मिसळपाव
कुंपणावरच्या मित्रांसाठी....
ओळखीच्या घोळक्यात एकट्यासम शाप नाहि
मित्रत्वाने पाठीवरती आपुलकीची थाप नाहि.
जिंकलीस तू लंका सारी, साता समुद्रा पार रे
ओल्याचिंब मिठीसाठी जवळ उरला बाप नाहि.
धावताना जगण्यासाठी, गाठले पैलतीर रे
विसरलास जगणे मागे, उरली फक्त धाप नाहि?
दूरदेशी शांतचित्ती, मनी कर हिशोब रे
आनंद मोजून ठेव नीट, हरवले कीती माप नाही.
आठवते शेणमाती, मनात तोच गंध रे
मात्र हिरव्या नोटेपुढे, परतण्याची टाप नाहि.
आई इथे एकटीच, खोलीत तुझ्या बसते रे
ती म्हणत नसली तरी, दुसरे असे पाप नाहि.
-ऋषिकेश
Taxonomy upgrade extras