Skip to main content

(प्रार्थना)

(प्रार्थना)

लेखक चतुरंग
Published on सोमवार, 26/07/2010 प्रकाशित मुखपृष्ठ
यशोधराचे 'प्रार्थना' हे अप्रतिम छंद्काव्य वाचून आम्हाला काही छंद आठवले नसते तरच नवल. सादर आहे ;) ठेवतो अपेक्षा मिळेल दर्शन जिन्यात लपेन आज तुझ्या.. एकाएकी तुझे प्रकटती तात कैसे बोलतात अरे चोरा!... फोकलाया पाठी काठी बाभळीची कन्यका तुमची माझी ताई!... अवकळा उरे 'सरली' जाणीव उरली नेणीव आवर रे... छंदः परद्वार चतुरंग
काव्यरस
हास्य
लेखनविषय:
याद्या 11718
प्रतिक्रिया 56

प्रतिक्रिया

अवलिया सोमवार, 26/07/2010
रेवतीताईंची प्रतिक्रिया वाचायला उत्सुक. ;)

नंदन सोमवार, 26/07/2010
खल्लास विडंबन! >>> छंदः परद्वार --- हे तर अजूनच भन्नाट :)

मिसळभोक्ता मंगळवार, 27/07/2010
हेच वाचून फुटलो ! जियो !

श्रावण मोडक सोमवार, 26/07/2010
येप्प... जोरदार. रेवतीताईंची प्रतिक्रिया वाचण्याची इच्छा माझीही आहे.

केशवसुमार सोमवार, 26/07/2010
रंगाशेठ, अमच्या पेटंटेड विषया मध्ये आपले स्वागत असो..;) झकास विडंबन.. (वाचक) केशवसुमार.. कन्यका तुमची माझी ताई!... वरून आम्हाला आमच्या मिपावरच्या पहिल्या रेशमाच्या बाबांनी विडंबनातील भीड नाही केली आल्यागेल्याची मागितली माफी मी त्या मेल्याची म्हणेन मी आता ताई, तुमच्या या घोडीला हात नगा लावू माझ्या बॉडीला ! ओळी आठवल्या... (स्मरणशील)केशवसुमार

रेवती सोमवार, 26/07/2010
ठेवतो अपेक्षा मिळेल दर्शन जिन्यात लपेन आज तुझ्या.. घरी ये त्यापेक्षा करिते मर्दन पाठीस लेपन आज तुझ्या... छंद: मुक्तद्वार

पिवळा डांबिस सोमवार, 26/07/2010
ठेवतो अपेक्षा होईल रंजन करीता मी फोन आज तुला एकएकी तुझे सुजे कानफाट चालताच हात बायकोचे सत्वरी धाडीतो छडी ही चिंचेची बाईल तुमची माझी ताई सरले तारुण्य उरले कारूण्य प्रार्थनेचे पुण्य घेई रंगा छंदः महाद्वाड :)

छोटा डॉन मंगळवार, 27/07/2010
एक से एक आहेत सगळे. परद्वार काय आणि मुक्तद्वार काय, महाद्वाड तर कहर ... लगे रहो !!!

चतुरंग मंगळवार, 27/07/2010
कसली अपेक्षा? कसले रंजन? कशाला तो फोन उगा करा का बरे करावी आमची उपेक्षा कानफाटी दीक्षा कोणी दिली? कशास धाडिता चिंचेच्या फोकास बाईल टिपेस ओरडते! सरले ते मोह संसाराची हाय धरतो मी पाय डांबीसाचे! छंद : शरणद्वार

केशवसुमार मंगळवार, 27/07/2010
रंगाशेठ, काय हे लगेच शरणव्दार... आहो त्याच चिंचेच्या फोकानं डांबिसाला इंगा दाखवायचा नां.. (माचिस)केशवसुमार शेवटी काय 'सारी दुनिया एक तरफ आणि जोरू का भाई एक तरफ' म्हणतात हेच खरं (जोरुका गुलाम)केशवसुमार

छोटा डॉन मंगळवार, 27/07/2010
जबर्‍या, एक से एक ... ही आमची विनंती --------------------------------------------- आधार जीवाला इथे मिपावर दंगा धाग्यावर रोजचाच .. प्रार्थनेच्या नादा योजले दर्शन जाहले मर्दन दुर्दैवाने .. विडंबने इथे एकाहुनी एक धमाल कडक प्रतिसाद ... रोजच्या कामाचा गंडला हिशेब बघतो साहेब चष्म्यातुनी ... करितो विनंती व्हावे हे मतैक्य हसणे अशक्य हापिसात ... छंद : कामाचा'भार' -------------------------------------------

केशवसुमार मंगळवार, 27/07/2010
ठेवतो अपेक्षा मिळावे दर्शन घरात मर्दन आज तुझे.. एक एक तुझे प्रकटती धंदे कलंत्र हे वदे अरे चोरा!... ठोकण्या पाठवी चिंचेच्या फोकास पिवळा डांबिस भाऊ राया!... अवकळा उरे सरली नेणीव 'उरली' जाणीव संपला रे... छंदः बंदव्दार

विनायक प्रभू सोमवार, 26/07/2010
छांदिष्टांनो खीखीखी

अडगळ मंगळवार, 27/07/2010
मौजेची अपेक्षा, घेउनी मंजन , एक नव्हे दोन , सारे जमा कानाखाली निघे, नवी पायवाट, उकळ्यांची लाट, श्रोते चिंब. चुकले लेकरु , पोटाशी धरावे, जनांसी मारावे, फाट्यावर. बाभळीचे विष, पिवु घटाघटा, जिन्याचा तो पत्ता, व्यनि करा. छंद : परसद्वार

चतुरंग मंगळवार, 27/07/2010
अडगळ राव करु नका मौज येते मग फौज अंगावरी! नको आडवाट भलताच जाच हमरस्ता तोच असे बरा सकाळचा चुके रातचा माघारी नको शिरजोरी नाक्यावर कशापायी घेता विष बाभळीचे गुज अंतरीचे व्यनिमनी!

अडगळ मंगळवार, 27/07/2010
परपीडे मन, दु:खी झाले बहु म्हणोनिया बाहु, पुढे केले. विषाच्या मिषाने, लाचावली जिव्हा, मोक्ष देता केव्हा, चतुरंगा ? जिन्याची ती वाट, मुक्तीचे ते पीठ, खोलीत वैंकुठ, चतुर्भुज. दीनांच्या दयाळा, पुरवावा चाळा, तोषावे या बाळा, अडगळा.

राजेश घासकडवी मंगळवार, 27/07/2010
चाललीये... एक से बढकर एक! अजून येऊ द्यात.

स्पंदना मंगळवार, 27/07/2010
स्वतःला बडवुन घेण्याचा तो एक सण अस्तो ना तो हाय का आज? आता तो आपला न्हव पण चालु द्या..कोपरापासुन वगैरे नमस्कार पुरायचे न्हाइती हिथ म्हणुन आमचा दंडवत कबुल करा.

प्रकाश घाटपांडे मंगळवार, 27/07/2010
ल्वॉक लईच हास्वुन र्‍हायली ब्वॉ! प्वॉट दुखायची बारी!

मुक्तसुनीत मंगळवार, 27/07/2010
वाय झेड प्रकार !! अगा बाबौ !

दिपक मंगळवार, 27/07/2010
भन्नाट ईडंबण आणि प्रतिक्रिया... :-)

मितभाषी मंगळवार, 27/07/2010
तीच नारी । तोच पलंग ।। पचांगही जिर्ण । मुहुर्तही तोच ।। ऐसे समयी चेकाळला रंगा नि ।। घातला दंगा । वावगे ना मज।। दिसे काही ।। ;) ------------------------ रेवतीतै कॄपया ह. घे.

बिपिन कार्यकर्ते मंगळवार, 27/07/2010
=)) =)) =)) बर्‍याच दिवसांनी असा दंगा झाला.

श्रावण मोडक मंगळवार, 27/07/2010
लगे रहो. सगळेच 'सर्किट' (ते नव्हे, मुन्नाभाईवालेच) आहेत. स्वगत : मुन्नाभाई हा आयडी अद्याप कुणीच घेतलेला दिसत नाही.

क्रान्ति मंगळवार, 27/07/2010
धन्य ती प्रार्थना धन्य विडंबन साष्टांग वंदन रंगाकाका एकाहून एक प्रतिसाद भारी मुक्त-बंद द्वारी किती छंद वेड लागेल रे किती हासवावे आता वाचवावे पांडूरंगा!

बहुगुणी मंगळवार, 27/07/2010
झाली ना उपेक्षा? मिळाले दर्शन? हिशेब घेईन आज तुझा! सांग कितीकांचे प्रकटले तात झाली रूजवात अरे चोरा! शेकलेल्या पाठी बाभळीची काठी त्यांचे दादा-भाई माझे नवरोजी!... अवकळा झाली उरली ऊणीव आता तरी मेल्या सावर रे... छंदः घरदार

चतुरंग मंगळवार, 27/07/2010
आणि इतक्या मोठ्या संखेने मिपाकर त्यात सहभागी झाले हे पाहून डोळे पाणावले! ;) सर्व सहभागी मिपाकरांचे आभार मानून मला वाढदिवसाच्या शुभेच्छा घ्यायच्या नाहीयेत! ;) पण तरिही म्हणावेसे वाटते ... नको ते दर्शन नको ती उपेक्षा कशाला अपेक्षा मोक्षाची ती! एकामागे एक प्रकटले सात ओव्या टाकतात शीघ्रकवी! शेकल्या जीवाला पडतो आराम वाचना विश्राम आता नको! शब्दकळा भारी ओव्यांचा सुखांत सरली हो भ्रांत म्हणे रंगा! छंद : मिपाद्वार

३_१४ विक्षिप्त अदिती मंगळवार, 27/07/2010
नको ते लिखाण अतिच बाष्कळ कशाला उपेक्षा माध्यमाची एकामागे एक ठाकले की उभे 'जुळारी' मिपाचे सिद्धहस्त तापल्या हवेला हवी होती शांती आता ही मिळाली जय यशो 'रंगा'चा आरंभ अडगळ डॉन्या बहुगुणी केसु पिडां भारी छंद - भाराभार

छोटा डॉन मंगळवार, 27/07/2010
कवितेची 'वृत्ती' जरी चांगली असली तर 'वृत्ता'त मार खाल्ला हो ऽऽऽऽ वृत्ताला पार फाट्यावर मारले आहे की ;) स्वगत : आयला हा नियम माहित नव्हता, नाहीतर ढीग लावला असता की विडंबनाचा ;)

३_१४ विक्षिप्त अदिती मंगळवार, 27/07/2010
डान्राव तुमची वृत्तीच वाईट असल्याने तुम्ही वृत्ताच्या भानगडीत पडू नका. गणित यावं लागतं त्यासाठी, चार आणि सहा अक्षरं मोजावी लागतात. बादवे, 'अडगळ' हा शब्द विशेषनाम म्हणून वापरला असला तरी तुमच्या पूर्वग्रहदूषित दृष्टीला ते थोडंच दिसणार! आणि हो, तुम्ही विडंबनांचा ढीग लावण्याआधी केशकलपावर, आपलं केशकलापाबद्दल लिहीणार आहात ना ...

छोटा डॉन मंगळवार, 27/07/2010
डान्राव तुमची वृत्तीच वाईट असल्याने तुम्ही वृत्ताच्या भानगडीत पडू नका. गणित यावं लागतं त्यासाठी, चार आणि सहा अक्षरं मोजावी लागतात.
आमच्या वृत्तीचे एक सोडा ( तसे म्हणले तर आमच्या बाबतीत सगळेच सोडा ) असो. नुसती अक्षरे मोजुन कुठला 'छंद' पुर्ण होत नाही. अजुन बरेच काही असते, असो. मला कळालेला देवद्वार छंद : १. ४ ओळींची एक रचना २. पहिल्या ३ ओळीत प्रत्येकी ६ अक्षरे ३. शेवटची ओळ ४ अक्षरांची ४. दुसर्‍या व तिसर्‍या ओळींचा शेवट "सारख्याच शब्दांनी" झाला पाहिजे. अवांतर : मात्रांची माहिती नाही, स्वारी !!! हे पहा ... http://www.misalpav.com/node/4503 - ( छंदबद्ध ) डॉनोपंत
'अडगळ' हा शब्द विशेषनाम म्हणून वापरला असला तरी तुमच्या पूर्वग्रहदूषित दृष्टीला ते थोडंच दिसणार!
नव्हे, तो आमचा आक्षेपच नव्हे. आमचा आग्रह फक्त काव्याची साधनशुचिता ( म्हणजे काय ते देवाला माहित ) पाळणे हा होय. - ( साधनशुचितेच्या मोहातला ) डॉन्या गडकरी
तुम्ही विडंबनांचा ढीग लावण्याआधी केशकलपावर, आपलं केशकलापाबद्दल लिहीणार आहात ना ...
१००% लिहणार आहे. बाभळी धरणाचा प्रश्न सुटला आणि त्यावर मी एक लेख लिहला की पुढचा लेख हाच ... - ( आण्णा ) डॉन्या नायडु

३_१४ विक्षिप्त अदिती मंगळवार, 27/07/2010
४. दुसर्‍या व तिसर्‍या ओळींचा शेवट "सारख्याच शब्दांनी" झाला पाहिजे. डॉनोपंत, शब्द का अक्षरं हे नीट पहा आणि मग छंदफंद करा हो!

प्रा.डॉ.दिलीप बिरुटे मंगळवार, 27/07/2010
मस्त मजा आली......! -दिलीप बिरुटे

वाहीदा बुधवार, 28/07/2010
विडंबन अगदी.. एक से बढकर एक ! ~ वाहीदा

जाई. शनीवार, 28/01/2012
वाचूनिया मस्त विडंबन भारी हहपुवा झाली आज पुन्हा साद प्रतिसाद एकाहून एक बहरे प्रतिभा विडंबनी हाती रंग्गांण्याच्या पडे कच्चा माल मिळे हे झकास काव्यरत्न