नाचत नाचत येई मयुरा
नाचत नाचत येई मयुरा
वर्षा आली फुलव पिसारा ||धृ||
मेघ वाजती धडधडधड धुम
थेंब जलाचे पडती सरसून
साथ देई घोंगावत वारा
नाचत नाचत येई मयुरा ||१||
रान अवघे हिरवे होईल
पिसार्यापरी सारे फुलवील
आनंदूनी नाचवी डोई तुरा
नाचत नाचत येई मयुरा ||२||
लयीत पावले तूझी टाकूनी
डौलाने बघ मान उंचाउनी
सुर केकाउनी कर पुकारा
नाचत नाचत येई मयुरा ||३||
- पाषाणभेद (दगडफोड्या)
१२/०८/२०१०
प्रतिक्रिया
12 Aug 2010 - 3:06 pm | दिपक
मस्त रे.. :-)
12 Aug 2010 - 3:16 pm | निरन्जन वहालेकर
छान कल्पना ! ! !
पन्डित रामदास कामत ह्यान्च्या " मयुरा s s s रे फुलवित ये रे पिसारा " ची आठवण झाली
12 Aug 2010 - 3:38 pm | अमोल केळकर
सहमत :)
13 Aug 2010 - 2:39 pm | सुभाष् अक्कावार
कविता छान आहे. आवडली.