मोहितो... । व्हाइट रशिअन... । झणझणीत मरीआइ... । अनारीटा... | बी 52... ‘कॉकटेल लाउंज’ मालिकेतील आजचे कॉकटेल आहे “क्लासिक मार्टीनी” पार्श्वभूमी: घरात काम चालु असल्यामुळे बार बंद होता. आता काम झाले आणि बार चालु केला. :) दिवाळीसाठी एक मस्त कडक कॉकटेल टाकावे असा विचार केला आणि समोर जीन दिसली. लगेच कॉकटेल ठरले “मार्टीनी”. ‘लेडीज ड्रिंक’ अशी हेटाळणी केली गेलेल्या ‘जीन’ पासुन बनवलेले हे कॉकटेल आहे. जीन हे लेडीज ड्रिंक असे म्हणणार्यांनी हे कॉकटेल प्यावे आणि मग जीनला लेडीज ड्रिंक असे म्हणण्याची हिंमत करून दाखवाववी. अतिशय जहाल, कडक (Potent) असे कॉकटेल आहे हे. ऊगाच नाही 007, जेम्स बॉण्डचे आवडते ड्रिंक हे. :) पण त्याचे कॉकटेल जरा वेगळे असते, जेम्स बॉण्ड शेवटी तो, त्यात पुन्हा कट्टर ब्रिटीश, सामान्य माणसाप्रमाणे कसा काय वाग़णार तो ;) प्रकार: जीन बेस्ड, क्लासिक कॉकटेल साहित्य: जीन – 2 औस (60 मिली) ड्राय वर्मुथ – 15 मिली बर्फ 3 ग्रीन ऑलिव्ह सजावटीसाठी / 1 टुथपिक बार स्पुन Hawthorne strainer किंवा गाळणे ग्लास: – कॉकटेल (ह्या  ग्लासला मार्टीनी ग्लास  असेही म्हणतात) कृती: कॉकटेल ग्लासमधे बर्फाचे खडे टाकुन त्यात पाणी घालुन ठेवा. ह्यामुळे ग्लास चिल्ड आणि फ्रॉस्टी होइल. मिक्सिंग ग्लास 3/4 बर्फाने भरून घ्या. आता त्यात जीन आणि ड्राय व्हर्मुथ ओता. बार स्पुनने व्यवस्थित स्टर करून घ्या. व्यवस्थित स्टर झाल्यावर Hawthorne strainer‌‌‌‌‌ वापरुन कॉकटेल ग्लास मधे गाळुन घ्या. आता 3 ऑलिव्ह टुथपिकवर अडकवून कॉकटेल ग्लासमधे हळुच सोडा. क्लासिक मार्टीनी तयार आहे:) चियर्स!