छोटं पण उत्कृष्ट समीक्षण . तुमच्यासाठी पण तालिया.. पुलेशु

सिद्धेश्वर विलास पाटणकर

समीक्षा आवडली.

छान

चित्रपट चांगला आहे. मेघना गुलजारने इतकं व्यावसायिक यश प्रथमच मिळवलं असेल.

आलिया भट्ट टॅलेंटेड आहे प्रचंड.

थोडक्यात पण सुंदर समिक्षण ! चित्रपट पाहिला आणि आवडलाही.

हेरकथेत बहुदा दिसणारा भडक स्टंट टाळून, अनपेक्षितरित्या हेरगिरीत ओढल्या गेलेल्या एका "खर्‍या" हेराच्या कामाचे आणि मनःस्थितीचे प्रदर्शन करणारा हा चित्रपट आहे. सत्यकथेवर, आणि त्यातही भारतिय सत्यकथेवर, आधारीत असल्याने अधिकच जवळचा वाटला.

आलिया भट एक उत्तम अभिनेत्री म्हणून आपले स्थान पक्के करत आहे असे दिसते आहे. हिंदी चित्रपटसृष्टीतील रुळलेले हिरॉइनचे रोल्स सोडून वेगळ्या वाटेवरचे रोल स्विकारायला ती घाबरत नाही व ते पेलण्याची ताकद आपल्यात आहे हे ती तिच्या कामाने सिद्ध करत आहे. ('उडता पंजाब'मधला नॉन-ग्लॅमरस रोलही तिने ताकदीने पेलला होता).

विक्रांत

वरील संवाद
छिद्रान्वेष -- दाखवलेली युद्धनौका

"विराट"

आहे.
बाकी असे गुप्तहेर कोणत्या मातीचे बनलेले असतात हे मला अजून कुतूहल आहे? पकडले गेलो तर मृत्यू किंवा आयुष्यभर होणारा छळ हे नक्की माहिती असूनही जाज्वल्य देशभक्ती साठी हि माणसे एवढा प्रचंड धोका कसा पत्करू शकतात याचे मला अत्यंत आश्चर्य वाटत आले आहे.
या निमित्ताने श्री कुलभूषण जाधव यांची होणारी छळवणूक परत आठवली. आणि श्री मोरारजी देसाई यांनी बेजबाबदार वक्तव्य केल्यामुळे कहूता या अणू प्रकल्पात हेरगिरीची तयार झालेली साखळी अक्षरशः तोफेच्या तोंडी दिली गेली याची आठवण होऊन अंगाची लाही होते.
https://www.indiandefencereview.com/how-we-killed-the-kaoboys/

आलिया आवडती आहेच पण आता अजून जास्त आवडायला लागली. बाकी कलाकारांनी पण छानच काम केलय.

खूप आवडले. स्टुडंट ऑफ द इयर मध्ये ग्लॅमरस रोल करणारी हीच का असा प्रश्न पडून तोंडात बोट घातले जाते. उडता पंजाब पाहिला, राझी अजून पाहिला नाहीये पण नक्की पाहणार अन थेटरात जाऊनच पाहणार.

डबल एजन्ट ( मराठी शब्द ? )

श्री. गामा पैलवान ह्यांना संपर्क करा, त्यांची इंग्रजी शब्दांना मराठी-संस्कृत-संस्कृतोद्भव मराठी प्रतिशब्द तयार करायची हातोटी विलक्षण आहे
खरे सरांचा प्रतिसादही खूप आवडला. खरंच हेर कुठल्या मातीचे बनलेले असतात ह्याचं कुतूहल वाटतं.

डबल एजन्ट = दुहेरी हेर.

विअर्ड विक्स,

चाणक्याने उभयवेतन नामे एक हेरप्रकार नमूद केला आहे. ही डबल एजंट च्या सर्वात जवळची संज्ञा वाटते.

आ.न.,
-गा.पै.

हा चित्रपट यायच्या आधीच माहित होतं भारी असणार म्हणुन. आलिया आणि विकी दोघंही मस्त. आता फर्जंद बघायचा आहे. तो पण भारी असणार आहे.

संज्ञामालिन्य ( = cognitive dissonance) चं हे मासलेवाईक उदाहरण आहे. गंमत बघा महेश भट चा मोठा मुलगा राहुल भट प्रत्यक्षात एक अतिरेकी आहे. २६/११ चा सूत्रधार डेव्हिड कोलमन हेडली रेकीच्या वेळेस राहुल भटाच्या घरी राहायला होता. राहुल भट दहशतवादी आहे. त्याचा बाप महेश भट नावापुरती काश्मिरी हिंदूंची जाहीर बाजू घेतो. याच राहुल भटाची धाकटी सावत्र बहीण आलिया भट सिनेमांत देशप्रेमी भूमिका रंगवते. लोकांना हे बघून कळंत नाही की भट कुटुंब विश्वासार्ह आहे की देशद्रोही? देशप्रेम आणि देशद्रोह या दोन विरोधी भावना व विरोधी संज्ञा आहेत. प्रेक्षकांच्या भावनांना हात घालून परस्परविरोधी चित्रं प्रकट करायचं व त्याच्या आधारे संज्ञांचा गोंधळ उडवून द्यायचा. अशी ही संज्ञामालिन्याची योजना आहे. यासाठी भट कुटुंब फार काळजीपूर्वक निवडलं आहे.

-गामा पैलवान

कालच बघितला. अत्यन्त सुंदर चित्रपट आहे. प्रत्येक व्यक्तीने गरज आहे अगदी तेवढाच अभिनय केलाय. कुठेही भडकपणा नाही. संवाद सुद्धा अगदी मोजके आणि नेमके. युट्युब वर मेकिंग चे व्हिडीओ बघा. 1971 सालंचे पाकिस्तान कसे उभे केले आहे हे कळल्यावर तर फार कौतुक वाटलं.

मेघना गुलजार ही प्रचंड टॅलेंटेड बाई आहे. आणि चक्क आलिया सुद्धा!

आलीया तिच्या आजोबा बद्दल बोलत असताना म्हणते की "मै ही तो मुल्क हूं. मै ही हिंदुस्थान हूं" तेव्हा फार गलबलून येतं. आपल्या सारख्या करोडो फालतू माणसांच्या समूहाला सुरक्षित ठेवायला हे लोक जीव देतात. आपण साधा कचरा नाही उचलत घराजवळचा. विचारात पाडणारा चित्रपट.

(खुसपट - अमृता तिची जाऊ आहे, भावजय नाही!)

छान परीक्षण.. पहायचाच आहे..

प्रतिसाद रोचक आहेत!
कालच हा रिव्ह्यू https://www.bigul.co.in/bigul/2553/sec/11/nationalism वाचला.

आलियाने इन्स्टा वर तिचा आणि विकी कौशलचा फोटो शेअर केल्यापासूनच राझी ला फॉलो करत होते . काही कौटुंबिक कारणांमुळे पहिल्या आठवड्यात पाहता आला नाही. पण नंतर लगेच पाहून आले. आलिया आणि टीमने कमाल केली आहे संपूर्ण चित्रपटात! आलिया भट ची हायवे पासूनच खूप मोठी फॅन आहे. खरंतर परीक्षण लिहिण्याची इच्छा होती, पण वेळेअभावी जमले नाही.

संपूर्ण चित्रपट किंचितही अँड कुठेही वाहवत गेला नाही. नितांत सुंदर अभिनयाने नटलेला असा हा चित्रपट. आलियाच्या प्रत्येक री-ऍक्शन/ब्रेक-डाउन मोमेंट्स प्रचंड खऱ्या आणि जमून आल्या आहेत. तसेच पूर्ण चित्रपटभर एक महिना प्रशिक्षण घेऊन आलेल्या हेरासारखीच वागली आहे. कुठेही तिने अचाट ऍक्शन सिक्वेन्स दाखवले नाहीयेत.

विकी कौशल त्याच्या डोळ्यातून बोलतो.(*my new crush *) संपूर्ण चित्रपटात त्याने अतिशय संयत असा अभिनय केलाय. त्यामुळेच शेवटच्या सिक्वेन्समध्ये त्याच्या होणार अंत चटका लावून जातो.

जयदीप अहलावतला विशेष मेंशन!

आणि मेघना गुलजारचे डिरेकशन अमेझिंग ! :)

पूर्ण चित्रपटाचे संवाद, म्युझिक उत्तम. कुठेही ऑफ द ट्रॅक जात नाही.

PS : चित्रपटाचा अंमल अजूनही उतरला नाहीये !

सुंदर लिहिलंय, लेख आवडला ! राजी हा खरोखरच हिंदीतील एक महत्वाचा चित्रपट ठरावा !
प्रदर्शित झाल्यावर लगेच पहायचा होता, अजुन योग आलेले नाहीत.

आज पिंपळ प्रदर्शित झालाय, तो ही खुणावतोय !
देवा मला असे सुंदर सिनेमा पहायला वेळ आणि पैसा दे रे !

चित्रपट अतिशय सुंदर आहे! आलिया तर आत्तापर्यंत सगळ्यांच भूमिकांमध्ये आवडली. या चित्रपटातही उत्तमच काम केले आहे तिने. विकी कौशल हाही अतिशय आवडला. खास करुन मागच्याच आठवड्यात त्याचा 'लव पर स्क्वेअर फूट' पाहिला होता. त्यातला आणि राजी मधला कलाकार एकच आहे यावर विश्वास बसत नाही! त्याचा फक्त लूकच नाही तर देहबोली, ढब वगैरे सगळेच खूप वेगळे आहेत दोन्ही सिनेमांमध्ये. बाकीही कलाकार अगदी लहानसहान भूमिकांमध्येही लक्ष्यात राहतात.

चित्रपटात खरंच तुम्ही लिहिलंय तसं - भडकपणा कुठेच नाही. 'ऐ वतन' गाणं अजूनही गुणगुणावसं वाटतं असं आहे.

तेजीच्या कपाळावर सिंदूर दाखवण्याचे कारण हे की ती हिंदू आहे (इथे पहिली ओळ).

मस्तच मस्त सिनेमा. आलिया आता मस्ट वॉच मध्ये सरकलीये !!!