केवळ नामोल्लेखानेच कुणाला मळमळ होईल तर कुणी उतावीळ होईल. जितके प्राण्यांचे प्रकार तितक्या मांसाशनाच्या पद्धती, त्याहून जास्त मांसासाठीच्या पाकसिद्धी. मांसाहारामुळे बुद्धी बद्ध होते हा सिद्धकांचा आरोप असतो. प्रत्यक्षात तसे घडतेच असे नाही. अर्थात खाण्याबरोबर पिण्याची सोय झाली तर पुढे बऱ्‍याच गोष्टींची गैरसोय देखील होतेच. बुद्धीचे प्रकरण गुद्दी पर्यँत वाढते,इतकी खाणाऱ्‍या पिणाऱ्‍यांना चढते! एकंदर काय तर मांसाशनाची मैत्री मदिरापानाशी जोडली गेल्याने सगळा जांगडगुत्ता झालाय. अशक्तपणात मांसाची आसक्ती ठेवल्याशिवाय शक्ती येत नाही किंवा क्षयरोगावर चिकनसूपासारखे पेय नाही अशी एक धारणा आढळते.

राम राम मायबाप मिपाकरहो, अदिती यांनी सुरू केलेल्या 'आजची स्त्रीची प्रतिमा' या धाग्यात मिपाच्या मुखपृष्ठाबद्दल, खादाडी सदराबद्दल अनेकांनी हिरिरीने आपले विचार मांडले व मते नोंदविली.. वास्तविक या धाग्याचा काही भाग हा 'आजची स्त्री व विविध माध्यमात तिचे होणारे दर्शन/प्रदर्शन' या संबंधी काही भाष्य करणारा होता, तोही पुसट अक्षरात! व बराचसा भाग हा चन्नम्मा या एका इतिहासकालीन कर्तृत्ववान स्त्रीवर होता.