराठमोळ्याचा जीटॉकवर मेसेज आला--Shravan Modak passed away.मिटिंगमध्ये जीटॉकचा आवाज झाल्यामुळे ताबडतोब लॉग आऊट करावे लागले.पण अर्थातच त्यानंतर मिटिंग कधी एकदा संपते असे झाले होते.मग मिसळपाववर लॉगिन करून ही बातमी दुर्दैवाने खरी आहे हे समजले. श्रामोंची आणि माझी प्रत्यक्ष भेट कधीच झाली नाही.काही चर्चांमध्ये मी आणि त्यांनीही भाग घेतला होता.अण्णा हजारेंचे उपोषण जोरात चालू असताना माझा एक प्रतिसाद वाचून पुण्यात कधी येणे झाले तर जरूर भेटू अशा स्वरूपाची त्यांची खरड आली होती.पुढे एका चर्चेत माझी त्यांची कटुता आली.असे नक्की का झाले असावे हे कोडे मला शेवटपर्यंत उलगडले नाही.अनेकदा वाटे की त्यांना कधीतरी खरड करावी, कधी फोन करावा, जमल्यास प्रत्यक्ष भेटावे आणि सगळ्या गोष्टींचा उलगडा करावा.पण ते कधी झालेच नाही.एक तर माझी pride मला तसे करण्यापासून परावृत्त करत होती आणि दुसरे म्हणजे "इतकी वर्षे पडली आहेत मग आताच कशाला"--कधीतरी कुठेतरी कट्ट्यावर किंवा इतरत्र भेटू तेव्हा बोलू अशा स्वरूपाची धारणा!! पण आज जाणवले की आता मात्र शाश्वत चुकामुक झाली :( श्रामोंना श्रध्दांजली. Rest in peace.

पिंपातला उंदीर गुरुवार, 30/05/2013 21:24
काय बोलाव? अशी लोक लवकर का जातात? वैचारिक एकटे पण? वेगळ्या विचारान मुळे आलेल सामाजिक एकांत? का? का? वेगळ असण्याची एवढी मोठी किंमत? भीती वाटत आहे वेगळ असण्याची.

अर्धवटराव गुरुवार, 30/05/2013 22:50
प्रत्यक्ष भेट नाहि झाली कधी मोडकसाहेबांशी... जी काहि ओळख झाली ति मिपावरच. एक मिपा जेम हरवला :( अर्धवटराव

नीलकांत शुक्रवार, 31/05/2013 00:33
श्रामोंची पहिली भेट पॅराडाईजला झाली. आपल्या खास शैलीत त्यांनी ताबडतोब आपलं करून घेतलं होतं. पुढे आंतरजालावरची ओळख मागे पडून प्रत्यक्ष संबंध जास्त आला. पॅरेडाईज, डेक्कन वरील पुनम, सारसबागेजवळील कल्पना किंवा विश्व ही भेटायची ठिकाणं. अनेकदा श्रामोंशी चर्चा व्हायची. केवळ मिपाच नाही तर प्रत्यक्ष जीवनातील अडचणीसुध्दा त्यांच्या सोबत शेअर केल्या आहेत. माझा मित्र नाही तर मार्गदर्शकच आज हरवलाय. अतिशय वाईट वेळी श्रामो सोडून गेलेत. अतिशय वाईट वेगात निघून गेले आहेत. अतिशय वाईट झालं. श्रामो तुम्ही कायम आठवणीत राहाल. मिपा तर्फे आणि मी व्यक्तिगत सुध्दा तुम्हाला श्रध्दांजली देतोय. - नीलकांत

चित्रा शुक्रवार, 31/05/2013 02:18
सुन्न करून टाकणारी बातमी. गूगलमध्ये चॅटवर काही वेळा संभाषण झाले होते. भेटायचे मात्र राहून गेले.. काय बोलावे, समजत नाही. मनापासून आदरांजली.

मयुरपिंपळे शुक्रवार, 31/05/2013 06:24
सरांबरोबर दिड वर्ष काम केले. खुपच जवळुन त्याना काम करताना बगीतले आहे, माझा पहीली नोकरी असल्यामुळे सरानी मला एक खुपच मदत केली. त्याची विचार करव्याची पध्दत खुपच विलशण होती. मिपा च्या गमती जमती खुप वेळा सांगीतले आहेत. संगीताची पण खुप आवड होती त्याना. "कसबा बोलला" असे नेहमी मला म्हण्यायचे कारण मी कसबा पेठ मधे राहतो. ८ ८ तास त्याचा शेजारी बसुन काम केले आहे. देव त्यांच्या आत्म्यास शांती देवो... modak

श्री गावसेना प्रमुख शुक्रवार, 31/05/2013 08:25
त्यांच्या आत्म्याला शांती लाभो, हीच प्रभूचरणी प्रार्थना! श्रावण मोडक या दिलदार मित्राला त्यांच्या सहकारयाने वाहिलेली श्रद्धांजली http://berkyanarad.blogspot.in/2013/05/blog-post_30.html?spref=fb

तर्री शुक्रवार, 31/05/2013 09:01
लोकसत्तेने श्रामो यांच्या निधनाची शोककारक बातमी दिली आहे.

समीरसूर शुक्रवार, 31/05/2013 09:43
आज मटामध्ये बातमी वाचली आणि धक्काच बसला. एक बहुआयामी व्यक्तिमत्व हरपले. शांती लाभो.

वाहीदा शुक्रवार, 31/05/2013 17:46
श्रामो, तुम्हारी सोच, तुम्हारी लगन , तुम्हारा जज्बा ... लम्हा ,लम्हा तुम मिल रहे हों हमें.. तुम्हारे पुराने आर्टिकल्स के जरिए .. शायद एक बार रुबरु भी मिल जातें. लेकीन वक्तको यह मंजुर न था इसलिए शायद इस तरह मिल रहे हो ... जिस तरह सुखे हुए फुल किताबों मे मिलें :-(

प्रभाकर पेठकर शुक्रवार, 31/05/2013 20:27
माशाल्ला.. माशाल्ला.. क्या बात कही है।

चौकटराजा शुक्रवार, 31/05/2013 17:46
श्रा मो डाव्या विचारांचे असतील तर परिचय नसतानाही माझे फार नुकसान झालेय म्हणायचे.अतः परिचय नसतानाही त्यांच्या स्मृतीला अभिवादन !

सखी शुक्रवार, 31/05/2013 23:41
अजुनही खरचं वाटत नाही. एक अभ्यासी व्यक्तिमत्व हरवले याची हळहळ वाटते...