अता आर्त हळवी हवा सांज असते
स्मृती पाखरांचा थवा सांज असते
जरी रात्र असते तुझी दाट छाया
छटांचा तुझ्या कारवा सांज असते
दिशा क्षितिज संदिग्ध करती पुन्हा अन्
पुन्हा जीवनी नाखवा सांज असते
जुने तेच ते रंग लेवून परके
समारंभ अवघा नवा सांज असते
न तू आज येथे न मी आज तेथे
अता रोज ही मारवा सांज असते
- कुमार जावडेकर
प्रतिक्रिया
25 Feb 2024 - 10:49 pm | कर्नलतपस्वी
आवडली गझल.
29 Feb 2024 - 10:37 pm | राघव
खूप दिवसांनी सुंदर कविता/गझल वाचण्यात आली! :-)
दोन्ही द्विपदी अप्रतीम! :-)