सद्भावना

या मनास लागावा अनवरत ध्यास तुझा
आप, तेज, वायु, धरा, सार्‍यांतच भास तुझा

तूच मनी, तू नयनी, प्राण तुझे, श्वास तुझा
नाम तुझे मुखी राहो, ध्यानी मनी वास तुझा

अवघड ही वाट तरी आसरा जिवास तुझा
कानी घुमे मुरलीचा नाद आसपास तुझा

नाना रूपांत दिसे आगळा विलास तुझा
मनमोहन, यदुनंदन, यमुनातटी रास तुझा

तारशील भवसागरी, मजसी विश्वास तुझा
देई विसावा चरणी, प्रभु मी रे दास तुझा

माझी ही कविता आमच्या मुंबईहून प्रसिद्ध होणा-या कार्यालयीन अंकात {संचारिका २००७=०८} मध्ये पूर्व प्रकाशित झाली आहे.

मिसळपाव आणी मिपाकरांचे चे आभार कसे व्यक्त करु अस प्रश्न मला बरेच दिवस भेडसावत होता आणी डोक्यात ही कल्पना आली.

रुक्ष वाळवंटात जसा सापडावा अमृताचा झरा
तशी मराठीची तृष्णा शमे मिसळपावच्या घरा
मराठमोळ्या माणसांना फक्त मिपाचाच आधार
मिपा, तुझे लक्ष लक्ष आभार!!

काव्य, चर्चा, साहित्याचा अनमोल असा ठेवा
संगे कौल,कलादालन आणी पाककृतींचा मेवा
लहानथोरांसाठी हे मराठीचे अक्षय भांडार
मिपा, तुझे लक्ष लक्ष आभार!!

ही माझी कविता रेशीमनिळाई या काव्यसंग्रहात प्रसिद्ध होणार होती.... मग ती पुढे एका दिवाळी अंकात छापून आली...

जागतिक महिला दिनी , तो बायकोला सरप्राईज देण्यासाठी निदान आमटीभात तरी करून खायला घालू, या विचाराने स्वयंपाकघरात शिरला आणि व्हायचे तेच झाले.

ती : आमटीभात खाताना ,खडा आला घासात
सखया रे खाऊ कसा, तुझा मी हा आमटीभात

जिब्राल्टरच्या सामुद्रधुनीतून
शांततेची कबुतरे उडताना
पाहून गालिब म्हणाला
वल्हव रे नाखवा
वल्हव वल्हव

गुंत्यातला तोरा मिरवत
घाटातली वळणे घेताना
चुकून मॅडोना म्हणाली
जितं जितम्
जितम्

प्रियेच्या झोपड्यामध्ये
साजणस्पर्शाचा भावुकदर्प
घेताना सजणी म्हणाली
"अय्या, याला काय अर्थ आहे?"