रसिक वाचकांनी आस्वाद घ्यावा अशी योजना! ------------ समुत्कर्ष बुक्स चैत्रपालवी लायब्ररी योजना ज्याप्रमाणे चैत्रात वृक्षांना नवी कोवळी पालवी फुटते व सारी सृष्टी आनंदाने मोहरुन जाते., त्याप्रमाणे आपल्याला ही साहित्यवृक्षावरची नवपालवी ….नव नवी पुस्तके आकर्षित करतात. आपल्याला पुस्तकांच्या विश्वातच रममाण व्हावेसे वाटते. आपल्यापर्यन्त अशी नव -नवीन पुस्तके पोचवीत व ते ही कमीत कमी खर्चात, यासाठी " समुत्कर्ष" आपल्यासाठी एक विशेष योजना घेऊन येत आहे. य़ोजना: १.आपण रु.१०० सभासद शुल्क भराल. २. त्यासोबत रु. १००० डिपॊ्झीट भराल ( एक वर्षासाठी) ३.

"सुम्या....चल रे आवर पटकन.... साली ८.३० ची लोकल सुटायची." मी बुटाची लेस बांधत ओरडलो. एम.एस्सीच्या दुसऱ्या वर्षाला होतो तेव्हाची गोष्ट आहे. एम.एस्सी ची चौथी सेमिस्टर म्हणजे इंडस्ट्रियल ट्रेनिंग असायाचं. माझ्या सुदैवाने मला एका छोट्या कंपनीत म्हणजे इंडस्ट्रियल ट्रेनिंग साठी जॉब मिळाला होता. आता सुदैवाने म्हणणं योग्य आहे कारण पहिल्या सेमिस्टर पासून प्लेसमेंट होइपर्यंत एकतर मला कधी फ़र्स्टक्लास वगैरे काही माहितच नव्हता. उलट एटीकेटी, जयकर का काय तो नियम (इतर विषयात पास झाल्यावर एखाद्या विषयात २-४ मार्क वाढवुन पास करतात तो नियम) वगैरे सारख्या सुविधांचा यथेच्छ वापर करीत आपलं शिक्षण चाललं होतं.

पाऊस आला की मन आठवांनी ओलंचिंब होतं. तसं पाहिलं तर हरेकाच्या मनामध्ये आठवांचा पाऊस हमेशा बरसत असतोच... अवकाळी बरसणाऱ्या काही आठवणी असतात तर काही भुरभुरत्या सरींसारख्या अंगावर सुखद शिडकावा करणाऱ्या. झिम्मड पावसागत काही फेर धरणाऱ्या तर काही झडीच्या धारांप्रमाणे नकोनकोशा. काही स्मृती श्रावण सरींसारख्या ऊन पाऊस खेळणाऱ्या तर काही उगाचच मनाच्या शिखरावर रेंगाळणाऱ्या. काही आठवांची इंद्रधनुष्ये असतात तर काही स्मृती काळ्याशार ढगांमधून दाटून येत असतात. जितके पावसाचे प्रकार तितकी स्मृतिंची ही वलये... शांत जलाशयाच्या पृष्ठभागी थेंबाथेंबाने उमटणाऱ्‍या अगणित तरंगांसारखी... झाडाला वेढणाऱ्या वेलींसारखी...