धन्याम्होरं ती लांब उडून जायची त्यो जाताच माज्या हातावर बसायची.. शेतावर फक्त तीच माजाशी बोलायची पावसात माज्या हाताआड हळूच लपायची.. आता लपण्याची गरजच राहिली नाय हातावरली जागा आजबी रिकामी हाय.. धनीनेबी चिम्नीवानिच मला रामराम ठोकला बायकापोरास्नी माग ठेऊन निगुन गेला.. मोठ्या गाडीतनं त्यो लोकनेता आला जाताना गाडीत दारुची बाटली उघडला.. सात दिवसानंतर छोटं धनी आलं ट्र्ाक्टरवर बसुन माझ्याकडं पाहून हसलं.. हातावरचं पाव्हण आता बिगीबिगी येईल.. पर धनीला परत कोणं आणिलं?

काळे गोरे पिवळे गोळा झाले सगळे दाढ़ीवाले इकडे गाडीवाले तिकडे घुसळ घुसळ घुसळ दम लगा के हइया मंथन झाले सुरु मजा बघाया आला काठावर बसला बनला जगद्गुरु एक दोन तीन चार एजेंट ऑरेंज रत्नहार पाच सहा सात आठ मुजाहिदीन कंठात घुसळ घुसळ घुसळ दम लगा के हइया वाजू लागली थंडी लोकशाही ज़िंदाबाद विळाहातोडा मुर्दाबाद दुनिया सब्जीमंडी नऊ दहा अकरा बारा खाड़ीत शिरला वारा तेरा चौदा पंधरा सोळा स्मशानी भूते गोळा घुसळ घुसळ घुसळ दम लगा के हइया कंठात झाला गळू दिवाळीत होळी होळीत दिवाळी मोकाट सुटला वळू सतरा अठरा एकोणवीस मेंदूचा पाडला कीस वीस एकवीस बावीस खाड़ी आली भरतीस घुसळ घुसळ घुसळ जोर लगा के हइया पुन्हा घुसळण सुरु

चहु दिशांत पसरे कीर्ती, जग तुझिया पायावरती पण अवखळ गोकुळवासी, मज कृष्ण भेटला नाही ....... किती काळ उलटला राधे ,नित नवीन दिसशी तूही ....... जरी रूप बदलले त्याचे, तो कृष्ण वेगळा नाही तो परतून आला तरीही, माझा ना उरला काही दमले मी शोधून त्याला , मज कृष्ण भेटला नाही ....... उमगता मोल नात्याचे गेलेला परतून येई ....... समजून तयाला घे तू , तो कृष्ण वेगळा नाही सर्वस्व वाहिले त्याला , काही ना बाकी उरले मी स्वत:स हरवून बसले , मज कृष्ण भेटला नाही .........इतुके न कुणाला द्यावे, की भार तयाचा व्हावा ........