Skip to main content

मन....

लेखक लीलाधर यांनी गुरुवार, 27/10/2011 17:48 या दिवशी प्रकाशित केले.
मन म्हणजे मन म्हणजे मन असते, तुमचे आमचे सगळ्या॑चे जीवन असते, लग्नाचे मु॑जीचे केळवण असते, ह्या सोहळ्या॑चे औचीत्य साधून केलेली आठवण असते, मन म्हणजे मन म्हणजे मन असते, तुमचे आमचे सगळ्या॑चे हेवन (स्वर्ग) असते, मनाचा मनाला नाही लागत मेळ, हीच तर खरी आहे जीवनाची भेळ, कशाला करताय फूकाचा त्रागा..... मनाने मनाशी बा॑धू मैत्रीचा धागा...... मान्य आहे की मन हे च॑चल असते, तरीही ते जीवनातील अमुल्य असे पवीत्र ग॑गाजल असते.......... म्हणून म्हणतो मन म्हणजे मन म्हणजे मन असते, तुमचे आमचे सगळ्या॑चे हेवन (स्वर्ग) असते, मन म्हणजे मन म्हणजे मन असते..............
काव्यरस
शांतरस

बागेमधला फेरफटका -

लेखक विदेश यांनी गुरुवार, 27/10/2011 16:49 या दिवशी प्रकाशित केले.
बागेमधली विविध फुले रांगामधुनी कशी बहरती रंग लेऊनी मोहक अंगी वाऱ्यावरती गंध पसरती ! वातावरणी रम्य रंगती मुलामुलींचे ढंग वेगळे कोलांटउड्या मर्कटलीला पळापळीचे खेळ आगळे ! बाबागाडी निवांत फिरते चिवचिवणारी छोटी बाळे विश्वाला सामावून घेती लुकलुकणारे त्यांचे डोळे ! खुषीत नातू आणि आजोबा बागेमध्ये फिरून येती कोण सान नि कोण तो मोठा देहभान विसरून जाती !
काव्यरस
शांतरस

दिवाळीचा फराळ : बेसन आणि खोबर्‍याचे लाडू

लेखक गणपा यांनी गुरुवार, 27/10/2011 13:17 या दिवशी प्रकाशित केले.
नमस्कार मंडळी, सर्वप्रथम तुम्हा सर्वांना दिपावलीच्या खुप खुप शुभेच्छा !!! दिवाळी म्हटलं की रांगोळी, दिव्यांच्या रोषणाई, फटाक्यांच्या आतषबाजी सोबत आठवतो तो दिवाळीचा फराळ. तसा मी लहानअसल्या पासून तिखटखाऊ. फराळातल गोडं धोड सहसा आवडत नाही. अपवाद म्हणजे बेसनाचे लाडू. तर आजची सुरवातच या आपल्या लाडक्या बेसनलांडूंनीच करु.
विशेष
दिवाळी २०११

मिसळपावचा ई-दिवाळी अंक कधी प्रकाशित झाला ? :)

लेखक प्रा.डॉ.दिलीप बिरुटे यांनी गुरुवार, 27/10/2011 10:54 या दिवशी प्रकाशित केले.
राम राम मंडळी, आपले एक जेष्ठ मिपाकर आणि आमचे जेष्ठ मित्र श्री प्रमोद देव यांनी मला फेसबूकवरुन एक चित्र पाठवलं आणि दिव्य मराठीची बातमीही पाठवली त्या बातमीत ई-दिवाळी अंकाची बातमी आहे. विविध मराठी संकेतस्थळांच्या ई-दिवाळी अंकाच्या वैशिष्ट्यांबाबत छापून आले आहे. तसेच न निघालेल्या आपल्या मिसळपावच्या दिवाळी अंकाचे वैशिष्ट्येही छापून आले आहे.

RA _ONE

लेखक स्पा यांनी गुरुवार, 27/10/2011 10:23 या दिवशी प्रकाशित केले.
मुंबईच्या लोकल मधून अचाट स्टनट्स करणारा शाहरुख उर्फ जी - वन,... भयानक वेगात फिरवलेले क्यामेरे ... ब्रेक्स नसलेली सुसाट सुटलेली लोकल .. हिरवीण चक्क मोटरमन च्या जागी .. शेवटी.. लोकल चे डबे वेगळे करून लोकांना वाचवण .. फक्त मोटरमनच्या डब्याच प्रचंड वेगाने CST स्टेशनात धडकण .. चक्क स्टेशनच्या बाहेर लोकल चा डबा येण.. त्या धक्क्याने जुन्या स्टेशनच्या इमारतीला तडे जाण, त्या वरची विक्टोरीयाची मूर्ती कोसळण....हळू हळू.. स्टेशन ची इमारतच खचण. अफाट सर्वच अफाट...

ते शिंकले तरीही.....!

लेखक गंगाधर मुटे यांनी गुरुवार, 27/10/2011 08:54 या दिवशी प्रकाशित केले.

ते शिंकले तरीही.....!

आकांत बेदखल का अमुचे जगात होते?
ते शिंकले तरीही चर्चा नभात होते

सोकावलाय येथे काळोख माजलेला
घनघोर रात्र कोठे, कोठे प्रभात होते

का लोळतात पायी सिंहासने तयांच्या?
अद्भुत नवल कसले, त्यांच्या कुळात होते?

आक्रोश शोषितांचे ना उग्र रूप घेते
आक्रंदणे तयांची घरट्यात आत होते

जुळली सतार नव्हती बेसूर जीवनाशी
कसली स्मशानयात्रा तालासुरात होते?

मराठी विश्वकोष जालावर सादर

लेखक यकु यांनी गुरुवार, 27/10/2011 04:40 या दिवशी प्रकाशित केले.
आत्ता म.टा. वर विश्वकोश जालावर सादर झाल्याची बातमी वाचत होतो. तिथूनच मराठी विश्वकोषाची साईट उघडली. पण मध्येच म.टा. वरची बातमी कुठे गेली कुछ पता नहीं. त्यामुळे विश्वकोषाच्या साईटवरुन अध्यक्षांचे मनोगत चोप्य-पस्ते केले आहेत. मराठी विश्वकोष आता जालावरही उपलब्ध झाला आहे. सध्या एक खंड उपलब्ध दिसतो; लवकरच इतरही उपलब्ध होतील अशी सूचनाही आहे. मराठी विश्वकोष जालावर उपलब्ध झाल्याने मराठीतील संदर्भ शोधण्याचे काम फारच सुलभ होईल.

भारताबाहेरील दिवाळी

लेखक विकास यांनी गुरुवार, 27/10/2011 01:00 या दिवशी प्रकाशित केले.
नव्वदच्या दशकात जेंव्हा अमेरीकेत आलो, तेंव्हा ज्या काही गोष्टीं दुरावल्या असे वाटले त्यात दोन सण होते - एक अर्थातच गौरी-गणपती, तर दुसरा दिवाळी. याचा अर्थ बाकीच्या सणांना मिस केले नाही असे नाही, पण हे प्रकर्षाने आठवत होते...तस म्हणलं तर आज देखील हे सण घरातच जास्त असतात, त्यात कुटूंबियांप्रमाणे मित्रमैत्रिणींचा सहभाग असतो आणि अर्थातच मराठी मंडळाचे कार्यक्रम... बाकी बाहेर वातावरण "तेच ते, तेच ते"!
विशेष
दिवाळी २०११

मी, कॅन्सल झालेलं रिझर्व्हेशन आणि नुरिया

लेखक अँग्री बर्ड यांनी बुधवार, 26/10/2011 18:44 या दिवशी प्रकाशित केले.
दिवाळीनिम्मित पुण्याहून कोकणात यायचे ठरले होते. वोल्व्होचे आरक्षण करणे म्हणजे छ्या , एरवी ३०० मध्ये नेणारा तो आता ६०० सांगत होता. ह्यापेक्षा मग एशियाड काय वाईट म्हणून एशियाडने जायचे ठरवले. माझी एक मानलेली बहिण कम मैत्रीण जी माझ्याच गावी राहते तिच्या बाबांनी मला सांगितलं की ती एकटी येतेय रात्रीची, दोघ या त्यापेक्षा.ठीक आहे म्हणत तीच पण माझ्याच जोडीला रिझर्व्हेशन करून टाकल, सीट नंबर १३ खिडकी,१४. पणजी गाडी होती. म्ह्टल चला, १० तासांच्या प्रवासात कोणीतरी बडबड करायला आहे,गाणी तरी ऐकून ऐकून किती ऐकणार ?
Subscribe to