बागेमधला फेरफटका -

बागेमधली विविध फुले रांगामधुनी कशी बहरती रंग लेऊनी मोहक अंगी वाऱ्यावरती गंध पसरती ! वातावरणी रम्य रंगती मुलामुलींचे ढंग वेगळे कोलांटउड्या मर्कटलीला पळापळीचे खेळ आगळे ! बाबागाडी निवांत फिरते चिवचिवणारी छोटी बाळे विश्वाला सामावून घेती लुकलुकणारे त्यांचे डोळे ! खुषीत नातू आणि आजोबा बागेमध्ये फिरून येती कोण सान नि कोण तो मोठा देहभान विसरून जाती !