एकांत

च — चांदणे संदीप,
काय लिहावं? काय वाचावं? काय आठवावं? काय गुणगुणावं ? चंद्र, तारे, फुलं नि पक्ष्यांना बळेच एकत्र मांडावं नेमकं त्याच कडव्यावर का मनानं सांडावं? आजच्या बंडखोर लेखकानं कालच्याला भांडावं! दोघांचही चुकत नसतं कुणाला समोर ठेवावं? तिन्हीसांजेची वेळ समोर अन एकांतानं घेरावं कितीही नको म्हटलं तरी का आठवणींनी आठवावं? शीळ येते मुक्कामी शब्दांनी का रुसावं? सुस्कारे नि हुंकार याला गुणगुणनं कसं म्हणावं काय लिहावं? काय वाचावं? काय आठवावं? काय गुणगुणावं ? - संदीप चांदणे
2820 वाचन
💬 प्रतिसाद (9)

कवि मानव
Fri, 10/14/2016 - 15:15 नवीन
छान ! चंद्र, तारे, फुलं नि पक्ष्यांना बळेच एकत्र मांडावं :)))) - कधी कधी काही सुचला नाही कि याच सारखी मनस्थिती होते

अभ्या..
Fri, 10/14/2016 - 15:19 नवीन
ओहोहोहो, मस्तच सॅन्डीबाबा. बळंच नकोच काहीच. :)

नाखु
Fri, 10/14/2016 - 15:22 नवीन
आजच्या बंडखोर लेखकानं कालच्याला भांडावं!
हे जास्ती पटलं. पट्टीतला नाखु

सस्नेह
Fri, 10/14/2016 - 15:29 नवीन
तिन्हीसांजेची वेळ समोर अन एकांतानं घेरावं कितीही नको म्हटलं तरी का आठवणींनी आठवावं?
हे अगदी भिडले !

रातराणी
Fri, 10/14/2016 - 23:33 नवीन
कविता आवडली!
↩ प्रतिसाद: प्रचेतस