मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

हा उन्हाचा गाव आहे.

Deepak Pawar · · जे न देखे रवी...
लेखनविषय:
कविता
काव्यरस
कविता माझी
हा उन्हाचा गाव आहे, रापलेली माणसे का अशी ही श्रावणाने शापलेली माणसे? पाहतो तो हर घडीला चेहरा वाटे नवा चेहऱ्याला रंग फसवे फासलेली माणसे. शेत कसवी तोच येथे, का उपाशी राहतो? का इथे ही भाकरीने ग्रासलेली माणसे? जात धर्माच्या इथेही पेटता या दंगली पाहिली मी माणसाने छाटलेली माणसे. लाच घेऊनी अता विकती इमान आपुले जी कधी मज सभ्य तेव्हा वाटलेली माणसे. हो भले अथवा बुरे, ना काळजी येथे कुणा का मनाने येथली ही गोठलेली माणसे?
वाचने 4707 वाचनखूण प्रतिक्रिया 21

राजेंद्र मेहेंदळे Mon, 01/23/2023 - 15:46
खुप दिवसांनी छंदाला धरुन लिहिलेली कविता वाचायला मिळाली. फक्त एक सुचवु का? "लाच घेऊनी अता विकती इमान आपुले" ही ओळ "लाच घेऊनी अता विकती इमाने आपुली" अशी पाहीजे, म्हणजे नीट जुळेल.

Deepak Pawar Mon, 01/23/2023 - 20:19
राजेंद्र मेहेंदळे सर आपले मनःपूर्वक आभार. मिपावर बहुतेक एडिट चा पर्याय नाही किंवा मला तरी माहीत नाही, परंतु आपण सांगितल्या प्रमाणे इतर ठिकाणी पोस्ट करताना बदल करतो. धन्यवाद.

हणमंतअण्णा शंकराप्पा रावळगुंडवाडीकर Wed, 01/25/2023 - 03:05
रापली ही माणसे, हा उन्हाचा गाव आहे! आणि मेघांनी नभाचा सोडला की ठाव आहे! धावती ही माणसे, सावलीच्या वेगे मिषे, पालवीचा तरुंवर येथल्या अभाव आहे. नद्याही आटल्या अन आटली सरोवरे, आवंढाही घशातच, सुकविण्याचा डाव आहे! उष्माघात म्हणूनि नेले मला इस्पितळी, अन सलाईनचा बाटलीतल्या थांबलेला स्त्राव आहे.