Skip to main content

शून्याशी गाठ

लेखक Bhakti यांनी शुक्रवार, 17/09/2021 16:38 या दिवशी प्रकाशित केले.
शून्यातून​ पाय फुटल्यासारखे आकडा भराभर धावतात... खुप खुप दमल्यावर शुन्याच्या मागे सामावतात... भोपळा भोपळा हिणवले पहिल्यांदा हाच तर गिरवला... डोळ्यांची भाषा झाली क्लिष्ट जेव्हा शून्य नजरेने गोंधळ घातले... कधी असंच पुढं आल्यावर तो 'पूज्य' राहत नाही कुठल्याशा वळणावर अचानक शून्याशी गाठ सुटत नाही... त्याला पाठीवर घेऊन चालतांना छातीवरल्या आकड्यांंच ओझ कधी जाणवत नाही की अनायसे कुबड भासत नाही... -भक्ती
काव्यरस
जिलबी
फ्री स्टाइल
रतीबाच्या कविता
Taxonomy upgrade extras
कैच्याकैकविता
लेखनविषय:
वाचने 7748
प्रतिक्रिया 15

प्रतिक्रिया

गॉडजिला शुक्रवार, 17/09/2021 18:17
तसं बरचं गहन आहे आणि म्हटलं तर सोपं अन सुटसुटीतही... ज्याला शून्य समजलें त्याला सगळे समजलें... सर्वकाही शून्यातून निर्माण होते, शून्यात विलय होते.शुन्य ही सुरुवात आहे शून्य हा शेवटही... शुन्य समजणे इतके सोपे नाही. आणि तितके अवघडही नाही

राघव सोमवार, 20/09/2021 12:44
सर्वकाही शून्यातून निर्माण होते, शून्यात विलय होते.शुन्य ही सुरुवात आहे शून्य हा शेवटही..
हे वाचून "पूर्णमदं पूर्णमिदं..." हा श्लोक आठवला. पूर्ण आणि शून्य दोन्ही एकच असावे काय? ;-)

गॉडजिला मंगळवार, 21/09/2021 11:14
पूर्णत्व फक्त आणि फक्त शून्याकडे आहे. बाकी सर्वच आकडे फक्त अपूर्णत्व मोजायला निर्माण झाले.

सरिता बांदेकर मंगळवार, 21/09/2021 11:37
त्याला पाठीवर घेऊन चालतांना छातीवरल्या आकड्यांंच ओझ कधी जाणवत नाही की अनायसे कुबड भासत नाही... हे पटलं. छान आहे कविता.अर्थपूर्ण आहे.