एकांत

चांदणे संदीप's picture
चांदणे संदीप in जे न देखे रवी...
14 Oct 2016 - 3:10 pm

काय लिहावं?
काय वाचावं?
काय आठवावं?
काय गुणगुणावं ?

चंद्र, तारे, फुलं नि पक्ष्यांना
बळेच एकत्र मांडावं
नेमकं त्याच कडव्यावर
का मनानं सांडावं?

आजच्या बंडखोर लेखकानं
कालच्याला भांडावं!
दोघांचही चुकत नसतं
कुणाला समोर ठेवावं?

तिन्हीसांजेची वेळ समोर
अन एकांतानं घेरावं
कितीही नको म्हटलं तरी
का आठवणींनी आठवावं?

शीळ येते मुक्कामी
शब्दांनी का रुसावं?
सुस्कारे नि हुंकार याला
गुणगुणनं कसं म्हणावं

काय लिहावं?
काय वाचावं?
काय आठवावं?
काय गुणगुणावं ?

- संदीप चांदणे

शांतरसकलाकविता

प्रतिक्रिया

कवि मानव's picture

14 Oct 2016 - 3:15 pm | कवि मानव

छान !

चंद्र, तारे, फुलं नि पक्ष्यांना
बळेच एकत्र मांडावं :)))) - कधी कधी काही सुचला नाही कि याच सारखी मनस्थिती होते

अभ्या..'s picture

14 Oct 2016 - 3:19 pm | अभ्या..

ओहोहोहो,
मस्तच सॅन्डीबाबा.
बळंच नकोच काहीच. :)

कविता फार आवडली पण तिसरं कडवं जरासं उपरं वाटलं.

नाखु's picture

14 Oct 2016 - 3:22 pm | नाखु

आजच्या बंडखोर लेखकानं
कालच्याला भांडावं!

हे जास्ती पटलं.

पट्टीतला नाखु

सस्नेह's picture

14 Oct 2016 - 3:29 pm | सस्नेह

तिन्हीसांजेची वेळ समोर
अन एकांतानं घेरावं
कितीही नको म्हटलं तरी
का आठवणींनी आठवावं?

हे अगदी भिडले !

जव्हेरगंज's picture

14 Oct 2016 - 7:15 pm | जव्हेरगंज

सँडीबुवा , लय दिसांनी दिसला !!!

वेलकम बॅक म्हणावं काय !

कविता एकदम तुमच्या पट्टीतली!!
आंदो!

प्रचेतस's picture

14 Oct 2016 - 8:46 pm | प्रचेतस

सुरेख

रातराणी's picture

14 Oct 2016 - 11:33 pm | रातराणी

कविता आवडली!

शार्दुल_हातोळकर's picture

25 Oct 2016 - 11:58 pm | शार्दुल_हातोळकर

मस्त ! साध्यासरळ नेमक्या भावना !