टॉक्डॉक् टॉक्डॉक् आला दौडत -

व — विदेश,
टॉक्डॉक् टॉक्डॉक् आला दौडत अबलख माझा घोडा - आई बाबा आजी आजोबा सरका रस्ता सोडा ! दोनच पायांच्या घोड्याची घरभर भरभर घाई पटपट झुरळे दूर पांगती खुषीत येते आई ! हातांचा हा लगाम धरुनी वेगाला मी आवरतो ऐटित मागे पुढे डोलुनी घर-मैदानी वावरतो ! घोडोबा मी घरी लाडका खेळायाला पुढे पुढे - शंभर टक्के परीक्षेत गुण अभ्यासातहि सदा पुढे ! तबेल्यात बेजार हा घोडा आठवड्यातले दिवस सहा - चंगळ घोड्याची रविवारी हैराण हे घरदार पहा !!
2562 वाचन
💬 प्रतिसाद (14)

अनामिक
Sat, 10/15/2011 - 01:04 नवीन
बालगीत तसं वाचायला चांगलं वाटलं तरी "पटपट झुरळे दूर पांगती" वाचून किती ते अस्वच्छं घर असेल असं वाटून गेलं!

शिल्पा ब
Sat, 10/15/2011 - 07:03 नवीन
मला कविता समजत नाहीत म्हणुन उगाच मी त्यांच्या वाटेला जात नै...पण शिर्षक वाचुन आले अन मस्त बालगीत एंजॉय केले.. :) बाकी अबलख म्हंजे काय?

किसन शिंदे
Sat, 10/15/2011 - 12:44 नवीन
मस्त आहे बालगीत... आवडलंय. रिंगा रिंगा रोजेसच्या जमान्यात माझ्या पुतण्याला ऐकवेन हे बालगीत.

प्रभाकर पेठकर
Sat, 10/15/2011 - 20:04 नवीन
पटपट झुरळे दूर पांगती 'झुरळे' ऐवजी 'सगळे' असा शब्दप्रयोग केला तर?

मिसळलेला काव्यप्रेमी
Sun, 10/16/2011 - 10:15 नवीन
मस्त आहे.

तिमा
Sun, 10/16/2011 - 11:01 नवीन
आशय चांगला व हलकाफुलका पण मीटरमधे बसत नाही असे वाटते.

विजुभाऊ
Mon, 10/17/2011 - 13:09 नवीन
झुरळे पांगवायला पेस्ट कंट्रोल ऐवजी घोडा घोडा मोठ्यानी देखील खेळले तर फार उपयोगी ठरेल ;)

नावातकायआहे
Mon, 10/17/2011 - 13:16 नवीन
_ _/\_ _
↩ प्रतिसाद: विजुभाऊ

अगोचर
Tue, 10/18/2011 - 01:28 नवीन
माझ्या प्राथमिक शाळेतिल आठवणी प्रमाणे अबलख म्हणजे दोन रंग असलेला (उदा. पांढरा आणि चॉकलेटी किंवा पांढरा आणि काळा). विज्ञानाच्या भाषेत क्रॉस ब्रीड, दोन जातींचे गुणधर्म असल्यामुळे चांगला समजला जातो.