सोप्पी चटकन होणारी आणि पौष्टीक आहे ही वडी ४ वाटी गव्हाचे पीठ्/कणीक २ वाट्या गुळ १ १/२ वाटी पाणी ८-१० खारका, ५-६ बदाम दोन्ही वाटून थोडा तळलेला डींक २ चमचे खसखस पाऊण वाटी साजुक तुप (वडी मऊ किंवा कडक आवडत असेल त्याप्रमाणे तुपाचं प्रमाण कमी जास्त करा) कणीक तुपावर खमंग भाजून घ्या, गुलाबीसर रंगाची होईपर्यंत. गुळ पाणी एकत्र करुन एक तारी पाक करा. खूप दिवस ठेवायच्या असतील वड्या तर आणखी घट्टं पाक करा. सगळा गुळ आवडत नसेल तर अर्धा गुळ अर्धी साखर घातली तरी चालेल. आता भाजलेली कणीक पाकात घाला ढवळा आणि किंचित तुप लावलेल्या ताटात थापा. वड्या पाडा आणि खा. खूप गरम असताना वड्या पाडल्या तर तुटु शकतात.

ही पा. क्रु. तुम्ही वाचलीच आहे आधी मी इथे फक्त नंतर सापडावी म्हणून टाकतेय बीन सॅलेड १०-१५ फरसबीच्या शेंगा २ चमचे डिजॉन मस्टर्ड (मोहोरी पेस्ट + मध) हे तयार पण मिळतं वास खूप छान येतो ह्याने १/२ कप इ व्ही ओ ओ (एक्स्ट्रा व्हर्जिन ऑलिव्ह ऑईल बेस्ट) १/४ कप रेड व्हिनेगर १ कॅन साधारण (२००-२५० ग्रॅ. असेल ) राजमा (उकडलेला) तेवढेच छोले (उकडलेले) पिंटो बिन्स, ब्लॅक बिन्स, वाटाणे अशा हव्या त्या बिन्स सगळ्या उकडून त्यात टॉमेटो, किंचित साखर, मीठ, कांदा, कोथंबीर, मिरपूड, थोडी कैरी सगळं मिक्स करा आणि खा....मस्त लंच होतो.. चु. भु. द्या. घ्या.