मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

एकांत

चांदणे संदीप · · जे न देखे रवी...
लेखनविषय:
कला
कविता
काव्यरस
शांतरस
काय लिहावं? काय वाचावं? काय आठवावं? काय गुणगुणावं ? चंद्र, तारे, फुलं नि पक्ष्यांना बळेच एकत्र मांडावं नेमकं त्याच कडव्यावर का मनानं सांडावं? आजच्या बंडखोर लेखकानं कालच्याला भांडावं! दोघांचही चुकत नसतं कुणाला समोर ठेवावं? तिन्हीसांजेची वेळ समोर अन एकांतानं घेरावं कितीही नको म्हटलं तरी का आठवणींनी आठवावं? शीळ येते मुक्कामी शब्दांनी का रुसावं? सुस्कारे नि हुंकार याला गुणगुणनं कसं म्हणावं काय लिहावं? काय वाचावं? काय आठवावं? काय गुणगुणावं ? - संदीप चांदणे
वाचने 2824 वाचनखूण प्रतिक्रिया 9

कवि मानव 14/10/2016 - 15:15
छान ! चंद्र, तारे, फुलं नि पक्ष्यांना बळेच एकत्र मांडावं :)))) - कधी कधी काही सुचला नाही कि याच सारखी मनस्थिती होते

अभ्या.. 14/10/2016 - 15:19
ओहोहोहो, मस्तच सॅन्डीबाबा. बळंच नकोच काहीच. :)

नाखु 14/10/2016 - 15:22
आजच्या बंडखोर लेखकानं कालच्याला भांडावं!
हे जास्ती पटलं. पट्टीतला नाखु

सस्नेह 14/10/2016 - 15:29
तिन्हीसांजेची वेळ समोर अन एकांतानं घेरावं कितीही नको म्हटलं तरी का आठवणींनी आठवावं?
हे अगदी भिडले !

रातराणी 14/10/2016 - 23:33
कविता आवडली!