गणित सोडवायचं म्हटलं की माणसाला प्रश्न पडतो. मग तो स्वतःशीच म्हणतो, "अब्बा! कसं करायचं हे इतकं अवघड गणित?" पण या प्रश्नातच त्या गणिताचे उत्तर दडलेले असते! हा गणिती प्रश्न आणि त्याचे उत्तर म्हणजे - अब्बा! कसं करायचं हे इतकं अवघड गणित? अब्बा! कसं करायचं हे अवघड गणित? अब्बा! कसं करायचं हे गणित? अब्बा! कसं करायचं हे? अब्बा! कसं करायचं? अब्बा! कसं? अब्बाकसं? अबाकस अ‍ॅबॅकस् या रीतीने मग अ‍ॅबॅकस् या गणिते सोडविण्याच्या पद्धतीचा शोध लागला! ;-) --- चला तर मग, राजकारण, अर्थकारण, शेअर बाजार, ज्ञान, विज्ञान, तत्वज्ञान, अध्यात्म, कला, क्रीडा, साहित्य, संस्कृती, भटकंती, पाककृती... यांतील पारंगत मिपाखरे कोट्या करण्यातही कमी नाहीत हे दाखवू या. आपापले असेच कोट्याधीश विचार (खरंतर अविचार) इथे मांडा! सर्वोत्तम मिपाखरांचा इथे प्रतिष्ठित मिपाखरांच्या हस्ते शाल, श्रीफळ, हार, तुरे वगैरे देऊन जाहीर सत्कार करण्यात येईल! - कोट्याप्रेमी द्येस्मुक्राव्